ಮನುಷ್ಯ ತಾನು ಸೇವಿಸುವ ಆಹಾರ ಎಲ್ಲಾ ರೀತಿಯ ಪೋಷಕಾಂಶಗಳು, ಖನಿಜಾಂಶಗಳು ಹೊಂದಿರಬೇಕು.ಇಲ್ಲವಾದಲ್ಲಿ ಒಂದೊಂದೆ ಆರೋಗ್ಯ ಸಮಸ್ಯೆಗಳು ಎದುರಾಗುವುದು ಕಂಡಿತ.. ಅದರಲ್ಲಿ ವಿಟಮಿನ್ ಸಿ ಕೂಡಾ ಒಂದು,ವಿಟಮಿನ್ ಸಿ ಕೊರತೆಯಾದರೆ ರೋಗ ನಿರೋಧಕ ಶಕ್ತಿಯು ಕಡಿಮೆಯಾಗುತ್ತದೆ.ಇದರಿಂದ ಸುಸ್ತು,ತಲೆಸುತ್ತು,ಮೂಗು ಹಾಗೂ ವಸಡುಗಳಿಂದ ಬ್ಲೀಡ್ ಆಗುತ್ತದೆ..ಮುಖ್ಯವಾಗಿ ಮಹಿಳೆಯರಲ್ಲಿ ವಿಟಮಿನ್ ಸಿ ಕೊರತೆಯಿಂದಾಗಿ ಏನೆಲ್ಲಾ ಸಮಸ್ಯೆಗಳು ಎದುರಾಗುತ್ತದೆ ಎಂಬುದರ ಮಾಹಿತಿ ಹೀಗಿದೆ..
ತೂಕ ಹೆಚ್ಚಾಗುತ್ತದೆ
ವಿಟಮಿನ್ ಸಿ ಕೊರತೆಯಿಂದಾಗಿ ದೇಹ ಅದರಲ್ಲೂ ಕೂಡಾ ಸೊಂಟ ಹಾಗೂ ಹೊಟ್ಟೆಯ ಭಾಗದಲ್ಲಿ ಬೊಜ್ಚು ಹೆಚ್ಚಾಗುತ್ತದೆ..ಹಾಗೂ ಹೆಚ್ಚಿನ ಪ್ರಮಾಣದ ದೇಹದ ಕೊಬ್ಬನ್ನು ಹೆಚ್ಚು ಮಾಡುತ್ತದೆ.. ಇದರಿಂದ ಇತರೆ ಸಮಸ್ಯಗಳು ಎದುರಾಗುತ್ತದೆ..
ಚರ್ಮ ಸುಕ್ಕುಗಟ್ಟತ್ತದೆ
ಚರ್ಮವು ಸುಕ್ಕುಗಟ್ಟಬಹುದು ಮತ್ತು ಒಣಗಬಹುದು, ವಿಟಮಿನ್ ಸಿ ಕೊರತೆಯು ಚರ್ಮವು ಒಣಗಲು ಕಾರಣವಾಗಬಹುದು.ಚರ್ಮದ ಭಾಗದಲ್ಲಿ ನೀರಿನ ಅಂಶವನ್ನು ಕಾಪಾಡುವಲ್ಲಿ ಮತ್ತು ನಿರ್ಜಲೀಕರಣ ಸಮಸ್ಯೆ ಎದುರಾಗದಂತೆ ನೋಡಿ ಕೊಳ್ಳುವಲ್ಲಿ ವಿಟಮಿನ್ ಸಿ ಪ್ರಮುಖ ಪಾತ್ರ ವಹಿಸುತ್ತದೆ.
ಗಾಯಗಳು ಒಣಗುವುದಿಲ್ಲ
ವಿಟಮಿನ್ ಸಿ ಕೊರತೆಯು ದೇಹದಲ್ಲಿ ಕಾಲಜನ್ ಉತ್ಪಾದನೆಯ ಪ್ರಮಾಣವನ್ನು ನಿಧಾನಗೊಳಿಸುತ್ತದೆ, ಹೀಗಾಗಿ ಗಾಯಗಳು ನಿಧಾನವಾಗಿ ಗುಣವಾಗುತ್ತವೆ.ಅದರಲ್ಲು ಡಯಾಬಿಟೀಸ್ ಇದ್ದವರಿಗೆ ಈ ಸಮಸ್ಯೆ ಎದುರಾಗುವುದು ಹೆಚ್ಚು..
ವಸಡುಗಳಿಂದ ರಕ್ತಸ್ರಾವ
ವಿಟಮಿನ್ ಸಿ ಅಂಶ ದೇಹದಲ್ಲಿ ಕಡಿಮೆಯಾದರೆ ಮಹಿಳೆಯರಿಗೆ ವಸಡುಗಳಿಂದ ರಕ್ತಸ್ರಾವ ಕಂಡು ಬರಬಹುದು ಹಾಗೂ ಕೆಲವರಿಗೆ ಜೊತೆಗೆ ಮೂಗಿನಿಂದಲೂ ರಕ್ತ ಸೋರಿಕೆ ಆಗುತ್ತದೆ. ವಿಟಮಿನ್ ಸಿ ಹೆಚ್ಚಿರುವ ಆಹಾವನ್ನು ಸಿ ಸೇವಿಸುವುದರಿಂದ ರಕ್ತಸ್ರಾವವಾಗುತ್ತಿದ್ದರೆ ಬಹಳ ಬೇಗನೆ ರಕ್ತ ಹೆಪ್ಪುಗಟ್ಟಲು ನೆರವಾಗುತ್ತದೆ.
