ಮದ್ಯಪಾನ ಮಾಡುವವರಲ್ಲಿ ಕೆಲವರು ಬಾಟಲಿ ತೆರೆದರೆ ಅದು ಖಾಲಿಯಾಗುವವರೆಗೂ ಬಿಡುವುದಿಲ್ಲ. ಒಂದೇ ಸಿಟ್ಟಿಂಗ್ನಲ್ಲಿ ಸಂಪೂರ್ಣ ಬಾಟಲಿ ಖಾಲಿ ಮಾಡುವವರೂ ಇದ್ದಾರೆ. ಮತ್ತೊಂದೆಡೆ, ವಿಶೇಷ ಸಂದರ್ಭಗಳಲ್ಲಿ ಮಾತ್ರ ಸ್ವಲ್ಪ ಮದ್ಯ ಸೇವಿಸಿ ಉಳಿದ ಬಾಟಲಿಯನ್ನು ದಿನಗಟ್ಟಲೆ ಇಟ್ಟುಕೊಳ್ಳುವವರೂ ಇದ್ದಾರೆ.
ಆದರೆ, ಒಮ್ಮೆ ತೆರೆದ ಮದ್ಯದ ಬಾಟಲಿಯನ್ನು ಎಷ್ಟು ದಿನಗಳವರೆಗೆ ಸುರಕ್ಷಿತವಾಗಿ ಇಡಬಹುದು? ಅದರ ರುಚಿ ಬದಲಾಗುತ್ತದೆಯೇ? ಹಾಳಾಗಿ ವಿಷದಂತಾಗುತ್ತದೆಯೇ? ಎಂಬ ಪ್ರಶ್ನೆಗಳು ಅನೇಕರನ್ನು ಕಾಡುತ್ತವೆ. ಈ ಬಗ್ಗೆ ತಿಳಿಯಬೇಕಾದ ಪ್ರಮುಖ ಮಾಹಿತಿ ಇಲ್ಲಿದೆ.
ವೈನ್ ಮತ್ತು ಬೀರ್ಗಳಲ್ಲಿ ಆಲ್ಕೋಹಾಲ್ ಪ್ರಮಾಣ ಕಡಿಮೆ ಇರುವುದರಿಂದ ಅವು ಬೇಗನೆ ಹಾಳಾಗುವ ಸಾಧ್ಯತೆ ಹೆಚ್ಚು. ಆದ್ದರಿಂದ ಇವುಗಳಿಗೆ ನಿಗದಿತ ಅವಧಿಯೊಳಗೆ ಬಳಸಬೇಕಾದ ಅವಶ್ಯಕತೆ ಇರುತ್ತದೆ.ಆದರೆ ವಿಸ್ಕಿ, ವೋಡ್ಕಾ, ಟಕಿಲಾ, ಜಿನ್ ಮೊದಲಾದ ಹಾರ್ಡ್ ಲಿಕ್ಕರ್ಗಳಲ್ಲಿ ಆಲ್ಕೋಹಾಲ್ ಪ್ರಮಾಣ ಹೆಚ್ಚು ಇರುವುದರಿಂದ ಅವು ದೀರ್ಘಕಾಲ ಕೆಡದೆ ಉಳಿಯುತ್ತವೆ. ಸರಿಯಾದ ರೀತಿಯಲ್ಲಿ ಸಂಗ್ರಹಿಸಿದರೆ ಇಂತಹ ಮದ್ಯಗಳನ್ನು ವರ್ಷಗಳ ಕಾಲ ಇಡಬಹುದು.
