ಕುಲು: ಶನಿವಾರ ಪ್ರಕಟವಾದ ಉಪಚುನಾವಣೆ (By eletion) ಫಲಿತಾಂಶದಲ್ಲಿ ಕಾಂಗ್ರೆಸ್ ಮೂರು ವಿಧಾನಸಭಾ ಸ್ಥಾನಗಳಲ್ಲಿ ಎರಡನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದು, (CM)ಸಿಎಂ ಸುಖವಿಂದರ್ (Sukhwinder) ಸುಖು ಅವರ ಪತ್ನಿ ಕಮಲೇಶ್ ಠಾಕೂರ್ ಅವರು ಕಾಂಗ್ರಾ ಜಿಲ್ಲೆಯ ಡೆಹ್ರಾ ಕ್ಷೇತ್ರದಿಂದ ಮೊದಲ ಗೆಲುವು ಸಾಧಿಸಿದ್ದಾರೆ. ಸೋಲನ್ ಜಿಲ್ಲೆಯ ನಲಗಢದಿಂದ ಕಾಂಗ್ರೆಸ್‌ನ ಹರ್ದೀಪ್ ಸಿಂಗ್ ಬಾವಾ ಮತ್ತು ಹಮೀರ್‌ಪುರದಿಂದ ಬಿಜೆಪಿಯ ಆಶಿಶ್ ಶರ್ಮಾ ಗೆದ್ದಿದ್ದಾರೆ. 32,737 ಮತಗಳನ್ನು (57.94%) ಪಡೆದ ಕಮಲೇಶ್ ಠಾಕೂರ್ ಅವರು 23,338 ಮತಗಳನ್ನು (41.3%) ಗಳಿಸಿದ ಬಿಜೆಪಿಯ ಹೊಶ್ಯಾರ್ ಸಿಂಗ್ ಅವರನ್ನು 9,399 ಮತಗಳ ಅಂತರದಿಂದ ಸೋಲಿಸಿದರು.
ಡೆಹ್ರಾದಲ್ಲಿ ಒಟ್ಟು 150 ಮತದಾರರು ನೋಟಾ ಮತ ಚಲಾಯಿಸಿದ್ದಾರೆ. ಮೊದಲ ನಾಲ್ಕು ಸುತ್ತುಗಳಲ್ಲಿ ಕಡಿಮೆ ಅಂತರದಿಂದ ಹಿಂದುಳಿದ ನಂತರ, 53 ವರ್ಷದ ಠಾಕೂರ್ ಐದನೇ ಸುತ್ತಿನಲ್ಲಿ ಮುನ್ನಡೆ ಸಾಧಿಸಿದರು, ಅಂತಿಮವಾಗಿ ಡೆಹ್ರಾದಿಂದ ಸ್ವತಂತ್ರ ಅಭ್ಯರ್ಥಿಯಾಗಿ ಎರಡು ಬಾರಿ ಗೆದ್ದಿದ್ದ ಹೋಶ್ಯಾರ್ ಸಿಂಗ್ ಅವರನ್ನು ಆರಾಮವಾಗಿ ಸೋಲಿಸುವ ಮೂಲಕ ತನ್ನ ಮೊದಲ ಚುನಾವಣಾ ವಿಜಯವನ್ನು ಪಡೆದರು. 2017 ಮತ್ತು 2022 ರಲ್ಲಿ. ಕಾಂಗ್ರೆಸ್ ಅಭ್ಯರ್ಥಿ ಬಾವಾ ಅವರು ನಲಗಢ ಕ್ಷೇತ್ರದಿಂದ ಬಿಜೆಪಿಯ ಕೆಎಲ್ ಠಾಕೂರ್ ಅವರನ್ನು 8,990 ಮತಗಳ ಅಂತರದಿಂದ ಸೋಲಿಸುವ ಮೂಲಕ ನಿರ್ಣಾಯಕ ಗೆಲುವು ಸಾಧಿಸಿದ್ದಾರೆ. ಬಾವಾ 34,608 ಮತಗಳನ್ನು ಪಡೆದರೆ, ಠಾಕೂರ್ 25,618 ಮತಗಳನ್ನು ಗಳಿಸಿದರು. 2022ರ ಚುನಾವಣೆಯಲ್ಲಿ ಠಾಕೂರ್ ಅವರು ಬಾವಾ ಅವರನ್ನು 13,264 ಮತಗಳಿಂದ ಸೋಲಿಸಿದ್ದರು.
BIG BREAKING 🚨⚡
— Ankit Mayank (@mr_mayank) July 13, 2024
Congress workers have already started celebrating in Himachal as Congress is winning 3/3 seats
HUGE victory for Congress party in North India, BJP got ROUTED 🔥#VoteCounting pic.twitter.com/FVkhopAh2m
ಈ ಮೂರು ವಿಧಾನಸಭಾ ಕ್ಷೇತ್ರಗಳಲ್ಲಿ ಒಟ್ಟು 13 ಅಭ್ಯರ್ಥಿಗಳು ಸ್ಪರ್ಧಿಸಿದ್ದರು. ಈ ಎರಡು ಗೆಲುವಿನೊಂದಿಗೆ 68 ಸ್ಥಾನಗಳ ರಾಜ್ಯ ವಿಧಾನಸಭೆಯಲ್ಲಿ ಕಾಂಗ್ರೆಸ್ ತನ್ನ ಸಂಖ್ಯೆಯನ್ನು 38 ರಿಂದ 40 ಕ್ಕೆ ಹೆಚ್ಚಿಸಿಕೊಂಡಿದೆ. ಬಿಜೆಪಿಯ ಒಟ್ಟು ಸ್ಥಾನಗಳೂ 27ರಿಂದ 28ಕ್ಕೆ ಏರಿಕೆಯಾಗಿದೆ.
