ನ್ಯೂಯಾರ್ಕ್: ಭಾರತದ ಪ್ರಧಾನಿ ಮೋದಿ ಅವರ ಅಮೆರಿಕ ಪ್ರವಾಸ ಅಧಿಕೃತವಾಗಿ ಆರಂಭವಾಗಿದ್ದು, ಅಮೆರಿಕಾದಲ್ಲಿ ಭರ್ಜರಿ ಸ್ವಾಗತ ದೊರೆತಿದೆ.
ನ್ಯೂಯಾರ್ಕ್ ಜಾನ್ ಎಫ್ ಕೆನಡಿ ಏರ್ ಪೋರ್ಟ್ಗೆ ಬಂದಿಳಿಯುತ್ತಿದ್ದಂತೆ ಅವರನ್ನು ಭಾರತೀಯ ಮೂಲದ ಹಲವರು ಬರ ಮಾಡಿಕೊಂಡರು. ವಿಮಾನ ನಿಲ್ದಾಣದಲ್ಲಿ ಸೇರಿದ್ ಭಾರತೀಯರನ್ನು ಕಂಡು ಪುಳಕಿತರಾದ ಮೋದಿ ಹಸ್ತಲಾಘವ ನೀಡಿದರು. ಆಗ ಭಾರತ್ ಮಾತಾ ಕಿ ಜೈ ಘೋಷಣೆಗಳೂ ಮೊಳಗಿದವು. ಕೆಲವರಂತೂ ನೃತ್ಯ ಮಾಡಿ ಸಂಭ್ರಮಿಸಿದ್ದೂ ಕಂಡು ಬಂದಿತು. ಮೋದಿ ಅವರು ತಂಗಿರುವ ಹೊಟೇಲ್ ಬಳಿಯೂ ಭಾರತೀಯ ಮೂಲದ ಹಲವರು ಭೇಟಿಗಾಗಿ ಕಾದಿದ್ದರು. ಅವರೊಂದಿಗೂ ಕೆಲ ಹೊತ್ತು ಕಳೆದ ಮೋದಿ ಸಂತಸ ತಂದರು.
![](https://pratidhvani.com/wp-content/uploads/2023/06/FzHb2ayaQAEsqVl-1024x658.jpg)
ಮೋದಿ ಅವರನ್ನು ಹಲವಾರು ಬ್ಯಾನರ್ಗಳು ಭರ್ಜರಿಯಾಗಿಯೇ ಅಮೆರಿಕಾದಲ್ಲಿ ಸ್ವಾಗತಿಸುತ್ತಿವೆ. ಅದರಲ್ಲೂ ಆಗಸದಲ್ಲಿ ಹಾರುತ್ತಿದ್ದ ಮೋದಿ ಹಾಗೂ ಜೋ ಬೇಡನ್ ಅವರ ಭಾವಚಿತ್ರವಿರುವ ಬ್ಯಾನರ್ ಕೂಡ ಗಮನ ಸೆಳಯುತ್ತಿದೆ.
![](https://pratidhvani.com/wp-content/uploads/2023/06/ffsds-compressed-1.jpg)
ಪ್ರಧಾನಿ ಮೋದಿ ಟ್ವೀಟ್
![](https://pratidhvani.com/wp-content/uploads/2023/06/FzHcXeoaEAIseTG-1024x656.jpg)
ಅಮೆರಿಕಾಕ್ಕೆ ಬಂದಿಳಿಯುತ್ತಿದ್ದಂತೆ ಟ್ವೀಟ್ ಮಾಡಿ ಖುಷಿ ಹಂಚಿಕೊಂಡರು ಮೋದಿ. ಮೂರು ದಿನ ಅಮೆರಿಕಾದ ವಿವಿಧ ಕಾರ್ಯಕ್ರಮದಲ್ಲಿ ಭಾಗಿಯಾಗುವೆ. ಬೇರೆ ಬೇರೆ ಕ್ಷೇತ್ರದವರನ್ನು ಭೇಟಿಯಾಗುವ ಸಮಯ ನಿಗದಿಯಾಗಿದೆ. ವಿಶ್ವ ಸಂಸ್ಥೆ ಆಯೋಜಿಸಿರುವ ಅಂತರಾಷ್ಟ್ರೀಯ ಯೋಗ ದಿನದಲ್ಲಿ ಭಾಗಿಯಾಗಲು ಖುಷಿಯಾಗುತ್ತಿದೆ ಎಂದು ಟ್ವೀಟ್ನಲ್ಲಿ ಮೋದಿ ಉಲ್ಲೇಖಿಸಿದರು.
![](https://pratidhvani.com/wp-content/uploads/2023/06/FzHJLW_acAAw80N-compressed-1024x783.jpg)