ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡ ಫೆಬ್ರವರಿ 26ರಂದು(ಇಂದು) ಉದಯಪುರದಲ್ಲಿ ಅದ್ಧೂರಿಯಾಗಿ ಮದುವೆಯಾಗಲಿದ್ದಾರೆ.ಉದಯಪುರದ ಐಟಿಸಿ ಮೆಮೆಂಟೋಸ್ ನಲ್ಲಿ ಸ್ಟಾರ್ಜೋಡಿ ಮದುವೆಯಾಗಲಿದ್ದು, ಕೆಲವೇ ಕೆಲವು ಪ್ರಮುಖ ಅತಿಥಿಗಳ ನಡುವೆ ನಡೆಯಲಿರುವ ಈ ವಿವಾಹಕ್ಕೆ ಭರ್ಜರಿಯಾದ ಊಟದ ಮೆನು ರೆಡಿಯಾಗಿದೆ.
ಮದುವೆಯ ಊಟದ ಮೆನು ಸಾಮಾಜಿಕ ಮಾಧ್ಯಮದಲ್ಲಿ ಸಖತ್ ವೈರಲ್ ಆಗಿದೆ.ಬಾಳೆ ಎಲೆ ಊಟ ವಿಶೇಷ ಎನ್ನಲಾಗುತ್ತಿದೆ. ಆಹಾರದ ಮೆನುವಿನಲ್ಲಿ ವೈವಿಧ್ಯಮಯ ಜಪಾನೀಸ್ ಖಾದ್ಯಗಳನ್ನು (Japanese Cuisine) ಸೇರಿಸಲಾಗಿದೆ. ರಶ್ಮಿಕಾ ಅವರ ಜಪಾನ್ ಪ್ರವಾಸದ ಮೇಲಿನ ಪ್ರೀತಿಯೇ ಈ ವಿಶೇಷ ಮೆನುವಿಗೆ ಕಾರಣ ಎನ್ನಲಾಗುತ್ತಿದೆ.
ವಿವಾಹ ಮೆನುವಿನಲ್ಲಿ ತೆಲಂಗಾಣ ಮತ್ತು ಆಂಧ್ರದ ಜನಪ್ರಿಯ ಭಕ್ಷ್ಯಗಳು ಮತ್ತು ರಶ್ಮಿಕಾ ತವರಿನ ಕೂರ್ಗ್ನ ಐಕಾನಿಕ್ ಪಾಕವಿಧಾನಗಳು ಸೇರಿವೆ ಎಂದು ಹೇಳಲಾಗಿದೆ. ಈ ಪಟ್ಟಿಯಲ್ಲಿ ನಾಟಿ ಚಿಕನ್, ಹೈದರಾಬಾದ್ ದಮ್ ಬಿರಿಯಾನಿ, ಪಪ್ಪು, ಕೀಮಾ ಸಮೋಸಾ, ಪಚ್ಚಿ ಪುಲುಸು, ಮೈಸೂರು ಪಾಕ್, ಅಕ್ಕಿ ತಂಬಿಟ್ಟು, ಪಾಂಡಿ ಕರಿ (ಹಂದಿ ಮಾಂಸದ ಖಾದ್ಯ), ಪುಟ್ಟು ಸೇರಿದತೆ ವಿಶೇಷ ಮೆನು ಇರಲಿದೆ ಎಂದು ವರದಿಯಾಗಿದೆ.
ಮಾರ್ಚ್ 4 ರಂದು ಬಂಜಾರಾ ಹಿಲ್ಸ್ನ ತಾಜ್ ಕೃಷ್ಣ ಹೋಟೆಲ್ನಲ್ಲಿ ಆರತಕ್ಷತೆ ನಡೆಯಲಿದೆ. ಸಂಜೆ 7 ಗಂಟೆಗೆ ಕಾರ್ಯಕ್ರಮ ಆರಂಭವಾಗಲಿದೆ. ಅಲ್ಲಿ ಟಾಲಿವುಡ್, ಸ್ಯಾಂಡಲ್ವುಡ್ ಸೇರಿದಂತೆ ಭಾರತೀಯ ಚಿತ್ರರಂಗದ ತಾರೆಗಳು ಭಾಗವಹಿಸಲಿದ್ದಾರೆ.
