ಭಾರತ ಮತ್ತು ಚೀನಾದ ನಡುವಿನ ಗಡಿ ಸಂಘರ್ಷ ದಿನೇ ದಿನೇ ಹದಗೆಡುತ್ತಿದೆ. ಈಗಾಗಲೇ ಹಲವಾರು ಬಾರಿ ಉಭಯ ಸೈನ್ಯಾಧಿಕಾರಿಗಳ ನಡುವೆ ಹಲವು ಸುತ್ತಿನ ಮಾತುಕತೆ ನಡೆದಿದ್ದರೂ ಪರಿಸ್ಥಿತಿ ಸುಧಾರಿಸಿಲ್ಲ. ಕಳೆದ ವಾರ ಭಾರತ ಮತ್ತು ಚೀನಾದ ವಿದೇಶಾಂಗ ಸಚಿವರು ಎರಡೂ ದೇಶಗಳು ಶಾಂತಿ ಸಂಯಮ ಕಾಯ್ದುಕೊಳ್ಳುವ ಬಗ್ಗೆ ಜಂಟಿ ಪತ್ರಿಕಾ ಹೇಳಿಕೆ ಬಿಡುಗಡೆ ಮಾಡಿದ್ದರು. ಈ ಇಬ್ಬರೂ ಸಚಿವರೂ ರಷ್ಯದಲ್ಲಿ ನಡೆದ ಸಭೆಯಲ್ಲಿ ಭಾಗಿಯಾಗಿದ್ದರು. ಅದರೆ ಗಡಿಯಲ್ಲಿನ ಎರಡೂ ದೇಶಗಳ ಸೇನಾ ಜಮಾವಣೆ ಮತ್ತು ಉದ್ವಿಗ್ನತೆ ಕಡಿಮೆ ಆಗಿಲ್ಲ. ಈ ನಡುವೆ ಗುರುವಾರ ರಾಜ್ಯಸಭೆಯಲ್ಲಿ ಮಾತನಾಡಿದ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಪೂರ್ವ ಲಡಾಕ್ ನ ಗಡಿ ವಾಸ್ತವ ರೇಖೆಯ ಬಳಿ ಭಾರತೀಯ ಸೇನೆಯ ಗಸ್ತು ಮತ್ತು ನಿಲುಗಡೆಯನ್ನು ತಡೆಯಲು ಚೀನಾದ ಪೀಪಲ್ಸ್ ಲಿಬರೇಷನ್ ಆರ್ಮಿ(ಪಿಎಲ್ಎ)ಸಾಕಷ್ಟು ಪ್ರಯತ್ನಿಸುತ್ತಿದೆ. ಆದರೆ ಜಗತ್ತಿನಲ್ಲಿರುವ ಯಾವುದೇ ಶಕ್ತಿಯು ಭಾರತೀಯ ಸೈನಿಕರನ್ನು ತಡೆಯಲು ಸಾಧ್ಯವಿಲ್ಲ, ನಮ್ಮ ಸೈನಿಕರ ನಿಲುಗಡೆಯಲ್ಲಿ ಯಾವುದೇ ಬದಲಾವಣೆ ಇಲ್ಲ ಎಂದು ಹೇಳಿದ್ದಾರೆ. ಆ ಮೂಲಕ ಈತನಕ ಮುಚ್ಚಿಟ್ಟಿದ್ದ ವಿಷಯವನ್ನು ಬಹಿರಂಗಪಡಿಸಿದ್ದಾರೆ.
