ಮಾರ್ಚ್ 12 ರಂದು ಅಂತರರಾಷ್ಟ್ರೀಯ ಕೋಲ್ಕತ್ತಾ ಪುಸ್ತಕ ಮೇಳ 2022 ರಲ್ಲಿ ನಟಿ ರೂಪಾ ದತ್ತಾ ಅವರನ್ನು ಜೇಬುಗಳ್ಳತನದ ಆರೋಪದಲ್ಲಿ ಮೇಲೆ ಬಂಧಿಸಿರುವುದಾಗಿ ಪೊಲೀಸರು ಭಾನುವಾರ ತಿಳಿಸಿದ್ದಾರೆ.
ಬಿಧಾನನಗರ ಉತ್ತರ ಪೊಲೀಸ್ ಠಾಣೆಯ ಮೂಲಗಳ ಪ್ರಕಾರ, ಟಿವಿ ಧಾರಾವಾಹಿಗಳಲ್ಲಿ ನಟಿಸಿದ್ದ ರೂಪಾ ದತ್ತಾ, ಪರ್ಸ್ ವೊಂದನ್ನು ಡಸ್ಟ್ಬಿನ್ಗೆ ಎಸೆದಿರುವುದನ್ನು ನೋಡಿದ ಪೊಲೀಸರು ಅನುಮಾನಗೊಂಡು ನಂತರ ಶನಿವಾರ ಅವರನ್ನು ಬಂಧಿಸಲಾಗಿದೆ. ಬಿಧಾನನಗರ ಉತ್ತರ ಪೊಲೀಸ್ ಠಾಣೆಯ ಸಬ್ ಇನ್ಸ್ಪೆಕ್ಟರ್ ಜಯನ್ಯಾನಾಥ್ ಸಹಾ ನೀಡಿದ ದೂರಿನ ಮೇರೆಗೆ ನಟಿಯ ವಿರುದ್ಧ ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 379/411 ರ ಅಡಿಯಲ್ಲಿ ಪ್ರಕರಣವನ್ನು ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಬೆಂಗಾಲಿ-ಟಿವಿ ನಟಿ ರೂಪಾ ದತ್ತಾ ಅವರನ್ನು ಅಂತಾರಾಷ್ಟ್ರೀಯ ಕೋಲ್ಕತ್ತಾ ಪುಸ್ತಕ ಮೇಳ 2022 ರಲ್ಲಿ ಜೇಬುಗಳ್ಳತನದ ಆಧಾರದ ಮೇಲೆ ಬಂಧಿಸಲಾಗಿದೆ ಎಂದು ವರದಿಯಾಗಿದೆ. ಈ ಘಟನೆ ಶನಿವಾರ ರಾತ್ರಿ, ಮಾರ್ಚ್ 12 ರಂದು ನಡೆದಿದೆ. ಕೋಲ್ಕತ್ತಾದ ಬಿಧಾನನಗರ ಉತ್ತರ ಪೊಲೀಸ್ ಠಾಣೆಯ ಮೂಲಗಳ ಪ್ರಕಾರ, ಪುಸ್ತಕ ಮೇಳದಲ್ಲಿ ಕರ್ತವ್ಯದಲ್ಲಿದ್ದ ಪೊಲೀಸರು ಮಹಿಳೆಯೊಬ್ಬರು ಡಸ್ಟ್ಬಿನ್ಗೆ ಪರ್ಸ್ಅನ್ನು ಎಸೆದಿರುವುದನ್ನು ನೋಡಿದ ನಂತರ ಅನುಮಾನಗೊಂಡರು. ಪೊಲೀಸರು ಆ ಮಹಿಳೆಯನ್ನು ವಿಚಾರಣೆಗೊಳಪಡಿಸಿ, ಆಕೆಯ ಬ್ಯಾಗ್ ಅನ್ನು ಪರಿಶೀಲಿಸಿದಾಗ ಆಕೆಯ ಬ್ಯಾಗ್ ನಿಂದ ಅನೇಕ ಪರ್ಸ್ ಗಳು 75,000 ರೂ. ಪತ್ತೆಯಾಗಿದೆ. ಈ ವಿಚಾರದಲ್ಲಿ ರೂಪಾ ಅವರನ್ನು ನ್ಯಾಯಾಲಯಕ್ಕೆ ಕರೆದೊಯ್ಯಲಾಗುವುದು ಎಂದು ಇತರ ವರದಿಗಳು ಸೂಚಿಸುತ್ತವೆ.
![](https://pratidhvani.com/wp-content/uploads/2022/03/Rupaa-Dutta.webp)
ಪೊಲೀಸರ ಪ್ರಕಾರ, ರೂಪಾ ದತ್ತಾ ಕೆಲವು ವರ್ಷಗಳ ಹಿಂದೆ ಚಲನಚಿತ್ರ ನಿರ್ಮಾಪಕ ಅನುರಾಗ್ ಕಶ್ಯಪ್ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪ ಮಾಡಿ ಸುದ್ದಿಯಲ್ಲಿದ್ದರು. ಕೆಲ ಕಾಲದ ನಂತರ ಅದು ನಿರ್ದೇಶಕ ಅನುರಾಗ್ ಕಶ್ಯಪ್ ಅಲ್ಲ, ಬೇರೆ ಅನುರಾಗ್ ಎನ್ನುವುದು ತಿಳಿದುಬಂದಿತ್ತು.