ಐಸ್ ಕ್ರೀಮ್ ಅಂದ್ರೆ ಯಾರಿಗೆ ತಾನೆ ಇಷ್ಟ ಆಗೋದಿಲ್ಲ ಹೇಳಿ..? ಇವತ್ತು ಮಕ್ಕಳಿನಿಂದ ಹಿಡಿದು ಹಿರಿಯರವರೆಗೂ ಕೂಡ ಐಸ್ ಕ್ರೀಮ್ ಸೇವನೆಗೆ ಹೆಚ್ಚಿನ ಆದ್ಯತೆಯನ್ನ ನೀಡ್ತಾರೆ. ಹಾಗಾಗಿ ಇವತ್ತು ಮಾರುಕಟ್ಟೆಗೆ ಬಗೆಬಗೆಯಾದ ಐಸ್ಕ್ರೀಮ್ಗಳು ಲಗ್ಗೆ ಇಟ್ಟಿವೆ, ಐಸ್ಕ್ರೀಮ್ಗಳನ್ನ ಸಾಕಷ್ಟು ಫ್ಲೇವರ್ಗಳಿಗೆ, ಸಾಕಷ್ಟು ಮಂದಿಗೆ ಅವರದ್ದೇ ಆದ ಫೆವರಿಟ್ ಫ್ಲೇವರ್ಗಳು ಇರುತ್ತವೆ. ಅದ್ರಲ್ಲೂ ಸಾಕಷ್ಟು ಮಂದಿಗೆ ತಮ್ಮ ನೆಚ್ಚನ ಬ್ರ್ಯಾಂಡ್ನ ಐಸ್ ಕ್ರೀಮ್ ಗಳನ್ನ ಸೇವಿಸಬೇಕು ಎಂಬ ಆಸೆ ನಿರಂತವಾಗಿ ಇರುತ್ತಲೇ ಇವೆ. ಆದರೆ ಇದೀಗ ನಾವು ನಿಮಗೆ ಹೇಳೋದಕ್ಕೆ ಹೊರಟಿರೋದು ಎಲ್ಲಾಕ್ಕಿಂತ ಭಿನ್ನವಾದ ಐಸ್ ಕ್ರೀಮ್, ಈ ಐಸ್ ಕ್ರೀಮ್ ಅನ್ನ ನೀವು ಒಮ್ಮೆ ಸವಿಯ ಬೇಕು ಅಂದ್ರೆ ನೂರು ಸಲ ಯೋಚನೆಯನ್ನ ಮಾಡಬೇಕಾಗುತ್ತ, ಅಷ್ಟರ ಮಟ್ಟಿಗೆ ಈ ಐಸ್ ಕ್ರೀಮ್ ಬೆಲೆ ಅಧಿಕವಾಗಿದೆ.
ಹೌದು ಈ ಐಸ್ಕ್ರೀಮ್ ತಯಾರಾಗಿರೋದು ಜಪಾನ್ನಲ್ಲಿ, ಈ ಐಸ್ಕ್ರೀಮ್ ತನ್ನ ದುಬಾರಿಯಾದ ಬೆಲೆಯಿಂದಾಗಿ ಈಗಾಗ್ಲೆ ಗಿನ್ನೀಸ್ ವರ್ಲ್ಡ್ ರೆಕಾರ್ಡ್ಗೆ ಕೂಡ ಸೇರ್ಪಡೆಯಾಗಿದೆ. ಹೌದು ಈ ಒಂದು ಐಸ್ಕ್ರೀಮ್ನ ಬೆಲೆ ಅಷ್ಟರ ಮಟ್ಟಿಗೆ ಇದೆ. ಹಾಗಿದ್ರೆ ಎಷ್ಟಪ್ಪ ಇರಬಹುದು ಈ ಐಸ್ಕ್ರೀಮ್ ಬೆಲೆ? ಯಾಕೆ ಇದರ ಬೆಲೆ ಇಷ್ಟೋಂದು ದುಬಾರಿಯಾಗಿದೆ. ಇದರಲ್ಲಿನ ವಿಶೇಷತೆ ಏನು ಅನ್ನೋ ಪ್ರಶ್ನೆಗಳು ಕೂಡ ನಿಮ್ಮನ್ನ ಕಾಡ್ತಾ ಇರಬಹುದು, ಆ ಬಗ್ಗೆ ಸಂಪೂರ್ಣ ಮಾಹಿತಿಯನ್ನ ಮುಂದೆ ಓದಿ…
