ಕೇಂದ್ರ ಸರ್ಕಾರದ ವಕ್ಫ್ ಕಾಯ್ದೆ (Waqf amendment act) ಬಗ್ಗೆ ಸುಪ್ರೀಂಕೋರ್ಟ್ (Supreme court) ಮಧ್ಯಂತರ ಆದೇಶ ನೀಡಿದ್ದು, 3 ಪ್ರಮುಖ ವಿಚಾರಗಳ ಸಿಂಧುತ್ವ ಬಗ್ಗೆ ಆದೇಶ ಪ್ರಕಟಿಸಿದೆ. ಈ ಪೈಕಿ ವಕ್ಫ್ ಎಂದು ಘೋಷಿಸಿರುವ ಜಮೀನಿನ ಡಿನೋಟಿಫಿಕೇಷನ್ ಅಧಿಕಾರದ ಬಗ್ಗೆ ಇತ್ಯರ್ಥ ಮಾಡಲು ಕೇಂದ್ರ ಸರ್ಕಾರ ತಂದಿರೋ ಕಾನೂನನ್ನ ಪೂರ್ತಿಯಾಗಿ ರದ್ದು ಮಾಡೋದಕ್ಕೆ ಆಗೋದಿಲ್ಲ. ಆದರೆ ಕಾಯ್ದೆಯಲ್ಲಿರೋ ಕೆಲವು ವಿಚಾರಗಳ ಮೇಲೆ ಕಣವಾಣ ಹಾಕಲು ಮಾತ್ರ ಸಾದ್ಯ ಎಂದು ನ್ಯಾಯಪೀಠ ಹೇಳಿದೆ.
ಆದ್ರೆ ತನ್ನ ಆಸ್ತಿಯನ್ನ ವಕ್ಫ್ ಗೆ ನೀಡಲು ಒಬ್ಬ ವ್ಯಕ್ತಿಯು 5 ವರ್ಷಗಳ ಕಾಲ ಇಸ್ಲಾಂ ಧರ್ಮ ಪಾಲಿಸುವವರಾಗಿರಬೇಕೆಂಬ ತಿದ್ದುಪಡೆಗೆ ಕೋರ್ಟ್ ತಡೆ ನೀಡಿದೆ. 5 ವರ್ಷಗಳ ಕಾಲ ಇಸ್ಲಾಂ ಧರ್ಮವನ್ನು ಪಾಲಿಸಬೇಕು ಎಂಬ ಸೆಕ್ಷನ್ 3(1)(r) ನಲ್ಲಿರುವ ನಿಬಂಧನೆಗೆ ತಡೆ ವಿಧಿಸಲಾಗಿದೆ.
ವಕ್ಫ್ ಆಸ್ತಿಯು ಸರ್ಕಾರಿ ಆಸ್ತಿಯನ್ನು ಅತಿಕ್ರಮಣ ಮಾಡಿದೆಯೇ ಎಂಬ ವಿವಾದವನ್ನು ನಿರ್ಧರಿಸಲು ಸರ್ಕಾರದ ನಿಯೋಜಿತ ಅಧಿಕಾರಿಗೆ ಅವಕಾಶ ನೀಡುವ ಸೆಕ್ಷನ್ 3C ಯ ಉಪ-ವಿಭಾಗ 2 ರ ನಿಬಂಧನೆಯನ್ನು ಕೂಡ ಕೋರ್ಟ್ ತಡೆಹಿಡಿದಿದೆ. ಜೊತೆಗೆ ವಕ್ಫ್ ಮಂಡಳಿಗಳಿಗೆ ಮುಸ್ಲಿಮೇತರ ಸದಸ್ಯರ ನಾಮನಿರ್ದೇಶನಕ್ಕೆ ಅವಕಾಶಕ್ಕೆ ಸಂಬಂಧಪಟ್ಟಂತೆ ಸಾಧ್ಯವಾದಷ್ಟು ಸದಸ್ಯರು ಮುಸ್ಲಿಂ ವ್ಯಕ್ತಿಯಾಗಿರಬೇಕು ಎಂದು ಕೋರ್ಟ್ ಹೇಳಿದೆ.
ಕೇಂದ್ರ ವಕ್ಫ್ ಮಂಡಳಿಗೆ, 4 ಕ್ಕಿಂತ ಹೆಚ್ಚು ಮುಸ್ಲಿಮೇತರ ಸದಸ್ಯರನ್ನು ಒಳಗೊಂಡಿರಬಾರದು ಮತ್ತು ರಾಜ್ಯ ವಕ್ಫ್ ಮಂಡಳಿಗೆ, 3 ಕ್ಕಿಂತ ಹೆಚ್ಚು ಮುಸ್ಲಿಮೇತರ ಸದಸ್ಯರನ್ನು ಒಳಗೊಂಡಿರಬಾರದು ಎಂದು ಸುಪ್ರೀಂ ಕೋರ್ಟ್ ಹೇಳಿದೆ.
