ಬಾಂಗ್ಲಾದೇಶದ ನಕಲಿ ಚಿನ್ನದ ಉತ್ಪನ್ನವು ಈಗ ಮಾರುಕಟ್ಟೆಗೆ ಕಾಲಿಟ್ಟಿದೆ. ಅಕಾ ಸ್ಟೋನ್ ಅಥವಾ ಬಾಂಗ್ಲಾದೇಶಿ ರೆಡ್ ಗೋಲ್ಡ್ ಚಿನ್ನದ ಖರಿದೀದಾರರಿಗೆ ಭಯ ಹುಟ್ಟಿಸುತ್ತಿದೆ. ಇದು ನಿಜವಾದ ಚಿನ್ನದಂತೆಯೇ ಕಾಣುತ್ತದೆ, ಸಾಮಾನ್ಯ ಜನರನ್ನು ಮಾತ್ರವಲ್ಲದೆ ಅನುಭವಿ ಅಕ್ಕಸಾಲಿಗರನ್ನು ಸಹ ಮೋಸಗೊಳಿಸುತ್ತದೆ.
ಬಾಂಗ್ಲಾದೇಶಿ ರೆಡ್ ಗೋಲ್ಡ್ ವಾಸ್ತವವಾಗಿ ಚಿನ್ನವಲ್ಲ, ಆದರೆ ತೂಕ ಮತ್ತು ಬಣ್ಣದಲ್ಲಿ ಚಿನ್ನವನ್ನು ಹೋಲುತ್ತದೆ. ಇದನ್ನು ಅಕಾ ಸ್ಟೋನ್ ಎಂದು ಕರೆಯಲಾಗುತ್ತದೆ. ಇದು ನಕಲಿಯಾಗಿದ್ದರೂ, ಅದು ಪ್ರಮಾಣಿತ ಚಿನ್ನದ ಪರೀಕ್ಷೆಯಲ್ಲಿ ಪಾಸಾಗಿ ಕಣ್ಣಿಗೆ ಮಣ್ಣೆರುಚುತ್ತದೆ.ಅದಕ್ಕಾಗಿಯೇ ಅನೇಕ ಆಭರಣಕಾರರು ಮತ್ತು ಗ್ರಾಹಕರು ವಂಚನೆಗೆ ಬಲಿಯಾಗುತ್ತಿದ್ದಾರೆ.
ಈ ಚಿನ್ನವನ್ನು ಪರೀಕ್ಷಿಸಲು ಕತ್ತರಿಸಿ ಅಥವಾ ಕರಗಿಸಿದ ನಂತರವೂ ಅದರ ಬಣ್ಣವು ಚಿನ್ನದ ಬಣ್ಣದ ಹಾಗೇ ಉಳಿಯುತ್ತದೆ. ನಿಜವಾದ ಚಿನ್ನವನ್ನು ಗುರುತಿಸಲು ಸುಲಭವಾದ ಮಾರ್ಗವೆಂದರೆ ಹಾಲ್ಮಾರ್ಕ್ ಅನ್ನು ಹುಡುಕುವುದು. ನಿಜವಾದ ಚಿನ್ನವು ಸಾಮಾನ್ಯವಾಗಿ 24K, 22K, ಅಥವಾ 18K ನ ಸ್ಪಷ್ಟ ಮುದ್ರೆಯನ್ನು ಹೊಂದಿರುತ್ತದೆ.
ನಕಲಿ ಹಾಗೂ ಅಸಲಿ ಚಿನ್ನವನ್ನು ಪರೀಕ್ಷಿಸಲು ಮತ್ತೊಂದು ಸುಲಭ ಉಪಾಯ ಎಂದರೆ ವಿನೆಗರ್ ಪರೀಕ್ಷೆ.ಚಿನ್ನದ ಮೇಲೆ ಕೆಲವು ಹನಿ ಬಿಳಿ ವಿನೆಗರ್ ಸುರಿಯಿರಿ ಮತ್ತು 30-60 ಸೆಕೆಂಡುಗಳು ಕಾಯಿರಿ. ನಿಜವಾದ ಚಿನ್ನವು ಬಣ್ಣವನ್ನು ಬದಲಾಯಿಸುವುದಿಲ್ಲ, ಆದರೆ ನಕಲಿ ಚಿನ್ನವು ಕಪ್ಪಾಗುತ್ತದೆ.
