ಬೆಂಗಳೂರಿನಲ್ಲಿ ಸಾವುಗಳಿಗೆ ಲೆಕ್ಕವಿಲ್ಲ. ಆದರೆ ಈ ಸಾವು (Death) ಮಾತ್ರ ಮನಸ್ಸನ್ನು ಕದಡುತ್ತದೆ ಅನ್ನೋದು ಮಾತ್ರ ಸುಳ್ಳಲ್ಲ. 10 ವರ್ಷದ ಹಿಂದೆ ಬಿಹಾರದಿಂದ ಬೆಂಗಳೂರಿಗೆ(Bangalore) ಬಂದಿದ್ದ ಅಮಿತ್ ಕುಮಾರ್ ಜಿಮ್ ಟ್ರೈನರ್ (Gym Trainer) ಆಗಿ ಕೆಲಸ ಮಾಡ್ತಿದ್ದ. ಬೆಂಗಳೂರಿನ ಟಿ ದಾಸರಹಳ್ಳಿಯಲ್ಲಿ ಕೆಲಸ ಮಾಡ್ತಿದ್ದ ಅಮಿತ್ ಕುಮಾರ್, ಅದೇ ಏರಿಯಾದಲ್ಲಿ ಹಾಸನ ಮೂಲದ ಯುವತಿ ಜೊತೆಗೆ ಲವ್ನಲ್ಲಿ ಬಿದ್ದಿದ್ದ. ಯುವತಿ ಕೂಡ ಈತನ ಪ್ರೀತಿಗೆ ಮನಸೋತಿದ್ದಳು. ಆ ಬಳಿಕ 18 ವರ್ಷ ತುಂಬುವ ತನಕ ಕಾದಿದ್ದು ಕಳೆದ ವರ್ಷ ಅಷ್ಟೇ ಹಸೆಮಣೆ ಏರಿದ್ದರು.
28 ವರ್ಷದ ಅಮಿತ್ ಕುಮಾರ್, 19 ವರ್ಷದ ಯುವತಿ ಮೊದಲಿಗೆ ಅನ್ಯೋನ್ಯವಾಗಿ ಸಂಸಾರ ದೋಣಿ ಸಾಗಿಸುತ್ತಿದ್ದರು. ಆದರೆ ಮದುವೆಯಾದ ಮೂರ್ನಾಲ್ಕು ತಿಂಗಳಿಗೆ ನರ್ಸಿಂಗ್ ಕಾಲೇಜಿಗೆ(Nursing College) ಸೇರಿಸಿದ್ದ. ಹೆಂಡತಿ ಕಾಲೇಜು ಮೆಟ್ಟಿಲು ಹತ್ತಿದ ಬಳಿಕ ಆಕೆಯ ಮೇಲೆ ಅನುಮಾನ ಶುರುವಾಗಿತ್ತು. ಸ್ನೇಹಿತರ ಜೊತೆಗೆ ಮಾತನಾಡುವುದನ್ನು ಸಹಿಸಲು ಸಾಧ್ಯವಾಗದ ಅಮಿತ್ ಕುಮಾರ್(Amith Kumar), ಹೆಂಡತಿ ಜೊತೆಗೆ ಜಗಳ ತೆಗೆಯುತ್ತಿದ್ದ. ಇತ್ತೀಚಿಗೆ ಇದು ತೀರಾ ಸಾಮಾನ್ಯವಾಗಿತ್ತು.
