ನೇಪಾಳದಲ್ಲಿ ಜೂನ್‌ ಕೊನೆಯ ವಾರದಿಂದ ಬಿಡದೆ ಮಾನ್ಸೂನ್‌ ಮಳೆ ಸುರಿಯುತ್ತಿದೆ. ಜುಲೈ 8 ರ ರಾತ್ರಿಯಿಂದ ಭಾರೀ ಮಳೆಯಾಗುತ್ತಿದ್ದು, ನೆರೆಯನ್ನು ಸೃಷ್ಟಿಸಿದೆ. ಭಾರೀ ನೆರೆಗೆ ದೇಶದ ಅಲ್ಲಲ್ಲಿ ಭೂ ಕುಸಿತವುಂಟಾಗಿದೆ. ಮ್ಯಾಗ್ಡಿ, ಲಾಮ್ಜುಂಗ್‌, ಕಸ್ಕಿ, ಗುಲ್ಮಿ ಮುಂತಾದ ಜಿಲ್ಲೆಗಳಲ್ಲಿ ಅಪಾರ ಪ್ರಮಾಣದ ನಷ್ಟವುಂಟಾಗಿದೆ ಎಂದು ನೇಪಾಳ ಸರ್ಕಾರ ಮೂಲಗಳು ತಿಳಿಸಿವೆ.
ಇದುವರೆಗೂ ಪ್ರವಾಹ ಹಾಗೂ ಭೂಕುಸಿತಕ್ಕೆ 60 ಮಂದಿ ಮೃತಪಟ್ಟಿದ್ದಾರೆ. 41 ಮಂದಿ ನಾಪತ್ತೆಯಾಗಿದ್ದಾರೆ. ಮ್ಯಾಗ್ಡಿ ಜಿಲ್ಲೆ ನೆರೆಯ ಅತಿ ಭೀಕರ ಪರಿಣಾಮ ಎದುರಿಸಿದೆ. ಜಿಲ್ಲೆಯೊಂದರಲ್ಲೇ ನೆರೆ 27 ಮಂದಿಯನ್ನು ಬಲಿ ತೆಗೆದುಕೊಂಡಿದೆ. ನಾಪತ್ತೆಯಾದವರ ಶೋಧಕಾರ್ಯ ಇನ್ನೂ ನಡೆಯುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಸದ್ಯ ನೇಪಾಳ ಸೇನೆ ಹಾಗೂ ನೇಪಾಳ ಸಶಸ್ತ್ರ ಪೋಲಿಸ್‌ ಪಡೆ ಶೋಧ ಕಾರ್ಯದಲ್ಲಿ ಜಂಟಿಯಾಗಿ ತೊಡಗಿಸಿಕೊಂಡಿದೆ. ಸ್ಥಳೀಯ ಪೋಲಿಸರು, ಅಪಘಾತ ತುರ್ತು ಪಡೆಯೂ ಸಾಥ್‌ ನೀಡುತ್ತಿದೆ ಎಂದು ಸ್ಥಳೀಯ ಸುದ್ದಿ ಸಂಸ್ಥೆ ವರದಿ ಮಾಡಿದೆ.
Nepal: At least 60 people killed, 41 missing following flood and landslides in the past 4 days in various parts of Nepal, due to heavy rainfall in the region. Myagdi district of western Nepal is worst affected with 27 deaths, where search and rescue operation is underway. pic.twitter.com/KbPtqIpUOj
— ANI (@ANI) July 13, 2020
