ಮುಂಬೈ : ಲಿಫ್ಟ್ ಒಂದರಲ್ಲಿ ದ್ವಿ ಚಕ್ರ ವಾಹನದ ಬ್ಯಾಟರಿಯನ್ನು ಚಾರ್ಚ್ ಮಾಡಲು ಕೊಂಡೊಯ್ಯುವಾಗ ಲಿಫ್ಟ್ ನೊಳಗೆ ಬ್ಯಾಟರಿ ಸ್ಪೋಟಗೊಳ್ಳುವ ಭಯಾನಕ ವಿಡಿಯೋ ಎಲ್ಲೆಡೆ ವೈರಲ್ ಆಗುತ್ತಿದ್ದು ಬ್ಯಾಟರಿ ಚಾಲಿತ ಇ ವಾಹನಗಳ ಸುರಕ್ಷತೆಯ ಬಗ್ಗೆ ಆನೇಕ ಪ್ರಶ್ನೆಗಳನ್ನು ಇದು ಹುಟ್ಟುಹಾಕಿದೆ.
ಕಳೆದ ಕೆಲ ದಿನಗಳಿಂದ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುವ ಚೀನಾದಲ್ಲಿ ಎಲಿವೇಟರ್ನೊಳಗೆ ಇ-ಬೈಕ್ ಬ್ಯಾಟರಿ ಸ್ಫೋಟಗೊಂಡು ಒರ್ವ ವ್ಯಕ್ತಿ ತೀವ್ರವಾಗಿ ಗಾಯಗೊಂಡಿದ್ದು ಸಿಸಿ ಟಿವಿಯಲ್ಲಿ ಸೆರೆಯಾದ ಬ್ಯಾಟರಿ ಸ್ಪೋಟದ ಭಯಾನಕ ದೃಶ್ಯಗಳು ಎದೆ ಝಲ್ ಎನಿಸುತ್ತಿವೆ. ಸಾಮಾಜಿಕ ಮಾಧ್ಯಮದಲ್ಲಿ ಈ ಭೀಕರ ದೃಶ್ಯ ಗಮನಾರ್ಹ ಗಮನವನ್ನು ಸೆಳೆಯುತ್ತಿದೆ. ಮೂಲತಃ 2021 ರಲ್ಲಿ ದಾಖಲಿಸಲಾಗಿದ್ದ ಎನ್ನಲಾದ ಈ ಘಟನೆಯ ವಿಡಿಯೋ ಇದೀಗ ಎಲ್ಲೆಡೆ ವೈರಲ್ ಆಗುತ್ತಿದ್ದು ಜನರಿಗೆ ಎಚ್ಚರಿಕೆಯ ಗಂಟೆಯಾಗಿದೆ.
ಇ-ಬೈಕ್ ಬ್ಯಾಟರಿ ಹಿಡಿದಿದ್ದ ವ್ಯಕ್ತಿಗೆ ತೀವ್ರ ಸುಟ್ಟ ಗಾಯಗಳಾಗಿದ್ದು, ಅವರನ್ನು ಹತ್ತಿರದ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಈ ವೀಡಿಯೊ ಬೇಕಾಬಿಟ್ಟಿ ಮಾರುಕಟ್ಟೆಗೆ ಬರುತ್ತಿರುವ ಇ-ಬೈಕ್ ಗಳ ಬ್ಯಾಟರಿಗಳ ಸುರಕ್ಷತೆಯ ಬಗ್ಗೆ ಆನೇಕ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಬ್ಯಾಟರಿಗಳನ್ನು ಆಗಾಗ ಪರಿಶೀಲಿಸಬೇಕಾಗುತ್ತೆ. ಬ್ಯಾಟರಿಯ ಹೊರ ಭಾಗ ಎಲ್ಲೋ ಒಂದೂಚು ಹಾನಿಯಾದ್ರೂ ಇಂತಹ ದುರ್ಘಟನೆಗಳು ನಡೆಯುತ್ತಿವೆ ಎನ್ನಲಾಗಿದೆ. ಲಿಫ್ಟ್ಒಳಗೆ ತಂದ ಆ ಬ್ಯಾಟರಿ ಲಿಫ್ಟ್ ಮುಚ್ಚಿದಾಗ, ಬ್ಯಾಟರಿಯ ಎಲೆಕ್ಟ್ರೋ-ಚಾರ್ಜ್ ಇಡೀ ಲಿಫ್ಟ್ ಅನ್ನು ಮ್ಯಾಗ್ನೆಟಿಕ್ ಬ್ಯಾಟರಿಯಾಗಿ ಪರಿವರ್ತಿಸುತ್ತದೆ.
Caution Warning :
— Tech Star Shahrukh (@techstarsrk) July 25, 2024
“A person brings the e-bike battery into the lift. When the lift closes, the electro-charge of the battery turns the whole lift into a magnetic battery. “
Although above statement seems unlikely to be true, the battery may have damaged that’s why it happened.. pic.twitter.com/Czx3G9cYBv
ಈ ಸಂದರ್ಭ ಬ್ಯಾಟರಿ ಸ್ಪೋಟಗೊಳ್ಳುವ ಸಾಧ್ಯತೆಗಳಿವೆ ಎನ್ನಲಾಗಿದೆ. ಬ್ಯಾಟರಿಗಳನ್ನು ಉತ್ಪಾದಿಸುವಾಗ ಕಟ್ಟುನಿಟ್ಟಾದ ನಿಯಮಗಳು ಮತ್ತು ಸುರಕ್ಷತಾ ಪರಿಶೀಲನೆಗಳು ಅಗತ್ಯವಾಗಿರಬೇಕೆಂದು ಈ ವಿಡಿಯೋ ಪ್ರತಿಪಾದಿಸುತ್ತಿದೆ. ಇ-ಬೈಕ್ ಬ್ಯಾಟರಿಗಳನ್ನು ನಿರ್ವಹಿಸುವಾಗ ಮತ್ತು ಚಾರ್ಜ್ ಮಾಡುವಾಗ ಎಚ್ಚರಿಕೆಯಿಂದ ಮತ್ತು ಸುರಕ್ಷತಾ ಮಾರ್ಗಸೂಚಿಗಳನ್ನು ಅನುಸರಿಸಲು ಅಧಿಕಾರಿಗಳು ಬಳಕೆದಾರರನ್ನು ಒತ್ತಾಯಿಸುತ್ತಿದ್ದಾರೆ.
