ಕೋವಿಡ್ ಸಾಂಕ್ರಾಮಿಕದ ಸಮಯದಲ್ಲಿ ಭಾರತೀಯ ಸ್ಟಾರ್ಟ್ ಅಪ್ ಕಂಪನಿಗಳು ಸಂಪತ್ತು ಹಾಗು ಮೌಲ್ಯವನ್ನ ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿವೆ. ಇದರಿಂದ ಭಾರತದಲ್ಲಿ ಯೂನಿಕಾರ್ನ್ಗಳ ಸಂಖ್ಯೆ 100ಕ್ಕೆ ಏರಿಕೆಯಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಸಂತಸ ವ್ಯಕ್ತಪಡಿಸಿದ್ದಾರೆ.
ಮನ್ ಕಿ ಬಾತ್ ಕಾರ್ಯಕ್ರಮವನ್ನುದ್ದೇಶಿಸಿ ಮಾತನಾಡಿದ ಮೋದಿ ಈ ತಿಂಗಳ 5ನೇ ತಾರೀಖಿನಂದು ಭಾರತದಲ್ಲಿ ಯೂನಿಕಾರ್ನ್ಗಳ ಸಂಖ್ಯೆ 100ಕ್ಕೆ ತಲುಪಿದೆ. ಮುಂದುವರೆದು, ಒಂದು ಯೂನಿಕಾರ್ನ್ ಬೆಲೆ 7,500 ಕೋಟಿ ರೂಪಾಯಿ ವಹಿವಾಟಿನ ಪ್ರಾರಂಭ ಈ ಎಲ್ಲಾ ಯೂನಿಕಾರ್ನ್ಗಳ ಒಟ್ಟು ಮೌಲ್ಯ 330$ ಬಿಲಿಯನ್ ಅಂದರೆ 25 ಲಕ್ಷ ಕೋಟಿ ರೂಪಾಯಿಗೆ ಹೆಚ್ಚು. ಇದು ಪ್ರತಿಯೊಬ್ಬ ಭಾರತೀಯನು ಹೆಮ್ಮೆ ಪಡುವ ವಿಚಾರ ಎಂದು ಹೇಳಿದ್ದಾರೆ.
ಕಳೆದ ವರ್ಷ 44 ಯೂನಿಕಾರ್ನ್ಗಳು ರೂಪುಗೊಂಡಿವೆ. ಇದರರ್ಥ ಜಾಗತಿಕ ಸಾಂಕ್ಗರಾಮಿಕದ ಸಮಯದಲ್ಲು ಸಹ ನಮ್ಮ ದೇಶದ ಸ್ಟಾರ್ಟ್ಅಪ್ಗಳು ಸಂಪತ್ತು ಹಾಗು ಮೌಲ್ಯವನ್ನು ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿವೆ ಎಂದು ತಿಳಿಸಿದ್ದಾರೆ.
ಭಾರತೀಯ ಯೂನಿಕಾರ್ನ್ಗಳ ಸಂಖ್ಯೆಯೂ ಯುಎಸ್, ಯುಕೆ ಹಾಗು ಇತರೆ ದೇಶಗಳಿಗಿಂತ ಹೆಚ್ಚಿವೆ ಮತ್ತು ಈ ಪ್ರಪಂಚವು ನವ ಭಾರತದ ಚೈತ್ನ್ಯವನ್ನ ಪ್ರತಿಬಿಂಬಿಸುತ್ತದೆ ಹಾಗು ಉದ್ಯೋಗಗಳನ್ನು ಸೃಷ್ಟಿಸುತ್ತವೆ ಎಂದಿದ್ದಾರೆ.
