ʻಸಲಗʼ ಚಿತ್ರದ ಸೂರಿ ಖ್ಯಾತಿಯ ದಿನೇಶ್ ಕುಮಾರ್ ನಟನೆಯ ಬಹುನಿರೀಕ್ಷಿತ ʻಮಾರಿಗುಡ್ಡದ ಗಡ್ಡಧಾರಿಗಳುʼ ಸಿನಿಮಾ ಇದೇ ಏಪ್ರಿಲ್ 14ರಂದು ರಾಜ್ಯಾದ್ಯಂತ ಬಿಡುಗಡೆಯಾಗಲಿದೆ.
ರಾಜೀವ್ ಚಂದ್ರಶೇಖರ್ ಆಕ್ಷನ್ ಕಟ್ ಹೇಳಿರುವ ಈ ಚಿತ್ರಕ್ಕೆ, ಡಿಜೆ ಪ್ರಕ್ರಾಶ್ ಸಿನಿ ಪ್ರೊಡಕ್ಷನ್ ಬ್ಯಾನರ್ನಲ್ಲಿ ಸಲಗ ಸೂರಿ ಬಂಡವಾಳ ಹಾಕಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಕೋಲಾರದ ಕೆಜಿಎಫ್ ಸುತ್ತ ಮುತ್ತ ಸತತ 46 ದಿನಗಳ ಕಾಲ ಒಂದೇಹಂತದಲ್ಲಿ ಸಿನಿಮಾ ಚಿತ್ರೀಕರಣಗೊಂಡಿದೆ.
1994ರಲ್ಲಿ ನಡೆಯುವ ಒಂದು ಕಾಲ್ಪನಿಕ ಕಥೆ ಇದಾಗಿದ್ದು, ಮಾರಿಗುಡ್ಡದ ಗಡ್ಡಧಾರಿಗಳ ಒಡೆಯ ಹುಲಿಯನ ಸುತ್ತ ಒಂದೊಂದೇ ಎಳೆ ಬಿಚ್ಚಿಕೊಳ್ಳುತ್ತ, ಕ್ಲೈಮ್ಯಾಕ್ಸ್ನಲ್ಲಿ ಖಳನಾಯಕನೇ ಹೇಗೆ ಕಥಾನಾಯಕನಾಗ್ತಾನೆ ಅನ್ನೋದೇ ಈ ಚಿತ್ರದ ಒನ್ಲೈನ್ ಸ್ಟೋರಿ.
ʻಮಾರಿಗುಡ್ಡದ ಗಡ್ಡಧಾರಿಗಳುʼ ಚಿತ್ರದಲ್ಲಿ ನಾಯಕಿಯಾಗಿ ನಮೃತಾ, ಮಗಳ ಪಾತ್ರದಲ್ಲಿ ಬೇಬಿ ಮರೀಷಾ, ಹಿರಿಯ ನಟರಾದ ಅವಿನಾಶ್, ರಮೇಶ್ ಭಟ್ ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ಟೀಸರ್ ಮತ್ತು ಟ್ರೈಲರ್ಗಳ ಮೂಲಕ ಸಖತ್ ಸದ್ದು ಮಾಡ್ತಿರೋ ಮಾರಿಗುಡ್ಡದ ಗಡ್ಡಧಾರಿಗಳು ಸಿನಿಮಾ ಇದೇ ಏಪ್ರಿಲ್ 14ರಂದು ರಾಜ್ಯಾದ್ಯಂತ ತೆರೆಕಾಣಲಿದೆ.
