ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಅಧ್ಯಕ್ಷ ಮತ್ತು ಅಬುಧಾಬಿಯ ಆಡಳಿತಗಾರ ಶೇಖ್ ಖಲೀಫಾ ಬಿನ್ ಜಾಯೆದ್ ಅಲ್ ನಹ್ಯಾನ್ (73 ವರ್ಷ) ಶುಕ್ರವಾರ ನಿಧನರಾಗಿದ್ದಾರೆ ಎಂದು ಸ್ಥಳೀಯ ಸರ್ಕಾರ ಖಚಿತಪಡಿಸಿದೆ..
ಸರ್ಕಾರದ ಅಧಿಕೃತ ಹೇಳಿಕೆಯಲ್ಲಿ, , “ಯುಎಇ ಅಧ್ಯಕ್ಷರಾದ ಹಿಸ್ ಹೈನೆಸ್ ಶೇಖ್ ಖಲೀಫಾ ಬಿನ್ ಜಾಯೆದ್ ಅಲ್ ನಹ್ಯಾನ್ ಅವರ ನಿಧನದ ಬಗ್ಗೆ ಅಧ್ಯಕ್ಷೀಯ ವ್ಯವಹಾರಗಳ ಸಚಿವಾಲಯವು ವ್ಯಕ್ತಪಡಿಸುತ್ತದೆ.”
1971 ರಲ್ಲಿ ಒಕ್ಕೂಟದ ನಂತರ ಯುಎಇಯ ಮೊದಲ ಅಧ್ಯಕ್ಷರಾಗಿ ಶೇಖ್ ಖಲೀಫಾ ತಂದೆ ಶೇಖ್ ಜಾಯೆದ್ ಬಿನ್ ಸುಲ್ತಾನ್ ಅಲ್ ನಹ್ಯಾನ್ ಸೇವೆ ಸಲ್ಲಿಸಿದರು. 2004 ನವೆಂಬರ್ 2 ರಂದು ನಿಧನರಾದರು. ನಿಧರಾದ ಬಳಿಕ ಅವರ ಪುತ್ರ ಅಂದರೆ ಶೇಖ್ ಖಲೀಫಾ ನವೆಂಬರ್ 3, 2004 ರಿಂದ ಯುಎಇ ಅಧ್ಯಕ್ಷರಾಗಿ ಮತ್ತು ಅಬುಧಾಬಿ ಆಡಳಿತಗಾರರಾಗಿ ಸೇವೆ ಸಲ್ಲಿಸುತ್ತಿದ್ದರು. ಈಂದು ಅವರ ನಿಧನದ ಸುದ್ದು ಹೊರಬಿದ್ದಿದೆ.
1948 ರಲ್ಲಿ ಜನಿಸಿದ ಶೇಖ್ ಖಲೀಫಾ ಯುಎಇಯ ಎರಡನೇ ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸುತ್ತಿದ್ದರು ಮತ್ತು ಯುಎಇಯ ರಾಜಧಾನಿ ಅಬುಧಾಬಿಯ 16 ನೇ ಆಡಳಿತಗಾರರಾಗಿದ್ದರು.
ಬುರ್ಜ್ ದುಬೈ ಎಂದು ಕರೆಯಲ್ಪಡುವ ವಿಶ್ವದ ಅತಿ ಎತ್ತರದ ಮಾನವ ನಿರ್ಮಿತ ಕಟ್ಟಡಕ್ಕೆ ಅವರ ಗೌರವಾರ್ಥವಾಗಿ ಬುರ್ಜ್ ಖಲೀಫಾ ಎಂದು ಜನವರಿ 4, 2010 ರಂದು ಮರುನಾಮಕರಣ ಮಾಡಲಾಯಿತು. 2018 ರಲ್ಲಿ, ಫೋರ್ಬ್ಸ್ ವಿಶ್ವದ ಅತ್ಯಂತ ಶಕ್ತಿಶಾಲಿ ವ್ಯಕ್ತಿಗಳ ಪಟ್ಟಿಯಲ್ಲಿ ಖಲೀಫಾ ಹೆಸರು ಸಹ ಸೇರಿತ್ತು.