ಹೌದು ಜಪಾನಿನ ಕಂಪನಿಯೊಂದು ವಿಶ್ವದ ದುಬಾರಿ ಐಸ್ಕ್ರೀಮ್ ತಯಾರಿಸಿದೆ. ಇದರ ಬೆಲೆ ಸುಮಾರು 8,73,400 ಜಪಾನಿಸ್ ಯೆನ್, ಅಂದ್ರೆ ಭಾರತೀಯ ರೂಪಾಯಿ ಮೌಲ್ಯದಲ್ಲಿ ಹೇಳೋದಾದ್ರೆ, 5.2 ಲಕ್ಷ ರೂಪಾಯಿ. ಸೆಲಾಟೊ ಹೆಸರಿನ ಬ್ರಾಂಡ್ ಈ ವಿಶೇಷ ಐಸ್ಕ್ರೀಮ್ ತಯಾರಿ ಮಾಡಿದೆ. ಇದರ ಈ ದುಬಾರಿ ಬೆಲೆಗೆ ಪ್ರಮುಖ ವಾದ ಕಾರಣ ಅಂದ್ರೆ ಇದರಲ್ಲಿ ಅಪರೂಪದ ಹಾಗೂ ದುಬಾರಿ ಇಂಗ್ರಿಡಿಯಂಟ್ಸ್ಗಳನ್ನ ಬಳಸಲಾಗಿದೆ.
ಈ ಐಸ್ ಕ್ರೀಮ್ ಇಟಲಿಯ ಆಲ್ಬಾದಲ್ಲಿ ಕಂಡು ಬರುವ, ಬಿಳಿ ಟ್ರಫಲ್ ಅನ್ನ ಸೇರಿಸಲಾಗಿದೆ. ಇದರ ಬೆಲೆ ಪ್ರತೀ ಕಿಲೋ ಗ್ರಾಮ್ 2 ಮಿಲಿಯನ್ ಜಪಾನಿಸ್ ಯೆನ್, ಅಂದ್ರೆ ಸುಮಾರು 12 ಲಕ್ಷ ರೂಪಾಯಿ. ಇದರೊಟ್ಟಿಗೆ ಫರ್ಮಜಿಯಾನೋ, ರೆಗ್ಜಿಯಾನೋ ಮತ್ತು ಸೇಕ್ ಲೀ ಅನ್ನ ಸೇರಿಸಲಾಗಿದೆ. ಹೀಗಾಗಿ ಈ ಐಸ್ ಕ್ರೀಮ್ ಗೆ ಚಿನ್ನದ ಬೆಲೆ ಬಂದಿದೆ.
ಒಟ್ಟಾರೆಯಾಗಿ ಈ ಐಸ್ ಕ್ರೀಮ್ ಬೆಲೆ ಕೇಳಿ ಕೇವಲ ಜಪಾನಿಗರು ಮಾತ್ರವಲ್ಲ ವಿಶ್ವದ ನಾನಾ ದೇಶದ ಸಾರ್ವಜನಿಕರು ಕೂಡ ಅಕ್ಷರಶಃ ಬೆರಗಾಗಿದ್ದಾರೆ. ಈ ಐಸ್ಕ್ರೀಮ್ ತಿನ್ನುವ ಬದಲು, ನಾವು ವರ್ಷಪೂರ್ತಿ ಈ ಹಣದಲ್ಲಿ ನೆಮ್ಮದಿಯ ಊಟ ಮಾಡುತ್ತೇವೆ ಎಂದು ವಿವಿಧ ದೇಶದ ನಾಗರಿಕರು ಮಾತನಾಡಿಕೊಳ್ಳುತ್ತಿದ್ದಾರೆ. ಹೀಗಾಗಿ ಇನ್ನು ಮುಂದಿನ ದಿನಗಳಲ್ಲಿ ಇನ್ಯಾವ ದುಬಾರಿ ಖಾದ್ಯಗಳು ಬರಲಿವೆ ಅಂತ ಜನರ ಅಚ್ಚರಿಯನ್ನ ವ್ಯಕ್ತ ಪಡಿಸುತ್ತಿದ್ದಾರೆ.
