ಸಿಎಂ ಸಿದ್ದರಾಮಯ್ಯ ಮತ್ತು ಮಾಜಿ ಸಿಎಂ ಯಡಿಯೂರಪ್ಪಗೆ ಕ್ಷಮೆ ಸಿಗಲಿ ಎಂದು ಹುಬ್ಬಳ್ಳಿಯಲ್ಲಿ ಸ್ವಾಮೀಜಿ ಒಬ್ಬರು ಹೇಳಿದ್ದಾರೆ. ಇಬ್ಬರೂ ನಾಯಕರು ಆರೋಪ ಮುಕ್ತರಾಗಲಿ ಎಂದು ಹುಬ್ಬಳ್ಳಿಯ ವರೂರಿನ ನವಗ್ರಹ ತೀರ್ಥದ ಗುಣಧರನಂದಿ ಸ್ವಾಮೀಜಿ ಪ್ರಾರ್ಥನೆ ಮಾಡಿದ್ದಾರೆ. ಸಿದ್ದರಾಮಯ್ಯ ಮತ್ತು ಯಡಿಯೂರಪ್ಪ ಇಬ್ಬರು ಮಹಾನ್ ವ್ಯಕ್ತಿಗಳು. ಅವರು ಕರ್ನಾಟಕಕ್ಕೆ ದುಡಿದಷ್ಟು ಬೇರೆ ಯಾರು ದುಡಿದಿಲ್ಲ. ಇಂಥವರಿಗೆ 70 – 80 ವಯಸ್ಸಿನಲ್ಲಿ ಅವರ ವಿರುದ್ಧ ಆರೋಪಗಳು ಸರಿಯಲ್ಲ ಎಂದಿದ್ದಾರೆ.
ADVERTISEMENT
ರಾಜ್ಯದಲ್ಲಿ ಇಂತಹ ಹೊಲಸು ರಾಜಕಾರಣ ಸರಿಯಲ್ಲ, ಕೋರ್ಟ್ ವಿಚಾರದ ಬಗ್ಗೆ ಮಾತಾಡೋದು ತಪ್ಪು. ಆದರೆ ಅವರಿಬ್ಬರೂ ತಪ್ಪು ಮಾಡಿಲ್ಲ. ಒಂದು ವೇಳೆ ತಪ್ಪು ಮಾಡಿದ್ದರೂ ಕ್ಷಮೆ ಸಿಗಲಿ. ನಮ್ಮಲ್ಲಿ ಕ್ಷಮಾವಾಣಿ ಪರ್ವ ನಡಿತಿದೆ. ಆ ಪರ್ವದಲ್ಲಿ ಅವರಿಬ್ಬರಿಗೂ ಕ್ಷಮಾದಾನ ನೀಡುವಂತೆ ಪ್ರಾರ್ಥನೆ ಮಾಡುತ್ತೇವೆ. ಹವನ, ಯಜ್ಞ ಮಾಡಿ ಇಬ್ಬರೂ ನಿರ್ದೋಷಿ ಆಗಲಿ ಅಂತ ದೇವರಲ್ಲಿ ಪ್ರಾರ್ಥಿಸುತ್ತೇವೆ ಎಂದಿದ್ದಾರೆ.
