ಇಂದಿನಿಂದ ಲೋಕಸಭೆ ಚುನಾವಣೆಗೆ (parliment election) ಗೌಪ್ಯ ಮತದಾನ ಆರಂಭವಾಗಲಿದೆ. 85 ವರ್ಷ (85 years and above) ಮೇಲ್ಪಟ್ಟ ಹಿರಿಯ ನಾಗರೀಕರು & ವಿಶೇಷ ಚೇತನರಿಂದ (specially abled) ಅಂಚೆ ಮೂಲಕ ಮತ ಚಲಾಯಿಸುವ ಅವಕಾಶ ಮಾಡಿಕೊಡಲಾಗಿದೆ. ವಯೋವೃದ್ಧರು ಮತ್ತು ವಿಶೇಷ ಚೇತನರಿಗೆ ಮತಗಟ್ಟೆಗಳಿಗೆ ತೆರಳಿ ಮತದಾನ ಮಾಡಲು ಕಷ್ಟವಾಗುವುದುರಿಂದ ಅವರು ಮತದಾನದಿಂದ ದೂರ ಉಳಿದುಬಿಡಬಹುದು. ಆದ್ರೆ ಪ್ರಜಾಪಭುತ್ವದಲ್ಲಿ (Democracy) ಮತದಾನದ ಹಕ್ಕು ಚಲಾವಣೆ ಬಹಳ ಮುಖ್ಯ, ಹೀಗಾಗಿ ಈ ವ್ಯವಸ್ಥೆಯನ್ನ ಕಲ್ಪಿಸಿಕೊಡಲಾಗಿದೆ.
ಏಪ್ರಿಲ್ 13ರಿಂದ ಆರಂಭವಾಗಿ -ಏಪ್ರಿಲ್ 18ರವರೆಗೆ ಮನೆಯಿಂದಲೇ ಗೌಪ್ಯ ಮತದಾನ ಮಾಡುವ ಅವಕಾಶವನ್ನ ಚುನಾವಣಾ ಆಯೋಗ ಕಲ್ಪಿಸಿಕೊಟ್ಟಿದೆ. ಬೆಂಗಳೂರು ಉತ್ತರ (Bangalore north), ಕೇಂದ್ರ (bangalore central), ದಕ್ಷಿಣ (Bangalore south) ಕ್ಷೇತ್ರಗಳಲ್ಲಿ ಕಲ್ಪಿಸಿಕೊಡಲಾಗಿದೆ. ಈ ಮೂಲಕ ಮನೆಯಿಂದಲೇ ಕುಳಿತು ಅಂಚೆ ಮತದಾನ ಮಾಡುವ ಸೌಲಭ್ಯ ಮಾಡಲಾಗಿದೆ.
ಈ ಪ್ರಕ್ರಿಯೆಯಲ್ಲಿ ನೋಂದಣಿ ಮತದಾರರ ಮನೆಗೆ ಮತಗಟ್ಟೆ ಅಧಿಕಾರಿ ತಂಡ ಭೇಟಿ ನೀಡುತ್ತಾರೆ.2 ಮತಗಟ್ಟೆ ಅಧಿಕಾರಿ (booth officer), ಭದ್ರತಾ ಸಿಬ್ಬಂದಿ, ವೀಡಿಯೋಗ್ರಫರ್ (videographer)ಭೇಟಿ ನಿಮ್ಮ ಮನೆಗೆ ಭೇಟಿ ನೀಡ್ತಾರೆ ಹಾಗೂ ಗೌಪ್ಯ ಮತದಾನದ ಪ್ರಕ್ರಿಯೆಯಲ್ಲಿ ಪೊಲೀಸ್ ಸಿಬ್ಬಂದಿ (police officers) ಹಾಗೂ ಒಬ್ಬ ವೀಕ್ಷಕ ಉಪಸ್ಥಿತವಿರೋದು ಕಡ್ಡಾಯ. ಈ ತಂಡವು ಮನೆಗೆ ತೆರಳಿ ಮತದಾನ ಗುರುತಿನ ಚೀಟಿ ಪರಿಶೀಲನೆ ಮಾಡಿ ಗೌಪ್ಯವಾಗಿ ಅಂಚೆ ಮತಪತ್ರದಲ್ಲಿ ಮತ ಚಲಾಯಿಸಲು ಅವಕಾಶ ಮಾಡಿಕೊಡುತ್ತದೆ. ಈ ಎಲ್ಲಾ ಪ್ರಕ್ರಿಯೆ ವೀಡಿಯೋಗ್ರಫಿಯ ಮೂಲಕ ಕಡ್ಡಾಯ ಸೆರೆಹಿಡಿಯಬೇಕು.
ಪ್ರತೀ ಮತದಾರರ ಮನೆಗೆ ಎರಡು ಬಾರಿ ಭೇಟಿ ನೀಡಲಿರುವ ಟೀಂ. 2 ಬಾರಿಯೂ ನೀವು ಮನೆಯಲ್ಲಿ ಇಲ್ಲದಿದ್ರೆ ಮತ್ತೆ ಮತದಾನ ನಡೆಸಲು ಅವಕಾಶವಿರುವುದಿಲ್ಲ. ನಗರದ ಮೂರು ಕ್ಷೇತ್ರದಲ್ಲಿ 85 ವರ್ಷ ಮೇಲ್ಪಟ್ಟ 95,128 ಮಂದಿ ಮತದಾರರಿದ್ದು, 22 ಸಾವಿರದ 222 ಮಂದಿ ವಿಶೇಷ ಚೇತನರು ಇದ್ದಾರೆ. ಆದ್ರೆ ನೊಂದಣಿ ಮಾಡಿಕೊಂಡಿರೋದು ಕೇವಲ 6,206 85 ವರ್ಷ ಮೇಲ್ಪಟ್ಟ ಮತದಾರರು-ಹಾಗೂ 201 ವಿಶೇಷ ಚೇತನರು ಮಾತ್ರ
