ಮದುವೆ ಆಗಿರಲಿ ಅಥವಾ ಆಗದೇ ಇರಲಿ, ಕಾನೂನಿನ ಅಡಿಯಲ್ಲಿ ಸುರಕ್ಷಿತ ಗರ್ಭಪಾತ ಮಾಡಿಸಿಕೊಳ್ಳುವ ಹಕ್ಕು ಎಲ್ಲಾ ಮಹಿಳೆಯರಿಗೆ ಇದೆ ಎಂದು ಸುಪ್ರೀಂಕೋರ್ಟ್ ಮಹತ್ವದ ತೀರ್ಪು ನೀಡಿದೆ.
ADVERTISEMENT
ಮದುವೆ ಆಗಿರಲಿ ಅಥವಾ ಆಗದೇ ಇರಲಿ ಆಕೆಗೆ ಬೇಡ ಅನಿಸಿದರೆ ಅಥವಾ ಅನಗತ್ಯ ಎನಿಸಿದರೆ ಗರ್ಭಪಾತ ಮಾಡಿಸಿಕೊಳ್ಳುವ ಮಹಿಳೆಯ ಹಕ್ಕನ್ನು ಯಾರೂ ಕಸಿದುಕೊಳ್ಳಲು ಸಾಧ್ಯವಿಲ್ಲ ಎಂದು ಸುಪ್ರೀಂಕೋರ್ಟ್ ಹೇಳಿದೆ.
24 ವಾರಗಳ ಗರ್ಭಾವಸ್ಥೆವರೆಗೂ ಗರ್ಭಪಾತಕ್ಕೆ ಅವಕಾಶವಿದೆ ಎಂಬ ಕಾನೂನಿ ನಿಯಮದ ಅಡಿಯಲ್ಲಿಯೇ ಮಹಿಳೆಯ ಈ ಹಕ್ಕು ಇರುತ್ತದೆ. ಗರ್ಭಪಾತ ಉದ್ದೇಶವೇ ಆಕೆ ತನ್ನ ಮೇಲಿನ ಅತ್ಯಾಚಾರಕ್ಕೆ ಬಲಿಪಶು ಆಗಬಾರದು ಎಂಬುದು ಎಂದು ಕೋರ್ಟ್ ಅಭಿಪ್ರಾಯಪಟ್ಟಿದೆ.
ನಿಯಮ 14ರ ಅನ್ವಯ 24 ವಾರಗಳವರೆಗೆ ಸುರಕ್ಷಿತ ಗರ್ಭಪಾತ ಮಾಡಿಸಿಕೊಳ್ಳಬಹುದು ಎಂಬ ನಿಯಮವಿದೆ. ಇದರ ಅಡಿಯಲ್ಲಿ ಅಥವಾ ಇಷ್ಟು ವಾರದೊಳಗೆ ಅವಿವಾಹಿತ ಹಾಗೂ ವಿವಾಹಿತ ಮಹಿಳೆಯರು ಗರ್ಭಪಾತ ಮಾಡಿಸಿಕೊಳ್ಳಬಹುದು ಎಂದು ನ್ಯಾಯಾಲಯ ಆದೇಶದಲ್ಲಿ ಸ್ಪಷ್ಟವಾಗಿ ತಿಳಿಸಿದೆ.
