ಅಮೆರಿಕ ಭಾರತೀಯ ವಾಸಿಗಳೊಂದಿಗೆ ಪ್ರಧಾನಿ ಮೋದಿ ಕಾರ್ಯಕ್ರಮ : ಹೇಗಿದೆ ತಯಾರಿ ?

ಅಮೆರಿಕದಲ್ಲಿರುವ ಭಾರತೀಯ ವಲಸಿಗ ನಿವಾಸಿಗಳೊಂದಿಗೆ ಪ್ರಧಾನಿ ನರೇಂದ್ರ ಮೋದಿಯು ಸಮಾಲೋಚನೆ ನಡೆಸಲಿದ್ದು ಇದನ್ನು ಭಾರತದ ಬೆಳವಣಿಗೆಗೆ ಒಂದು ಮೈಲಿಗಲ್ಲು ಅಂತಾ ವ್ಯಾಖ್ಯಾನಿಸಲಾಗುತ್ತಿದೆ. ಜೂನ್​ 23ರಂದು ವಾಷಿಂಗ್ಟನ್​​ನ ರೋನಾಲ್ಡ್​ ರೇಗನ್​ ಕಟ್ಟಡ ಹಾಗೂ ಇಂಟರ್ನ್ಯಾಷನಲ್​ ಟ್ರೇಡ್​ ಸೆಂಟರ್​ನ ಪ್ರಸಿದ್ಧ ಏಟ್ರಿಯಮ್​ನಲ್ಲಿ ಈ ಕಾರ್ಯಕ್ರಮ ನಡೆಯಲಿದೆ.

ADVERTISEMENT

ಜೂನ್ 23 ರಂದು ಸ್ಥಳೀಯ ಕಾಲಮಾನ ಸಂಜೆ 7 ರಿಂದ ರಾತ್ರಿ 9 ರವರೆಗೆ ಎರಡು ಗಂಟೆಗಳ ಕಾಲ ಕಾರ್ಯಕ್ರಮ ನಡೆಯಲಿದೆ. ಪ್ರಧಾನ ಮೋದಿ ಅಮೆರಿಕದಾದ್ಯಂತ ಭಾರತೀಯ-ಅಮೆರಿಕನ್ನರ ಸಭೆಯನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ.

ರೋನಾಲ್ಡ್​ ರೇಗನ್​​ನಲ್ಲಿ ಕಾರ್ಯಕ್ರಮ ನಡೆಯಲಿರುವ ಜಾಗವು ಸುಮಾರು 1600 ಜನರ ಸಾಮರ್ಥ್ಯವನ್ನು ಹೊಂದಿದೆ ಹಾಗೂ 8100 ಅಡಿ ಚದರ ವ್ಯಾಪಿಸಿದೆ. ಈ ಸಮಾರಂಭದಲ್ಲಿ ಖ್ಯಾತ ಆಫ್ರಿಕನ್-ಅಮೆರಿಕನ್ ಗಾಯಕಿ ಮೇರಿ ಮಿಲ್ಬೆನ್ ಪ್ರಧಾನಿ ಮೋದಿ ಮತ್ತು ಅತಿಥಿಗಳಿಗಾಗಿ ಕಾರ್ಯಕ್ರಮ ನೀಡಲಿದ್ದಾರೆ.