ಕ್ಯಾಥೋಲಿಕರ ಧಾರ್ಮಿಕ ಮುಖ್ಯಸ್ಥ ಪೋಪ್ ಫ್ರಾನ್ಸಿಸ್ ನಿಧನರಾಗಿದ್ದಾರೆ. ಅವರಿಗೆ 88 ವರ್ಷ ವಯಸ್ಸಾಗಿತ್ತು. ಅವರು ವಿವಿಧ ವಯೋಸಹಜ ಕಾಯಿಲೆಗಳಿಂದ ಬಳಲುತ್ತಿದ್ದರು ಮತ್ತು ಕಳೆದ ಒಂದು ತಿಂಗಳ ಕಾಲ ಆಸ್ಪತ್ರೆಯಲ್ಲಿದ್ದರು. ಪೋಪ್ ಫ್ರಾನ್ಸಿಸ್ ಅವರ ಮರಣ ಕೋಟ್ಯಂತರ ಕ್ಯಾಥೊಲಿಕ್ಗಳ ಪಾಲಿನ ಪೂಜ್ಯನೀಯ ಸ್ಥಾನದ ಹುದ್ದೆಯನ್ನು ಖಾಲಿ ಮಾಡಿದೆ.
ಇನ್ನು ಪೋಪ್ ಮರಣದ ನಂತರ, ವ್ಯಾಟಿಕನ್ ಇಂಟರ್ರೆಗ್ನಮ್ ಅವಧಿಯನ್ನು ಪ್ರವೇಶಿಸುತ್ತದೆ. ಪೋಪ್ನ ಮರಣ ಮತ್ತು ಹೊಸ ನಾಯಕನ ಆಯ್ಕೆಯ ನಡುವಿನ ಸಮಯವನ್ನು ಹೀಗೆನ್ನಲಾಗುತ್ತದೆ. ಕ್ಯಾಮೆರ್ಲೆಂಗೋ (ವ್ಯಾಟಿಕನ್ನ ಆಸ್ತಿ ಮತ್ತು ಆದಾಯದ ನಿರ್ವಾಹಕರು) ಮೊದಲು ಮರಣವನ್ನು ದೃಢಪಡಿಸುತ್ತಾರೆ.
ಪೋಪ್ ಅವರ ಬ್ಯಾಪ್ಟಿಸಮ್ ಹೆಸರನ್ನು ಮೂರು ಬಾರಿ ಕರೆಯುವ ಮೂಲಕ ಇದನ್ನು ಮಾಡಲಾಗುತ್ತದೆ. ಯಾವುದೇ ಪ್ರತಿಕ್ರಿಯೆ ಇಲ್ಲದಿದ್ದರೆ, ಈ ವೇಳೆ ಪೋಪ್ ಸತ್ತಿದ್ದಾರೆ ಎಂದು ಘೋಷಿಸುತ್ತಾರೆ. ಪೋಪ್ ಮರಣದ ನಂತರ ಸಣ್ಣ ಬೆಳ್ಳಿಯ ಸುತ್ತಿಗೆಯನ್ನು ಬಳಸಿ ಅವರ ಹಣೆಗೆ ತಟ್ಟುವ ಅಭ್ಯಾಸ 1963 ರ ನಂತರ ಕೊನೆಗೊಂಡಿದೆ.
ಈ ಪ್ರಕ್ರಿಯೆಯ ಬಾಲಿಮ ವ್ಯಾಟಿಕನ್ ತನ್ನ ಅಧಿಕೃತ ಚಾನೆಲ್ ಮೂಲಕ ಪೋಪ್ ನಿಧನರಾದರು ಎಂದು ಜಗತ್ತಿಗೆ ತಿಳಿಸುತ್ತದೆ. ಆ ನಂತರ ಪಾಪಲ್ ಅಪಾರ್ಟ್ಮೆಂಟ್ ಅನ್ನು ಕ್ಯಾಮೆರ್ಲೆಂಗೋ ಲಾಕ್.
ಪೋಪ್ ಸ್ಥಿತ್ಯಂತರವನ್ನು ನಿಯಂತ್ರಿಸುವ ಯೂನಿವರ್ಸಿ ಡೊಮಿನಿಸಿ ಗ್ರೆಗಿಸ್ ಸಂವಿಧಾನದ ಪ್ರಕಾರ ಪೋಪ್ ಮರಣದ ನಂತರ 4-6 ದಿನಗಳಲ್ಲಿ ಅವರ ಅಂತ್ಯಕ್ರಿಯೆಯನ್ನು ನಡೆಸಬೇಕು. ಪೋಪ್ ಅವರು ಬೇರೆಡೆ ಸಮಾಧಿ ಮಾಡಲು ವಿನಂತಿಸದಿದ್ದರೆ ಸೇಂಟ್ ಪೀಟರ್ಸ್ ಬೆಸಿಲಿಕಾದಲ್ಲಿ ಸಮಾಧಿ ಅವರ ದೇಹವನ್ನು ಸಮಾಧಿ ಮಾಡಲಾಗುತ್ತದೆ.
