ಪಂಜಾಬ್ : ಅಮೃತಸರದ ವರ್ಕಾ ಪ್ರದೇಶದಲ್ಲಿ ಒಂಟಿ ಮನೆಯೊಂದರ ಮೇಲೆ ನಡೆದ ಕಳ್ಳತನದ ಯತ್ನವನ್ನು ಮಹಿಳೆಯೊಬ್ಬರು ಏಕಾಂಗಿಯಾಗಿ ಎದುರಿಸಿ ಕಳ್ಳರು ಖಾಲಿ ಕೈಯಲ್ಲಿ ತೆರಳುವಂತೆ ಮಾಡಿದೆ. ಈ ಮಹಿಳೆಯ ಧೈರ್ಯಕ್ಕೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ.
ಮೂವರು ಮುಸುಕುಧಾರಿ ದರೋಡೆಕೋರರು ಹಾಡ ಹಗಲೇ ಮನೆಗೆ ಲೂಟಿ ಮಾಡಲು ನುಗ್ಗಿದ್ದಾರೆ, ಆದರೆ ಈ ಮಹಿಳೆ ಕೊಂಚವೂ ಹೆದರದೆ ಧೈರ್ಯದಿಂದ ಬಾಗಿಲನ್ನು ಲಾಕ್ ಮಾಡಿ ಸಹಾಯಕ್ಕಾಗಿ ಕೂಗಿಕೊಂಡಿದ್ದಾರೆ.ಇದ್ರಿಂದ ಗಾಬರಿಗೊಂಡ ಕಳ್ಳರು ಬರಿಗೈಯಲ್ಲಿ ಓಡಿ ಹೋಗಿದ್ದಾರೆ.
Three robbers in Amritsar, Punjab, jumped over a house wall and entered, but a woman bravely shut the door and raised an alarm, causing the robbers to flee.#amritsar #Punjab #bravewomen #robbery #Breaking pic.twitter.com/uwWMgrt8EB
— Chaudhary Parvez (@ChaudharyParvez) October 1, 2024
ಇಡೀ ಘಟನೆ ಮನೆಯೊಳಗೆ ಅಳವಡಿಸಲಾಗಿದ್ದ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಈ ಘಟನೆಯಲ್ಲಿ ಮಹಿಳೆ ತನ್ನ ಮಕ್ಕಳೊಂದಿಗೆ ಯಾವುದೇ ಅಪಾಯವಿಲ್ಲದೆ ಪಾರಾಗಿದ್ದಾಳೆ. ಘಟನೆಯ ತನಿಖೆಯ ಭಾಗವಾಗಿ ಪೊಲೀಸರು ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸುತ್ತಿದ್ದು, ಇನ್ನೂ ಯಾರನ್ನೂ ಬಂಧಿಸಲಾಗಿಲ್ಲ.