ಪ್ರತಿಧ್ವನಿಯನ್ನು ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ
ಪೂರ್ವ ಲಡಾಕ್ ನ ಗಡಿ ವಾಸ್ತವ ರೇಖೆಯಲ್ಲಿ ಮುಂದುವರಿದಿರುವ ಭಾರತ-ಚೀನಾ ಸೇನೆ ನಿಲುಗಡೆ ಸಂಬಂಧ ಇಂದು ರಾಜ್ಯಸಭೆಯಲ್ಲಿ ಹೇಳಿಕೆ ನೀಡಿದ ಅವರು, ಭಾರತೀಯ ಸೇನೆಯ ಸಾಂಪ್ರದಾಯಿಕ ಮತ್ತು ಗಸ್ತು ಮಾದರಿಯಲ್ಲಿ ಯಾವುದೇ ಬದಲಾವಣೆ ಮಾಡುವುದಿಲ್ಲ ಎಂದರು. ರಾಜ್ಯಸಭೆಯಲ್ಲಿ ಇಂದು ಮಾಜಿ ರಕ್ಷಣಾ ಸಚಿವ ಎ ಕೆ ಆಂಟನಿ ಅವರು ಈ ಹಿಂದೆ ಗಸ್ತು ತಿರುಗುತ್ತಿದ್ದ ಪ್ರದೇಶಕ್ಕೆ ಇನ್ನು ಮುಂದೆ ಭಾರತೀಯ ಸೈನಿಕರನ್ನು ಪ್ರವೇಶಿಸಲು ಬಿಡುವುದಿಲ್ಲವೇ ಎಂದು ಕೇಳಿದ್ದಕ್ಕೆ, ಭಾರತ-ಚೀನಾ ಗಡಿ ಸಂಘರ್ಷ ನಡೆಯುತ್ತಿರುವುದು ಇಲ್ಲಿಯೇ ಮತ್ತು ಇದೇ ಕಾರಣಕ್ಕೆ. ಹೀಗಾಗಿ ಸಾಂಪ್ರದಾಯಿಕ ಮಾದರಿಯಲ್ಲಿಯೇ ಗಸ್ತು ನಡೆಸಲಾಗುತ್ತದೆ. ನಮ್ಮ ಸೈನಿಕರ ಚಲನವಲನಗಳನ್ನು ತಡೆಯಲು ಜಗತ್ತಿನ ಯಾವ ಶಕ್ತಿಯಿಂದಲೂ ಸಾಧ್ಯವಿಲ್ಲ ಎಂಬುದನ್ನು ಇಲ್ಲಿ ಸ್ಪಷ್ಟವಾಗಿ ಹೇಳುತ್ತೇವೆ ಎಂದು ರಾಜನಾಥ್ ಸಿಂಗ್ ಹೇಳಿದರು. ಈ ವಿಚಾರ ತುಂಬಾ ಸೂಕ್ಷ್ಮವಾಗಿರುವುದರಿಂದ ಅದನ್ನು ಗಮನದಲ್ಲಿಟ್ಟುಕೊಂಡು ಹೆಚ್ಚಿನ ವಿವರವನ್ನು ಈ ಸಂದರ್ಭದಲ್ಲಿ ನೀಡಲು ಸಾಧ್ಯವಿಲ್ಲ ಎಂದು ಕೂಡ ರಾಜನಾಥ್ ಸಿಂಗ್ ತಿಳಿಸಿದರು.
ಈ ಹಿಂದೆ ಸಂಸತ್ತಿನಲ್ಲಿ ಲಡಾಖ್ ಗಡಿಯಲ್ಲಿನ ಪರಿಸ್ಥಿತಿ ಕುರಿತು ಸಂಸತ್ತಿನಲ್ಲಿ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಮಾಡಿದ ಭಾಷಣದಲ್ಲಿ ಉತ್ತರ ವಲಯದಲ್ಲಿನ ಡೆಪ್ಸಾಂಗ್ ಬಯಲು ಪ್ರದೇಶದ ಆಯಕಟ್ಟಿನ ಮಹತ್ವದ ಪ್ರದೇಶದ ಬಗ್ಗೆ ಪ್ರಸ್ತಾಪವೇ ಇರಲಿಲ್ಲ. ಡೆಪ್ಸಾಂಗ್ ಉತ್ತರ ಗಡಿಯಲ್ಲಿನ ಅತ್ಯಂತ ಆಯಕಟ್ಟಿನ ಪ್ರದೇಶವಾಗಿದೆ. ಮೇ ತಿಂಗಳಲ್ಲಿ ಉದ್ವಿಗ್ನತೆ ಉಂಟಾದ ನಂತರ ಎಲ್ಎಸಿಯಲ್ಲಿ ಈಗ ಚೀನಾದ ನಿಯಂತ್ರಣದಲ್ಲಿರುವ ಪ್ರದೇಶ 1,000 ಚದರ ಕಿಲೋಮೀಟರ್ಗಿಂತಲೂ ಹೆಚ್ಚಿದೆ. ಡೆಪ್ಸಾಂಗ್ನಲ್ಲಿ ಮಾತ್ರ ಚೀನಾದ ನಿಯಂತ್ರಣದ ಪ್ರಮಾಣವು ಸುಮಾರು 900 ಚದರ ಕಿಲೋಮೀಟರ್ ಆಗಿದೆ. ಇದು 1962 ರ ಚೀನಾ-ಭಾರತ ಯುದ್ಧದ ನಂತರ ಭಾರತೀಯ ಸೈನಿಕರಿಗೆ ಗಸ್ತು ತುರುಗುವುದಕ್ಕೂ ನಿರಾಕರಿಸಲ್ಪಟ್ಟ ಭಾರತದ ಭೂಪ್ರದೇಶದ ಅತಿದೊಡ್ಡ ಭಾಗವಾಗಿದೆ, ಆಗಸ್ಟ್ 8 ರಂದು ಉಭಯ ಕಡೆಯ ನಡುವೆ ಸಾಮಾನ್ಯ ಮಟ್ಟದ ಮಾತುಕತೆ ನಡೆದ ಪ್ರದೇಶವೆಂದರೆ ಡೆಪ್ಸಾಂಗ್. ಆದ್ದರಿಂದ ಡೆಪ್ಸಾಂಗ್ನಲ್ಲಿ ಯಾವುದೇ ಸಮಸ್ಯೆ ಇಲ್ಲ ಎಂದು ಭಾವಿಸಲಾಗದು.
ಚೀನಾದ ಪೀಪಲ್ ಲಿಬರೇಷಬ್ ಆರ್ಮಿಯು ಭಾರತೀಯ ಸೇನೆಯು ಐದು ಗಸ್ತು ಸ್ಥಳಗಳಿಗೆ ಪ್ರವೇಶಿಸುವುದನ್ನು ತಡೆ ಒಡ್ಡಿದೆ. ಎಲ್ಎಸಿ ಒಳಗೆ 18 ಕಿಲೋಮೀಟರ್ ದೂರದಲ್ಲಿರುವ ಡೆಪ್ಸಾಂಗ್ನ ಒಂದು ಪ್ರಮುಖ ಹಂತದಲ್ಲಿ ಚೀನಾದ ಸೈನಿಕರು ಇರುವುದರಿಂದ ಭಾರತೀಯ ಸೈನಿಕರು ವಾಸ್ತವಿಕ ನಿಯಂತ್ರಣ ರೇಖೆಯ ಬಳಿ ಸಾಂಪ್ರದಾಯಿಕ ‘ಗಸ್ತು ಮಿತಿ’ ಗೆ ಹೋಗದಂತೆ ಪರಿಣಾಮಕಾರಿಯಾಗಿ ನಿರ್ಬಂಧಿಸಲಾಗಿದೆ. ಪಾಂಗೊಂಗ್ ತ್ಸೊದ ಉತ್ತರ ದಂಡೆಯಂತೆ, ಈ ಪ್ರದೇಶವು ಎರಡು ಕಡೆಯ ನಡುವೆ ವಿವಾದ ಹೊಂದಿತ್ತು. ಅಲ್ಲಿ ಸ್ಥಳೀಯ ವ್ಯವಸ್ಥೆಗಳು ಈ ಪ್ರದೇಶದಲ್ಲಿ ಗಸ್ತು ತಿರುಗಲು ಎರಡೂ ಕಡೆಯವರಿಗೆ ಅವಕಾಶ ಮಾಡಿಕೊಟ್ಟವು ಆದರೆ ಮೇ ತಿಂಗಳಿನಿಂದ ಆ ಕಾರ್ಯವಿಧಾನಗಳು ಮುರಿದು ಬಿದ್ದಿವೆ.
