ಸಾಮಾಜಿಕ ಹೋರಾಟಗಾರ ಅಣ್ಣಾ ಹಜಾರೆ(anna Hazare) ದೆಹಲಿ ಸಿಎಂ ಅರವಿಂದ್ ಕೇಜ್ರಿವಾಲ್ (Aravind Kejriwal) ಬಂಧನದ ಬಗ್ಗೆ ಬೇಸರ ವ್ಯಕ್ತಪಡಿಸಿದ್ದಾರೆ. 2010 ರ ಆರಂಭದಲ್ಲಿ ಅಣ್ಣ ಹಜಾರೆ, ಅರವಿಂದ್ ಕೇಜ್ರಿವಾಲ್ ಅವರೊಂದಿಗೆ ಲೋಕಪಾಲ್ (Lokpal) ಚಳವಳಿಯನ್ನು ಮುನ್ನಡೆಸಿದ್ದು ಈಗ ಇತಿಹಾಸ.
ಕೇಜ್ರಿವಾಲ್ ಮದ್ಯದ ವಿರುದ್ಧ ಇದ್ದವರು. ಈಗ ಮದ್ಯದ ನೀತಿಯನ್ನು ರೂಪಿಸುತ್ತಿದ್ದಾರೆ ಮತ್ತು ಅಲ್ಲಿನ ಅಕ್ರಮಕ್ಕಾಗಿ ಅರೆಸ್ಟ್ (Arrest) ಆಗಿದ್ದಾರೆ ಎಂದು ಬೇಸರ ವ್ಯಕ್ತಪಡಿಸಿದರು. ನನ್ನೊಂದಿಗೆ ಕೆಲಸ ಮಾಡುತ್ತಿದ್ದ, ಮದ್ಯದ ವಿರುದ್ಧ ದನಿ ಎತ್ತುತ್ತಿದ್ದ ಅರವಿಂದ್ ಕೇಜ್ರಿವಾಲ್ ಈಗ ಮದ್ಯದ ನೀತಿಗಳನ್ನು ಮಾಡುತ್ತಿರುವುದಕ್ಕೆ ನನಗೆ ತುಂಬಾ ಬೇಸರವಾಗಿದೆ, ಅವರ ಸ್ವಂತ ತಪ್ಪುಗಳಿಂದ ಅವರ ಬಂಧನವಾಗಿದೆ ಎಂದು ಹಜಾರೆ ಹೇಳಿದರು.
ಹಜಾರೆ ಮತ್ತು ಕೇಜ್ರಿವಾಲ್ ಲೋಕಪಾಲ್ (Lokpal) ಆಂದೋಲನದ ಸಮಯದಲ್ಲಿ ಅನೇಕ ಆಮರಣಾಂತ ಉಪವಾಸಗಳನ್ನು ಮಾಡಿದ್ದರು, ಕೇಂದ್ರದ ಕಾಂಗ್ರೆಸ್ ಸರ್ಕಾರದಿಂದ ಭ್ರಷ್ಟಾಚಾರ ವಿರೋಧಿ ಓಂಬುಡ್ಸ್ಮನ್ ಲೋಕಪಾಲ್ ಜಾರಿಗೆ ಒತ್ತಾಯಿಸಿದ್ದರು.ಉಭಯ ನಾಯಕರ ಬೆನ್ನಿಗೆ ಲಕ್ಷಾಂತರ ಜನರು ಜಮಾಯಿಸಿದ್ದರು. ಆದಾಗ್ಯೂ, ಪ್ರತಿಭಟನೆಯು ವಿಫಲವಾದ ನಂತರ, ಕೇಜ್ರಿವಾಲ್ ಮತ್ತು ಭ್ರಷ್ಟಾಚಾರದ ವಿರುದ್ಧ ಲಾಭರಹಿತ ಇಂಡಿಯಾದ ಹಲವಾರು ಸದಸ್ಯರು ಆಮ್ ಆದ್ಮಿ (AAP) ಪಕ್ಷವನ್ನು ಸ್ಥಾಪಿಸಿದರು. ಅಂದೇ ರಾಜಕೀಯ ಬೇಡ ಎನ್ಸು ಕೇಜ್ರಿವಾಲ್ ಗೆ ಅಣ್ಣ ಹಜಾರೆ ಹೇಳಿದ್ದರು. ಆದ್ರೆ ಅರವಿಂದ್ ಕೇಜ್ರಿವಾಲ ನನ್ನ ಮಾತು ಕೇಳಲಿಲ್ಲ ಎಂದು ಬೇಸರದಿಂದ ಉತ್ತರಿಸಿದ್ದಾರೆ.
