ಅಗ್ನಿಪಥ್ ಸೇನಾ ನೇಮಕಾತಿ ಯೋಜನೆಯ ವಿರುದ್ಧ ನಡೆಯುತ್ತಿರುವ ಪ್ರತಿಭಟನೆಯಲ್ಲಿ ಪಾಲ್ಗೊಂಡಿರುವ ಸಂಯುಕ್ತ ಕಿಸಾನ್ ಮೋರ್ಚಾ (ಎಸ್ಕೆಎಂ) ಶುಕ್ರವಾರ ಯೋಜನೆ ವಿರುದ್ಧ ರಾಷ್ಟ್ರವ್ಯಾಪಿ ಬೃಹತ್ ಪ್ರತಿಭಟನೆ ನಡೆಸಲಿದೆ ಎಂದು ರೈತ ಮುಖಂಡ ಮತ್ತು ಭಾರತೀಯ ಕಿಸಾನ್ ಯೂನಿಯನ್ (ಬಿಕೆಯು) ವಕ್ತಾರ ರಾಕೇಶ್ ಟಿಕೈಟ್ ಸೋಮವಾರ ಘೋಷಿಸಿದ್ದಾರೆ.
“ಸಂಯುಕ್ತ ಕಿಸಾನ್ ಮೋರ್ಚಾವು ಜೂನ್ 24 ರಂದು ಜಿಲ್ಲಾ/ತಹಸಿಲ್ದಾರ್ ಪ್ರಧಾನ ಕಛೇರಿಗಳ ಮುಂದೆ ಅಗ್ನಿಪಥ್ ಯೋಜನೆಯ ವಿರುದ್ಧ ಪ್ರತಿಭಟನೆ ನಡೆಸಲು ಕರ್ನಾಲ್ನಲ್ಲಿ ನಡೆದ ಎಸ್ಕೆಎಂ ಸಮನ್ವಯ ಸಭೆಯಲ್ಲಿ ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ. ಯುವಕರು, ಸಂಘಟನೆಗಳು ಮತ್ತು ಬೇರೆ ಬೇರೆ ಪಕ್ಷಗಳು ನಮ್ಮೊಂದಿಗೆ ಸೇರಲು ನಾವು ವಿನಂತಿಸುತ್ತೇವೆ. ಈಗ, BKU ಯ ಯೋಜಿತ ಜೂನ್ 30 ರ ಪ್ರತಿಭಟನೆಯು ಜೂನ್ 24 ರಂದು ನಡೆಯಲಿದೆ ”ಎಂದು ಟಿಕಾಯತ್ ಟ್ವಿಟರ್ನಲ್ಲಿ ಪೋಸ್ಟ್ ಮಾಡಿದ್ದಾರೆ.
ಟಿಕಾಯತ್ ರ ಹಿರಿಯ ಸಹೋದರ ನರೇಶ್ ನೇತೃತ್ವದ BKU, SKM ನ ಸದಸ್ಯ – 40 ಕ್ಕೂ ಹೆಚ್ಚು ರೈತ ಸಂಘಟನೆಗಳ ಒಕ್ಕೂಟವಾಗಿದೆ. ಈ ಸಂಘಟನೆಗಳು ಮೂರು ವಿವಾದಾತ್ಮಕ ಕೇಂದ್ರ ಕೃಷಿ ಕಾನೂನುಗಳ ವಿರುದ್ಧ ಪ್ರತಿಭಟನೆಗಳನ್ನು ಮುನ್ನಡೆಸಿದ್ದವು. ಸೆಪ್ಟೆಂಬರ್ 2020 ರಲ್ಲಿ ಮೋದಿ ಸರ್ಕಾರ ತಂದ ಕಾನೂನುಗಳನ್ನು ಕಳೆದ ವರ್ಷ ನವೆಂಬರ್ನಲ್ಲಿ ಹಿಂತೆಗೆದುಕೊಳ್ಳಲಾಯಿತು.
ಏತನ್ಮಧ್ಯೆ, ಜೂನ್ 14 ರಂದು ಹೊರತಂದಿದ್ದ ಅಗ್ನಿಪಥ್ ನೀತಿಯನ್ನು ವಿರೋಧಿಸಿದ ದೇಶಾವ್ಯಾಪ್ತಿ ಪ್ರತಿಭಟನೆ ನಡೆಯುತ್ತಿದ್ದು, ಈಗ ಟಿಕಾಯತ್ ಅವರ ಸಂಘಟನೆಗಳು ಕೂಡ ಈ ಹೋರಾಟದ ಭಾಗವಾಗಿದ್ದಾರೆ. ಶುಕ್ರವಾರ ಬೃಹತ್ ಪ್ರತಿಭಟನೆ ನಡೆಯುವ ಸಾಧ್ಯಾತೆ ಇದೆ. ಅಲ್ಲದೆ, ಇಂದು ಅಗ್ನಿಪಥ್ ವಿರುದ್ಧ ಪ್ಯಾನ್-ಇಂಡಿಯಾ ಬಂದ್ ಗೆ ಕರೆ ಕೊಟ್ಟು ಪ್ರತಿಭಟಿಸುತ್ತಿದ್ದಾರೆ.
