ಫತೇಪುರ್: ಉತ್ತರ ಪ್ರದೇಶದ ಫತೇಪುರ್ ಜಿಲ್ಲೆಯ ಜಿಲ್ಲಾಧಿಕಾರಿ(ಡಿಎಂ) ಸಿ (DM)ಇಂದುಮತಿ ಅರ್ಜಿದಾರರೊಬ್ಬರಿಗೆ ಕಪಾಳಮೋಕ್ಷ ಮಾಡಿ, ನಾನು ಇಲ್ಲಿ ನಿಂತಿದ್ದೇನೆ ಮತ್ತು ನೀವು ನನ್ನನ್ನು ಮುಂದಕ್ಕೆ ತಳ್ಳುತ್ತಿದ್ದೀರಿ’ ಎಂದು ಛೀಮಾರಿ ಹಾಕಿದ್ದಾರೆ. ಸೋಮವಾರ ಈ ಘಟನೆ ನಡೆದಿದೆ.ಡಿಎಂ ಅವರು ಡಿಯುಡಿಎ ಕಚೇರಿಯ ಕಡತವನ್ನು ಪರಿಶೀಲಿಸುತ್ತಿದ್ದಾಗ, ದೂರುದಾರರೊಬ್ಬರು ಅಲ್ಲಿಗೆ ಬಂದರು. ಅವನು ಮುಂದೆ ಬಂದಾಗ ಡಿಎಂ ಸ್ವಲ್ಪ ತಳ್ಳಲ್ಪಟ್ಟಿರು.
ಇದರಿಂದ ಕೋಪಗೊಂಡ ಡಿಎಂ (DM)ದೂರುದಾರನಿಗೆ ಕಪಾಳಮೋಕ್ಷ ಮಾಡಿದರು.ಇದರ ನಂತರ, ಅವರು ‘ನಿನಗೆ ಬುದ್ಧಿಯಿಲ್ಲವೇ? ನೀನು ಯಾರು? ನೀನು ಯಾಕೆ ಇಲ್ಲಿಗೆ ಬಂದೆ? ನೀನು ನನ್ನನ್ನು ಹೀಗೆ ದೂರ ತಳ್ಳುತ್ತೀಯ. ಕೆಲಸ ಅಲ್ಲೇ ಇದ್ದರೆ ಇಲ್ಲಿ ಏನು ಮಾಡುತ್ತಿದ್ದೀಯ ?’ ಎಂದು ಕೂಗಾಡಿ ಬಳಿಕ ಪಕ್ಕದಲ್ಲಿ ನಿಂತಿದ್ದ ಪೊಲೀಸ್ ಸಿಬ್ಬಂದಿಗೆ ಹೇಳಿ ಆತನನ್ನು ಕುಳಿತುಕೊಳ್ಳುವಂತೆ ಮಾಡಿದ್ದಾರೆ.
ಡಿಎಂ ಸಿ.ಇಂದುಮತಿ ಅವರು ದಿಢೀರನೆ ದುಡಾ ಕಚೇರಿ ಪರಿಶೀಲನೆಗೆ ಆಗಮಿಸಿದ್ದರು. ಆಕೆಯೊಂದಿಗೆ ಎಡಿಎಂ (ಆಡಳಿತ) ಅವ್ನಿಶ್ ತ್ರಿಪಾಠಿ, ಎಡಿಎಂ (ಹಣಕಾಸು) ವಿನಯ್ ಪಾಠಕ್ ಮತ್ತು ಎಸ್ಡಿಎಂ ಸದರ್ ಇದ್ದರು. ಅಧಿಕಾರಿಗಳು ಮೊದಲು ಸಬ್ ರಿಜಿಸ್ಟ್ರಾರ್ ಕಚೇರಿ ಹಾಗೂ ದುಡಾ ಕಚೇರಿಗೆ ಭೇಟಿ ನೀಡಿದರು. ಡಿಎಂ ದಿಢೀರ್ ಆಗಮನದಿಂದ ಕಚೇರಿಗಳಲ್ಲಿ ಗೊಂದಲ ಉಂಟಾಯಿತು.
ಡಿಎಂ ಸಬ್ ರಿಜಿಸ್ಟ್ರಾರ್ ಕಚೇರಿಯಲ್ಲಿ ಹಳೆಯ ದಾಖಲೆಗಳನ್ನು ಪರಿಶೀಲಿಸಿದರು. ಸಬ್ ರಿಜಿಸ್ಟ್ರಾರ್ ಕಚೇರಿ ವಿರುದ್ಧ ದೂರುಗಳು ಬಂದಿದ್ದರಿಂದ ಈ ತಪಾಸಣೆ ನಡೆಸಲಾಗಿದೆ ಎಂದು ಎಡಿಎಂ ಅವನೀಶ್ ತ್ರಿಪಾಠಿ ತಿಳಿಸಿದ್ದಾರೆ. ಎಲ್ಲಾ ಕಚೇರಿಗಳ ವ್ಯವಸ್ಥೆಯನ್ನು ಸುಧಾರಿಸಲು ಮತ್ತು ಭ್ರಷ್ಟಾಚಾರಕ್ಕೆ ಕಡಿವಾಣ ಹಾಕಲು ಡಿಎಂ ಕಟ್ಟುನಿಟ್ಟಿನ ಸೂಚನೆಗಳನ್ನು ನೀಡಿದ್ದಾರೆ.
2012ರ ಬ್ಯಾಚ್ನ ಐಎಎಸ್ ಅಧಿಕಾರಿ ಸಿ ಇಂದುಮತಿ ತಮಿಳುನಾಡಿನ ಪೂಲಂಪಟ್ಟಿ ಗ್ರಾಮದ ನಿವಾಸಿ. 1 ಅಕ್ಟೋಬರ್ 1984 ರಂದು ಜನಿಸಿದ ಸಿ ಇಂದುಮತಿ ಎಂಜಿನಿಯರಿಂಗ್ ಮಾಡಿದ್ದಾರೆ. ಇದಾದ ನಂತರ 2016 ಮತ್ತು 2017 ರ ನಡುವೆUPSC ಪರೀಕ್ಷೆಯಲ್ಲಿ 151ನೇ ರ್ಯಾಂಕ್ ಗಳಿಸಿದ್ದಾರೆ. ಅವರು ಫತೇಪುರ್ ಜಿಲ್ಲೆಯ ಮುಖ್ಯ ಅಭಿವೃದ್ಧಿ ಅಧಿಕಾರಿಯಾಗಿದ್ದಾರೆ.
