ಈ ಬಾರಿ ಐಪಿಎಲ್ ನಲ್ಲಿ ಟಾಸ್ ಗೆದ್ದ ಎಲ್ಲಾ ತಂಡಗಳು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿವೆ. ಆದರೆ ಇದೇ ಮೊದಲ ಬಾರಿ ಗುಜರಾತ್ ಟೈಟಾನ್ಸ್ ತಂಡ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಲು ನಿರ್ಧರಿಸಿದೆ.
ಐಪಿಎಲ್-೨೦ ಟೂರ್ನಿಯ೨೦೨೨ ಆವೃತ್ತಿಯಲ್ಲಿ ಇದುವರೆಗೆ ೩೪ ಪಂದ್ಯಗಳು ನಡೆದಿವೆ. ಆದರೆ ಯಾವುದೇ ತಂಡದ ನಾಯಕರು ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಲು ನಿರ್ಧರಿಸಿಲ್ಲ. ಬದಲಾಗಿ ರನ್ ಚೇಸ್ ಮಾಡುವ ಕಡೆಗೆ ಹೆಚ್ಚು ಗಮನ ಹರಿಸಿವೆ.
ಎಲ್ಲಾ ತಂಡಗಳು ಸಾಮಾನ್ಯವಾಗಿ ರಣನೀತಿ ರಚಿಸಿಕೊಂಡಿರುತ್ತವೆ. ಅದರಲ್ಲೂ ಬ್ಯಾಟಿಂಗ್ ಗೆ ಅನುಕೂಲವಾಗಿರುವ ಪಿಚ್, ಎರಡನೇ ಅವಧಿಯಲ್ಲಿ ಇಬ್ಬನಿ ಸಮಸ್ಯೆಯಿಂದ ಬೌಲ್ ಮಾಡಲು ಕಷ್ಟ ಎಂಬ ಕಾರಣಗಳಿಗಾಗಿ ಮೊದಲು ಬ್ಯಾಟ್ ಮಾಡಲು ನಿರ್ಧರಿಸಲಾಗುತ್ತದೆ.
ಆದರೆ ಇದೇ ಮೊದಲ ಬಾರಿಗೆ ಯಾವುದೇ ತಂಡಗಳು ಮೊದಲು ಬ್ಯಾಟ್ ಮಾಡಲು ಬಯಸುತ್ತಿಲ್ಲ. ಫಲಿತಾಂಶಗಳು ಏನೇ ಆದರೂ ರನ್ ಚೇಸ್ ಮಾಡುವ ಕಡೆಗೆ ಎಲ್ಲಾ ತಂಡಗಳು ಆಸಕ್ತಿ ತೋರುತ್ತಿವೆ.
ಗುಜರಾತ್ ಟೈಟಾನ್ಸ್ ತಂಡದ ನಾಯಕ ಹಾರ್ದಿಕ್ ಪಾಂಡ್ಯ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡುವ ಮೂಲಕ ಇದೇ ಮೊದಲ ಬಾರಿ ತಂಡವೊಂದು ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಲು ನಿರ್ಧರಿಸಿದ ಗೌರವಕ್ಕೆ ಪಾತ್ರವಾಯಿತು.
ಗುಜರಾತ್ ಟೈಟಾನ್ಸ್ ಆಡಿದ ೬ ಪಂದ್ಯಗಳಲ್ಲಿ ೫ರಲ್ಲಿ ಗೆದ್ದು ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದು, ಪ್ರಯೋಗ ಮಾಡುವ ಸಾಕಷ್ಟು ಅವಕಾಶಗಳನ್ನು ಹೊಂದಿದೆ.