ಬೆಂಗಳೂರು : ಮಧ್ಯಪ್ರಾಚ್ಯದಲ್ಲಿ ಮುಂದುವರೆದಿರುವ ಇರಾನ್ ಹಾಗೂ ಇಸ್ರೇಲ್ ನಡುವಿನ ಯುದ್ಧದಲ್ಲಿ ಈಗಾಗಲೇ ಅಮೆರಿಕವೂ ಭಾಗಿಯಾಗಿದೆ. ಇಸ್ರೇಲ್ ಜೊತೆಯಾಗಿ ಇರಾನ್ನ ಮೇಲೆ ದಾಳಿ ನಡೆಸುವ ಸಾಹಸಕ್ಕೆ ಕೈ ಹಾಕಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ಗೆ ದೊಡ್ಡ ಪೆಟ್ಟು ಬಿದ್ದಂತಾಗಿದೆ.
ಸದ್ಯ ಇರಾನ್ ಮೇಲೆ ಹುಚ್ಚು ಸಾಹಸ ಮಾಡಿ ಯುದ್ಧ ಸಾರಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆಂತರಿಕ ಬಿಕ್ಕಟ್ಟನ್ನು ಎದುರಿಸುತ್ತಿದ್ದಾರೆ, ಇರಾನ್ ವಿರುದ್ಧದ ಯುದ್ಧದ ಬಗ್ಗೆ ಅಮೆರಿಕನ್ನರು ತಮ್ಮ ದೇಶದ ನಾಯಕನ ವಿರುದ್ಧವೇ ಆಕ್ರೀೋಶಿತಗೊಂಡಿದ್ದಾರೆ.
ಈ ಮೂಲಕ ಜಗತ್ತಿಗೆ ಶಾಂತಿಯ ಢೋಂಗಿ ನಾಟಕ ಮಾಡುವ ಟ್ರಂಪ್ಗೆ ಇದೀಗ ಭಾರಿ ಮುಖಭಂಗವಾಗಿದೆ. ಇರಾನ್ನ ಮೇಲೆ ದಾಳಿ ನಡೆಸಿರುವುದಕ್ಕೆ ಅಮೆರಿಕದಲ್ಲೇ ವಿರೋಧ ವ್ಯಕ್ತವಾಗುತ್ತಿದೆ. ತನ್ನ ತೆರಿಗೆ ನೀತಿಗಳಿಂದಲೇ ಸ್ವದೇಶದ ಕೆಂಗಣ್ಣಿಗೆ ಗುರಿಯಾಗಿರುವ ಟ್ರಂಪ್ಗೆ ಇರಾನ್ ಕೆಣಕಿ ತಪ್ಪು ಮಾಡಿಬಿಟ್ಟೆ ಎಂಬ ಭಾವನೆ ಕಾಡುತ್ತಿದೆ. ಹೀಗಾಗಿಯೇ ದಿನಕ್ಕೊಂದರಂತೆ ಹೇಳಿಕೆಗಳನ್ನು ನೀಡಿ ಜನರನ್ನು ಹಾಗೂ ಮಾಧ್ಯಮಗಳ ದಾರಿ ತಪ್ಪಿಸುವ ಕೆಲಸ ಮಾಡುತ್ತಿದ್ದಾರೆ.
ಹೀಗಾಗಿಯೇ ಈ ಮೊದಲು ಭಯೋತ್ಪಾದನೆ ಹಾಗೂ ಬೆದರಿಕೆಗಳ ಕುರಿತು ಟ್ರಂಪ್ಗೆ ಸಲಹೆ ನೀಡುತ್ತಿದ್ದ ಅಮೆರಿಕದ ರಾಷ್ಟ್ರೀಯ ಭಯೋತ್ಪಾದನಾ ನಿಗ್ರಹ ಕೇಂದ್ರದ ಮುಖ್ಯಸ್ಥ ಜೋ ಕೆಂಟ್ ಟ್ರಂಪ್ ನಡವಳಿಕೆ ಹಾಗೂ ದ್ವೇಷದ ಮನೋಭಾವಕ್ಕೆ ಬೇಸತ್ತು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ.
ಇದನ್ನೂ ಓದಿ : ಪ್ರಜ್ವಲ್ ರೇವಣ್ಣ ಅಶ್ಲೀಲ ವಿಡಿಯೋ ಪ್ರಕರಣ: ಶಾಕಿಂಗ್ ಅಂಶ ಬಯಲು
ಅಲ್ಲದೆ ಇರಾನ್ ಅಮೆರಿಕಕ್ಕೆ ಯಾವುದೇ ಬೆದರಿಕೆಯನ್ನು ಒಡ್ಡಿಲ್ಲ. ಅಮೆರಿಕ – ಇಸ್ರೇಲ್ ಒಟ್ಟಾಗಿ ಅಮೇರಿಕನ್ ಲಾಬಿಯ ಒತ್ತಡದಿಂದಾಗಿ ಈ ಯುದ್ಧವನ್ನು ಪ್ರಾರಂಭಿಸಿದೆ ಎಂದು ಕಟುವಾದ ಪದಗಳಲ್ಲಿ ಟೀಕಿಸಿದ್ದರು.
ಆದರೆ ಕೆಂಟ್ ರಾಜೀನಾಮೆಗೆ ಪ್ರತಿಕ್ರಿಯಿಸಿದ ಟ್ರಂಪ್, ಇರಾನ್ ನಮಗೆ ಬೆದರಿಕೆ ನೀಡಲ್ಲ ಎಂದು ಹೇಳಿದ್ದರಿಂದ ಅವರು ನಮ್ಮಿಂದ ಹೊರಗಿರುವುದು ಒಳ್ಳೆಯದು ಎಂದು ಉದ್ದಟತನದ ಹೇಳಿಕೆ ನೀಡಿದ್ದಲ್ಲದೆ, ಕೆಂಟ್ ಒಳ್ಳೆಯ ವ್ಯಕ್ತಿ ಆದರೆ ಅವರು ಭದ್ರತೆಯ ವಿಷಯದಲ್ಲಿ ಅವರು ತುಂಬಾ ದುರ್ಬಲರಾಗಿದ್ದಾರೆ ಎಂದು ಟೀಕಿಸಿದ್ದಾರೆ.
ಜಾಗತಿಕವಾಗಿ ಟ್ರಂಪ್ ಹುಚ್ಚಾಟಕ್ಕೆ ಅಪಾರ ಸಾವು-ನೋವುಗಳು ಸಂಭವಿಸುತ್ತಿವೆ. ಇಂಧನ, ಗ್ಯಾಸ್ ಸೇರಿದಂತೆ ದಿನನಿತ್ಯದ ಬಳಕೆ ವಸ್ತುಗಳಿಗೆ ಕೃತಕ ಅಭಾವ ತಂದೊಡ್ಡುವ ಮೂಲಕ ಜಗತ್ತಿನ ಹಲವು ದೇಶಗಳನ್ನು ಅಪಾಯಕ್ಕೆ ತಳ್ಳಲು ಯೋಜನೆ ರೂಪಿಸಿದಂತೆ ಕಾಣುತ್ತಿದೆ.