ಇದು ಪ್ರದೇಶದ ಭೌಗೋಳಿಕವಾಗಿ ಬಹಳ ಮಹತ್ವದ್ದಾಗಿದೆ. ವಿಶಾಲವಾಗಿ ಉಪ-ವಲಯ ಉತ್ತರ (ಎಸ್ಎಸ್ಎನ್) ಎಂದು ಕರೆಯಲ್ಪಡುವ ಇದು ಸಮತಟ್ಟಾದ ಭೂಪ್ರದೇಶದ ಒಂದು ಪ್ರದೇಶವಾಗಿದ್ದು, ಇದು ಕರಕೋರಂ ಪಾಸ್ ಮೂಲಕ ಮಧ್ಯ ಏಷ್ಯಾಕ್ಕೆ ಭೂ ಪ್ರವೇಶವನ್ನು ಒದಗಿಸುತ್ತದೆ. 1972 ರಲ್ಲಿ ಭಾರತ ಮತ್ತು ಪಾಕಿಸ್ತಾನದ ನಡುವಿನ ನಕ್ಷೆಗಳಲ್ಲಿ ಗುರುತಿಸಲಾದ ಮತ್ತು ಸಹಿ ಮಾಡಿದ ನಿಯಂತ್ರಣ ರೇಖೆ (ಎಲ್ಒಸಿ) ಎನ್ಜೆ 9842 ಎಂಬ ಹಂತದಲ್ಲಿ ಕೊನೆಗೊಂಡಿದೆ. ಸಿಯಾಚಿನ್ ಹಿಮನದಿಯು ಭಾರತೀಯ ಭೂಪ್ರದೇಶದಲ್ಲಿ ಇದ್ದು ಈ ಮೂಲಕ ಈ ರೇಖೆಯು ಮತ್ತಷ್ಟು ಉತ್ತರದ ಕಡೆಗೆ ಇದೆ ಎಂದು ಭಾರತ ಹೇಳಿದೆ.
ಓಎ9842 ಅನ್ನು ಮೀರಿದ ಆ ರೇಖೆಯನ್ನು ವಾಸ್ತವಿಕ ನೆಲದ ಸ್ಥಾನ (ಎಜಿಪಿಎಲ್) ಎಂದು ಕರೆಯಲಾಗುತ್ತದೆ. ಆದರೆ ಈ ಮಾರ್ಗವು ಈಶಾನ್ಯದ ಕಡೆಗೆ ಸಾಗುತ್ತದೆ, ಓಎ9842 ಅನ್ನು ಕರಕೋರಂ ಪಾಸ್ ಗೆ ಸಂಪರ್ಕಿಸುತ್ತದೆ ಎಂದು ಪಾಕಿಸ್ತಾನ ಹೇಳುತ್ತದೆ. ಹಾಗಾಗಬೇಕಾದರೆ ಸಿಯಾಚಿನ್ ನದಿಯು ಪಾಕಿಸ್ಥಾನದ ಭೂಭಾಗದಲ್ಲಿ ಇರಬೇಕಿತ್ತು. ಈ ಪ್ರದೇಶ ಪಾಕಿಸ್ತಾನ ಮತ್ತು ಚೀನಾವನ್ನು ಭೌತಿಕವಾಗಿ ಜೋಡಿಸುತ್ತದೆ. ಎಸ್ಎಸ್ಎನ್ನ ಆಯಕಟ್ಟಿನ ಪ್ರಮುಖ ಪ್ರದೇಶವು ಸಿಯಾಚಿನ್ನ ಪೂರ್ವದಲ್ಲಿದೆ, ಇದು ಪಾಕಿಸ್ತಾನದ ಗಡಿಯಲ್ಲಿರುವ ಸಾಲ್ಟೋರೊ ಪರ್ವತ ಮತ್ತು ಚೀನಾದ ಗಡಿಗೆ ಹತ್ತಿರವಿರುವ ಸಾಸರ್ ಪರ್ವತಗಳ ನಡುವೆ ಇದೆ. ಪಾಕಿಸ್ತಾನ ಮತ್ತು ಚೀನಾ ನಡುವೆ ಭೌತಿಕ ಮಿಲಿಟರಿ ಒಡನಾಟ ನಡೆಯುವ ಏಕೈಕ ಸ್ಥಳ ಇದಾಗಿದೆ. ಕಠಿಣ ಸನ್ನಿವೇಶದಲ್ಲಿ, ಗಿಲ್ಗಿಟ್-ಬಾಲ್ಟಿಸ್ತಾನವನ್ನು ಪಾಕಿಸ್ತಾನದಿಂದ ವಶಪಡಿಸಿಕೊಳ್ಳಲು ಭಾರತವು ಮಿಲಿಟರಿ ಕಾರ್ಯಾಚರಣೆಯನ್ನು ಕೈಗೊಳ್ಳುವುದು ಅಸಾಧ್ಯವಾಗಲಿದೆ.
