ಎಸ್.ಟಿ ಸೋಮಶೇಖರ್ (ST Somashekar) ನಮ್ಮ ಪಕ್ಷದಲ್ಲಿ ಇಲ್ಲ ಎಂಬ ಆರ್.ಅಶೋಕ್ (R Ashok) ಹೇಳಿಕೆ ವಿಚಾರಕ್ಕೆ ಸಂಬಂಧಪಟ್ಟಂತೆ ಶಾಸಕ ಸೋಮಶೇಖರ್ ಪ್ರತಿಕ್ರಿಯಿಸಿದ್ದು, ನಾನು ಅಶೋಕ್ ಗೆ ಹೇಳೋದು ಒಂದೇ. ನಾನು ಕಾಂಗ್ರೆಸ್ ಪಕ್ಷದಲ್ಲೇ ಇದ್ದೇ, ಮೂರು ವರ್ಷಗಳ ಕಾಲ ಸಚಿವ ನಾಗಿ ಕೆಲಸ ಮಾಡಿದ್ದೇನೆ.ಒಂದೇ ಒಂದು ಕೆಟ್ಟ ಕೆಲಸ ಮಾಡಿದ್ದೀನಾ? ಎಂದು ಪ್ರಶ್ನಿಸಿದ್ದಾರೆ.
ಈ ಹಿಂದಿನ ಚುನಾವಣೆಯಲ್ಲಿ ಮೂಲ ಬಿಜೆಪಿಯವರು ನನ್ನನ್ನ ಸೋಲಿಸೋಕೆ ಪ್ರಯತ್ನ ಮಾಡಿದ್ದರು.ಅದನ್ನ ಸರಿಪಡಿಸೋಕೆ ಹೇಳಿದ್ದೇ,ಆದ್ರೆ ನೀವು ಮಾಡಲ್ಲ.ಮಿಸ್ಟರ್ ಅಶೋಕ್ ಅವರೇ, ನನ್ನನ್ನ ಬಿಜೆಪಿಯಿಂದ ಹೊರಗೆ ಹಾಕೋಕೆ ಮುಖ್ಯ ಕಾರಣ ನೀವೆ ಎಂದಿದ್ದಾರೆ.
ಈಗ ನೋಟಿಸ್ ಕೊಟ್ಟಿದ್ದಾರೆ ಅದಕ್ಕೆ ಉತ್ತರ ನೀಡಿದ್ದೀನಿ.ಅವರ ಏನು ಕ್ರಮ ತೆಗೆದುಕೊಳ್ಳುತ್ತಾರೆ, ಅಲ್ಲಿಯವರೆಗೂ ಏನ್ ಅವಸರ ನಿಮಗೆ..? ಮಿ.ಅಶೋಕ್ ಅವರೇ. ಜಾಸ್ತಿ ಮಾಧ್ಯಮದ ಮುಂದೆ ಮಾತಾಡೋಕೆ ಹೋಗಬೇಡಿ.ನನಗೂ ಕೂಡ ಮಾತಾಡೋಕೆ ಬರುತ್ತದೆ. ಕೇಂದ್ರ ಸಮಿತಿ ಶಿಸ್ತು ಕ್ರಮ ತೆಗೆದುಕೊಳ್ಳುತ್ತದೆ, ಅಲ್ಲಿಯವರೆಗೂ ಅವಸರ ಯಾಕೆ? ಎಂದು ವಿಪಕ್ಷ ನಾಯಕ ಆರ್ ಅಶೋಕ್ ಮೇಲೆ ಸೋಮಶೇಖರ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
