ಈಜಿಪ್ಟ್ (Egypt) ದೇಶದ ರಾಜರ ಸಮಾಧಿಗಳು ಅಥವಾ ಪಿರಮಿಡ್ಗಳ (Pyramid) ಬಗ್ಗೆ ನಾವು ಇತಿಹಾಸದಲ್ಲಿ ಓದಿರುತ್ತೇವೆ.ಆದರೆ, ಆ ಸಮಾಧಿಗಳ (Tomb) ಮೇಲೆ ನಮ್ಮ ದೇಶದ ತಮಿಳು ವ್ಯಾಪಾರಿಯೊಬ್ಬ ತನ್ನ ಹೆಸರನ್ನು ಕೆತ್ತಿದ್ದಾನೆ ! ಹಾಗಾದರೆ ಸಾವಿರಾರು ವರ್ಷಗಳ ಹಿಂದೆ ನಮ್ಮ ದೇಶದ ಜನರು ಹೇಗಿದ್ದರು? ಅವರು ವಿದೇಶಗಳಿಗೆ ಹೋಗುತ್ತಿದ್ದರಾ? ಎಂಬ ಪ್ರಶ್ನೆ ಹುಟ್ಟಿಕೊಂಡಿದೆ.ಹಾಗೂ ಈ ಪ್ರಶ್ನೆಗಳಿಗೆ ಈಗ ಆಶ್ಚರ್ಯಕರ ಉತ್ತರ ಸಿಕ್ಕಿದೆ.
ಸ್ವಿಟ್ಜರ್ಲೆಂಡ್ನ ಸಂಶೋಧಕ ಇಂಗೋ ಸ್ಟ್ರೌಚ್ ಅವರು ಈಜಿಪ್ಟ್ನ ‘ವ್ಯಾಲಿ ಆಫ್ ಕಿಂಗ್ಸ್‘ (Valley Of Kings) ಎಂಬ ಜಾಗದಲ್ಲಿ ಸಂಶೋಧನೆ ಮಾಡುವಾಗ ಈ ವಿಚಾರ ತಿಳಿದು ಬಂದಿದೆ.ಸುಮಾರು 2000 ವರ್ಷಗಳ ಹಿಂದೆ ಒಬ್ಬ ತಮಿಳು ವ್ಯಾಪಾರಿ ಅಲ್ಲಿಗೆ ಹೋಗಿ, ಅಲ್ಲಿನ ಗೋಡೆಗಳ ಮೇಲೆ ತನ್ನ ಹೆಸರನ್ನು ಬರೆದಿದ್ದಾನೆ. ಇದು ಭಾರತ ಮತ್ತು ಈಜಿಪ್ಟ್ ನಡುವೆ ಅಂದೇ ಇದ್ದ ವ್ಯಾಪಾರ ಸಂಬಂಧ ಇತ್ತು ಎಂದು ತಿಳಿದು ಬರುತ್ತದೆ.
ಸಂಶೋಧಕರು ಆ ಪ್ರದೇಶದಲ್ಲಿ ಒಟ್ಟು 30 ಭಾರತೀಯ ಬರಹಗಳನ್ನು ಗುರುತಿಸಿದ್ದಾರೆ. ಇದರಲ್ಲಿ 20 ಬರಹಗಳು ತಮಿಳು-ಬ್ರಾಹ್ಮಿ ಲಿಪಿಯಲ್ಲಿವೆ. ಉಳಿದವು ಸಂಸ್ಕೃತ, ಪ್ರಾಕೃತ ಮತ್ತು ಗಾಂಧಾರಿ ಭಾಷೆಗಳಲ್ಲಿವೆ. ಅಂದಿನ ಕಾಲದಲ್ಲಿ ಕೇವಲ ದಕ್ಷಿಣ ಭಾರತದವರು ಮಾತ್ರವಲ್ಲ, ಇಂದಿನ ಮಹಾರಾಷ್ಟ್ರ, ಗುಜರಾತ್ ಮತ್ತು ವಾಯುವ್ಯ ಭಾರತದ ವ್ಯಾಪಾರಿಗಳೂ ಈಜಿಪ್ಟ್ಗೆ ಹೋಗಿ ಬರುತ್ತಿದ್ದರು ಎಂಬುದು ತಿಳಿದು ಬಂದಿದೆ.