ಅಕ್ಸಾಯ್ ಚಿನ್ಗೆ ನೇರ ಪ್ರವೇಶವನ್ನು ಒದಗಿಸುವ ಡೆಪ್ಸಾಂಗ್, ಟ್ರಿಗ್ ಹೈಟ್ಸ್ ಮತ್ತು ಡಿಬಿಒಗಳ ಸಮತಟ್ಟಾದ ಭೂಪ್ರದೇಶವು ಯಾಂತ್ರಿಕೃತ ಯುದ್ಧಕ್ಕೆ ಸೂಕ್ತವಾಗಿದೆ ಆದರೆ ಇಲ್ಲಿ ಭಾರತಕ್ಕೆ ಬಹಳ ದೀರ್ಘ ಸಂವಹನ ಮತ್ತು ಮೂಲ ಸೌಕರ್ಯ ಗಳಿಲ್ಲ. ಅದರೆ. ಚೀನಾವು ಅನೇಕ ರಸ್ತೆಗಳನ್ನು ಹೊಂದಿದ್ದು, ಈ ಪ್ರದೇಶಕ್ಕೆ ಸುಲಭವಾಗಿ ಪ್ರವೇಶಿಸುತ್ತದೆ. ಅಕ್ಸಾಯ್ ಚಿನ್ ಒಳಗೆ ಭಾರತ ಪ್ರಾರಂಭಿಸಿದ ಯಾಂತ್ರಿಕೃತ ಬಲ-ಆಧಾರಿತ ಮಿಲಿಟರಿ ಆಕ್ರಮಣಕ್ಕೆ ಇದು ಕಾರ್ಯಸಾಧ್ಯವಾದ ಲಾಂಚ್ಪ್ಯಾಡ್ನಂತೆ ಕಂಡುಬರುತ್ತದೆ, ಕೇಂದ್ರ ಗೃಹ ಸಚಿವ ಅಮಿತ್ ಷಾ ಅವರು ಚೀನಾದಿಂದ ಅಕ್ಸಾಯ್ ಚಿನ್ ಅನ್ನು ಮರಳಿ ಪಡೆಯುವ ಸಾದ್ಯತೆಯಿಂದ ಎಸ್ಎಸ್ಎನ್ ಪ್ರವೇಶಿಸಲು 2007 ರಲ್ಲಿ ಭಾರತ ಎರಡು ರಸ್ತೆಗಳನ್ನು ನಿರ್ಮಿಸಲು ನಿರ್ಧರಿಸಿತು.