ಒಮ್ಮೆ ಮದ್ಯದ ಬಾಟಲಿ ತೆರೆದ ತಕ್ಷಣ ಅದು ಹಾಳಾಗುವುದಿಲ್ಲ. ಆದರೆ ಗಾಳಿಯ ಸಂಪರ್ಕಕ್ಕೆ ಬಂದ ನಂತರ ಅದರ ಗುಣಮಟ್ಟದಲ್ಲಿ ನಿಧಾನವಾಗಿ ಬದಲಾವಣೆ ಆರಂಭವಾಗುತ್ತದೆ. ವಿಶೇಷವಾಗಿ ಒಂದು ಅಥವಾ ಎರಡು ವರ್ಷಗಳ ಬಳಿಕ ರುಚಿ ಮತ್ತು ಘಾಟಿನಲ್ಲಿ ವ್ಯತ್ಯಾಸ ಕಾಣಿಸಬಹುದು.
- ಹಾರ್ಡ್ ಲಿಕ್ಕರ್ : ಓಪನ್ ಮಾಡಿದ ಬಳಿಕ 6 ತಿಂಗಳಿಂದ 1 ವರ್ಷದೊಳಗೆ ಬಳಸಿದರೆ ಉತ್ತಮ ಗುಣಮಟ್ಟ ಉಳಿಯುತ್ತದೆ.
- ವೈನ್ : ತೆರೆದ ನಂತರ ಫ್ರಿಡ್ಜ್ನಲ್ಲಿ ಇಟ್ಟು 6 ರಿಂದ 8 ವಾರಗಳೊಳಗೆ ಕುಡಿಯುವುದು ಉತ್ತಮ.
- ಬೀರ್ : ಓಪನ್ ಮಾಡಿದ ಬಳಿಕ ಸಾಧ್ಯವಾದಷ್ಟು ಬೇಗ ಬಳಸುವುದು ಸೂಕ್ತ.
ಬಾಟಲಿ ಅರ್ಧ ಖಾಲಿಯಾದಾಗ ಅದರೊಳಗೆ ಗಾಳಿ ತುಂಬಿಕೊಳ್ಳುತ್ತದೆ. ಈ ಗಾಳಿಯಲ್ಲಿರುವ ಆಮ್ಲಜನಕ ಮದ್ಯದೊಂದಿಗೆ ಪ್ರತಿಕ್ರಿಯೆ ನೀಡಿ “ಆಕ್ಸಿಡೀಕರಣ” ಪ್ರಕ್ರಿಯೆ ನಡೆಯುತ್ತದೆ. ಇದರಿಂದ ಮದ್ಯದ ಅಸಲಿ ರುಚಿ, ಸುವಾಸನೆ ಮತ್ತು ಘಾಟು ಕ್ರಮೇಣ ಕಡಿಮೆಯಾಗುತ್ತದೆ.
ಮದ್ಯವನ್ನು ಹೇಗೆ ಸ್ಟೋರ್ ಮಾಡಬೇಕು?
- ನೇರ ಸೂರ್ಯನ ಬೆಳಕಿನಿಂದ ದೂರ ಇಡಿ
- ಬಾಟಲಿಯ ಮುಚ್ಚಳವನ್ನು ಬಿಗಿಯಾಗಿ ಹಾಕಿ
- ತಂಪಾದ ಮತ್ತು ಒಣ ಜಾಗದಲ್ಲಿ ಇಡಿ
- ವೈನ್ ಅನ್ನು ಫ್ರಿಡ್ಜ್ನಲ್ಲಿ ಇರಿಸುವುದು ಉತ್ತಮ
ಸರಿಯಾದ ರೀತಿಯಲ್ಲಿ ಸಂಗ್ರಹಿಸಿದರೆ ಮದ್ಯ ಬೇಗ ಹಾಳಾಗುವುದಿಲ್ಲ. ಆದರೆ ಓಪನ್ ಮಾಡಿದ ಬಳಿಕ ಹೆಚ್ಚು ದಿನ ಇಟ್ಟರೆ ಅದರ ಮೂಲ ರುಚಿ ಮತ್ತು ಗುಣಮಟ್ಟ ಕಡಿಮೆಯಾಗುವ ಸಾಧ್ಯತೆ ಹೆಚ್ಚಿರುತ್ತದೆ.
