ಅತಂತ್ರ ಫಲಿತಾಂಶ ಬರಲಿ ಅಂತಾ ಯಾರೋ ಕಾಯ್ತಿದ್ದಾರೆ : ಹೆಚ್​ಡಿಕೆಗೆ ಸುಮಲತಾ ಟಾಂಗ್​

ಮಂಡ್ಯ : ರಾಜ್ಯ ವಿಧಾನಸಭಾ ಚುನಾವಣಾ ಫಲಿತಾಂಶ ಅತಂತ್ರ ಬರಲಿ. ಆಗ ತಾನು ಸಿಎಂ ಆಗಬಹುದು ಅಂತಾ ಯಾರೋ ಒಬ್ಬರು ಕನಸು ಕಾಣ್ತಿದ್ದಾರೆ ಎಂದು ಹೇಳುವ ಮೂಲಕ ಸಂಸದೆ ಸುಮಲತ ಅಂಬರೀಶ್​ ಮಾಜಿ ಸಿಎಂ ಹೆಚ್​ಡಿ ಕುಮಾರಸ್ವಾಮಿಗೆ ಟಾಂಗ್​ ನೀಡಿದ್ದಾರೆ . ಮಂಡ್ಯದಲ್ಲಿ ಮಾತನಾಡಿದ ಅವರು, ಈ ಬಾರಿ ಮಂಡ್ಯದಲ್ಲಿ ಬದಲಾವಣೆಯ ಗಾಳಿ ಬೀಸಬೇಕಿದೆ ಎಂದು ಹೇಳಿದ್ರು .

ADVERTISEMENT

ಕಳೆದ ಬಾರಿಯ ಚುನಾವಣೆಯಲ್ಲಿ ಮಂಡ್ಯದಲ್ಲಿರುವ 7 ಕ್ಷೇತ್ರಗಳಲ್ಲಿ 7 ಮಂದಿ ಜೆಡಿಎಸ್​ ಅಭ್ಯರ್ಥಿಗಳೇ ಶಾಸಕರಾಗಿ ಆಯ್ಕೆಯಾಗಿದ್ದರು . ಆದರೆ ಅವರೆಲ್ಲ ಮಂಡ್ಯದಲ್ಲಿ ಯಾವ ಅಭಿವೃದ್ಧಿ ಕೆಲಸ ಮಾಡಿದ್ದಾರೆ..? ಎಂದು ಪ್ರಶ್ನೆ ಮಾಡಿದ್ರು .

ಇದೇ ವೇಳೆ ಯುಪಿ ಸಿಎಂ ಯೋಗಿ ಆದಿತ್ಯನಾಥ್​ ಆಡಳಿತವನ್ನು ಹಾಡಿಹೊಗಳಿದ ಅವರು ಗೂಂಡಾ ರಾಜ್ಯ ಎನಿಸಿಕೊಂಡಿದ್ದ ಉತ್ತರ ಪ್ರದೇಶದಲ್ಲಿ ಈಗ ಜನರು ನಿರ್ಭೀತಿಯಿಂದ ಓಡಾಡುತ್ತಿದ್ದಾರೆ ಎಂದು ಹೇಳಿದ್ರು .