ಕಳೆದ ವರ್ಷ ಅಷ್ಟೇ ಪೋಷಕರ ವಿರೋಧದ ನಡುವೆಯೂ ಮದುವೆಯಾಗಿ ಟಿ ದಾಸರಹಳ್ಳಿಯಲ್ಲಿ(T Dasarahalli) ಸಣ್ಣದೊಂದು ಮನೆ ಮಾಡಿಕೊಂಡು ವಾಸವಿದ್ದ ಜೋಡಿಯ ಬಾಳಲ್ಲಿ ಅನುಮಾನ ಬಿರುಗಾಳಿಯನ್ನು ಸೃಷ್ಟಿಸಿತ್ತು. ಬೇರೆ ಹುಡುಗರ ಜೊತೆಗೆ ಹೆಚ್ಚಾಗಿ ಫೋನನಲ್ಲಿ ಮಾತಾಡ್ತಾಳೆ ಅಂತ ಜಗಳ ಶುರುಮಾಡಿದ್ದ. ಆಕೆ ತನ್ನ ಗಂಡನ ಮನೆ ಬಿಟ್ಟು ಹೆತ್ತವರ ಮನೆಯಲ್ಲಿ ಇರುವುದಕ್ಕೆ ಶುರು ಮಾಡಿದ್ಲು. ಆ ಬಳಿಕ ಒತ್ತಾಯ ಮಾಡಿಕೊಂಡು ಮನೆಗೆ ಕರೆದುಕೊಂಡು ಬಂದಿದ್ದ. ಮೇ 15ರಂದು ಜಗಳ ಆದ ಬಳಿಕ ಯುವತಿ ತನ್ನ ಪೋಷಕರ ಮನೆಗೆ ಹೋಗಿದ್ದಳು. ಆಕೆಯನ್ನು ವಾಪಸ್ ಕರೆತರಲು ಸಾಯುವ ನಾಟಕ ಆಡಿದ್ದ ಅಮಿತ್ ಕುಮಾರ್ ಸತ್ತೇ ಹೋಗಿದ್ದಾನೆ.
ಮೇ 15 ರ ಸಂಜೆ 7.30ಕ್ಕೆ ಪತ್ನಿ ತನ್ನ ಪೋಷಕರ ಮನೆಗೆ ತೆರಳಿದ್ದಳು. ಆ ಬಳಿಕ ರೂಮ್ ಲಾಕ್ ಮಾಡಿಕೊಂಡು ಒಂದು ಹಗ್ಗಕ್ಕೆ ನೇಣು ಹಾಕಿಕೊಳ್ಳುತ್ತೇನೆ (Suicide) ಎಂದು ಪತ್ನಿಗೆ ವಿಡಿಯೋ ಕರೆ ಮಾಡಿದ್ದ. ನೀನು ನಮ್ಮ ಮನೆಗೆ ವಾಪಸ್ ಬಂದಿಲ್ಲ ಅಂದ್ರೆ ನಾನು ಆತ್ಮಹತ್ಯೆ ಮಾಡಿಕೊಳ್ಳೋದಾಗಿ ಬೆದರಿಸಿದ್ದ. ಫ್ಯಾನಿಗೆ ಹಗ್ಗ ಕಟ್ಟಿಕೊಂಡು ಕುತ್ತಿಗೆಗೆ ಬಿಗಿದುಕೊಂಡಿದ್ದ. ಆ ಸಮಯದಲ್ಲಿ ಅಚಾನಕ್ ಆಗಿ ಚೇರ್ ಜಾರಿತೋ ಅಥವಾ ಹೆಂಡತಿಯ ನಡೆತೆ ಮೇಲೆ ಅನುಮಾನಗೊಂಡು ಸಾಯುವ ನಿರ್ಧಾರವನ್ನೇ ಮಾಡಿದ್ನೋ ಅನ್ನೋದರ ಬಗ್ಗೆ ಪೊಲೀಸ್ರು ತನಿಖೆ ಕೈಗೊಂಡಿದ್ದಾರೆ. ಪ್ರೀತಿಸಿ, ಮನೆಯವರ ವಿರೋಧ ಮಾಡಿಕೊಂಡು ಮದುವೆ ಆಗಿದ್ದ ಯುವತಿ 19 ವರ್ಷಕ್ಕೇ ವಿಧವೆ ಆಗಿದ್ದಾಳೆ.
Bihara
Youth
Love
Hassan
T Dasarahalli
Bangalore
Love Marriage
Gym Trainer
Suicide
