ಇತ್ತೀಚಿಗೆ ಇಂಗ್ಲೆಂಡ್ ಟೆಸ್ಟ್ ನಾಯಕತ್ವಕ್ಕೆ ಜೋ ರೂಟ್ ರಾಜೀನಾಮೆ ನೀಡಿದ ಬೆನ್ನಲ್ಲೇ ನೂತನ ಟೆಸ್ಟ್ ಸಾರಥಿ ಹುಡುಕಾಟದಲ್ಲಿದ ಇಂಗ್ಲೆಂಡ್ ಹಾಗೂ ವೇಲ್ಸ್ ಕ್ರಿಕೆಟ್ ಮಂಡಳಿ ಆಲ್ರೌಂಡರ್ ಬೆನ್ ಸ್ಟೋಕ್ಸ್ರನ್ನು ನೂತನ ನಾಯಕನಾಗಿ ಘೋಷಿಸಿದೆ.
ADVERTISEMENT
ಈ ಕುರಿತು ಮಾತನಾಡಿರುವ ಬೆನ್ ಸ್ಟೋಕ್ಸ್, ಇಂಗ್ಲೆಂಡ್ ಟೆಸ್ಟ್ ತಂಡವನ್ನು ಮುನ್ನಡೆಸುವ ಅವಕಾಶವನ್ನು ನೀಡಿರುವುದು ನನಗೆ ತುಂಬಾ ಖುಷಿಯಾಗಿದೆ ಮತ್ತು ಈ ಬೇಸಿಗೆಯನ್ನು ಪ್ರಾರಂಭಿಸಲು ಉತ್ಸುಕನಾಗಿದ್ದೇನೆ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.
ಮುಂದುವರೆದು ನಾನು ಜೋ ರೂಟ್ರವರಿಗೆ ನನ್ನ ಅಭಿನಂದನೆಯನ್ನ ಸಲ್ಲಿಸುತ್ತೇನೆ ಅವರು ಕ್ರಿಕೆಟ್ಗಾಗಿ ಎಲ್ಲವನ್ನು ಮಾಡಿದ್ದಾರೆ ಕ್ರಿಕೆಟ್ಗೆ ಅವರು ಒಂದು ದೊಡ್ಡ ರಾಯಭಾರಿ ಎಂದು ಹೇಳಿದ್ದಾರೆ.
ನಾಯಕನಾದ ನಂತರ ಸ್ಟೋಕ್ಸ್ ತಮ್ಮ ತವರು ರಾಷ್ಟ್ರವಾದ ನ್ಯೂಜಿಲೆಂಡ್ ವಿರುದ್ದದ 3 ಟೆಸ್ಟ್ ಪಂದ್ಯಗಳಲ್ಲಿ ತಂಡವನ್ನು ಮುನ್ನಡೆಸಲಿದ್ದಾರೆ.