ಮೊದಲನೆಯದು ಹಳೆಯ ಟ್ರ್ಯಾಕ್ ಅನ್ನು ಡಾರ್ಬುಕ್ನಿಂದ ಶ್ಯೋಕ್ಗೆ ಮತ್ತು ನಂತರ ಡಿಬಿಒಗೆ ಜೋಡಿಸಲಾಗಿತ್ತು. ಅದು ಪೂರ್ಣಗೊಳ್ಳುವಲ್ಲಿ ವಿಳಂಬಕ್ಕೆ ಕಾರಣವಾಯಿತು. 255 ಕಿ.ಮೀ ಉದ್ದದ ಎಲ್ಲ ಹವಾಮಾನ ರಸ್ತೆಯನ್ನು ಕಳೆದ ಅಕ್ಟೋಬರ್ನಲ್ಲಿ ರಕ್ಷಣಾ ಸಚಿವರು ಔಪಚಾರಿಕವಾಗಿ ಉದ್ಘಾಟಿಸಿದರು. ಆದರೆ ಶ್ಯೋಕ್ ನದಿಗೆ ಅಡ್ಡಲಾಗಿ ನಿರ್ಮಿಸಿರುವ 430 ಮೀಟರ್ ಉದ್ದದ ಸೇತುವೆ ಕೂಡ ಆಯಕಟ್ಟಿನ ರಸ್ತೆಯ ದುರ್ಬಲ ಕೊಂಡಿಯಾಗಿದೆ ಎಂದು ಮಿಲಿಟರಿ ತಜ್ಞರು ಹೇಳುತ್ತಾರೆ. ಕರಾಕೋರಂ ಪಾಸ್ನಿಂದ ದಕ್ಷಿಣಕ್ಕೆ ಎಂಟು ಕಿಲೋಮೀಟರ್ ದೂರದಲ್ಲಿರುವ ಡಿಬಿಒ ಏರ್ಸ್ಟ್ರಿಪ್ ಮೂಲಕ ವೈಮಾನಿಕ ಮಾರ್ಗದ ಮೂಲಕವೂ ಎಸ್ಎಸ್ಎನ್ಗೆ ಪ್ರವೇಶ ಮಾಡಬಹುದಾಗಿದೆ. ಹಳೆಯ ಅಡ್ವಾನ್ಸ್ಡ್ ಲ್ಯಾಂಡಿಂಗ್ ಮೈದಾನವನ್ನು 2008 ರಲ್ಲಿ ಪುನರ್ ಸಜ್ಜುಗೊಳಿಸಲಾಯಿತು. ಶಾಂತಿಕಾಲದಲ್ಲಿ ಈ ಪ್ರದೇಶದಲ್ಲಿ ನಿಯೋಜಿಸಲಾದ ಸೈನಿಕರನ್ನು ಉಳಿಸಿಕೊಳ್ಳಲು ಇದನ್ನು ಬಳಸಬಹುದು ಆದರೆ ಸಂಘರ್ಷದ ಸಮಯದಲ್ಲಿ ಭಾರತೀಯ ವಾಯುಪಡೆಯು ಉನ್ನತ ವಿಮಾನಗಳನ್ನು ಚೀನಾದ ಸಂಭಾವ್ಯ ಧಾಳಿಯ ನಡುವೆ ಅಲ್ಲಿಗೆ ಕಳುಹಿಸುವುದು ರಿಸ್ಕ್ ಅಗಿದೆ ಎನ್ನಲಾಗಿದೆ.
ಪತ್ರಕರ್ತರೊಂದಿಗೆ ಮಾತನಾಡಿದ ಮೂರು ಮಾಜಿ ಉತ್ತರ ಸೇನಾ ಕಮಾಂಡರ್ಗಳು ಯುದ್ಧದ ಯೋಜನೆಗಳನ್ನು ಪರಿಷ್ಕರಿಸಲಾಗಿದೆ ಮತ್ತು ಮೊದಲಿಗಿಂತಲೂ ಈ ಪ್ರದೇಶದಲ್ಲಿ ಪಿಎಲ್ಎ ಸೈನ್ಯವು ಉತ್ತಮವಾಗಿ ಸಿದ್ಧವಾಗಿದೆ ಎಂದು ಹೇಳಿದ್ದಾರೆ. ಆದರೆ ಅವರೆಲ್ಲರೂ ಇದನ್ನು ಕಾರ್ಯತಂತ್ರದ ದುರ್ಬಲತೆ ಮತ್ತು ಈ ಪ್ರದೇಶದ ಭದ್ರತೆ ಭಾರತಕ್ಕೆ ದೊಡ್ಡ ಚಿಂತೆ ಎಂದು ಹೇಳಿದ್ದಾರೆ. ಇದು ಪಂಗೊಂಗ್ ತ್ಸೊ ಅಥವಾ ಗಾಲ್ವಾನ್ ಕಣಿವೆಗಿಂತ ಹೆಚ್ಚು ಮಹತ್ವದ್ದಾಗಿದೆ.
