ಭಾರತದ ಚಿನ್ನದ ಹುಡುಗ ಅಂತಲೇ ಖ್ಯಾತರಾಗಿದ್ದ ಸ್ಟಾರ್ ಜಾವೆಲಿನ್ ಎಸೆತಗಾರ ನೀರಜ್ ಚೋಪ್ರಾ ಅವರು ಏಷ್ಯನ್ ಗೇಮ್ಸ್ 2023ರ ಜಾವೆಲಿನ್ ಎಸೆತ ಸ್ಪರ್ಧೆಯಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ.
ನೀರಜ್ ಚೋಪ್ರಾ 88.88 ರ ಬೃಹತ್ ಎಸೆತದೊಂದಿಗೆ ಚಿನ್ನದ ಪದಕವನ್ನು ಗೆದ್ದರು, ಇದು ಅವರ ಎರಡನೇ ಏಷ್ಯನ್ ಗೇಮ್ಸ್ ಚಿನ್ನದ ಪದಕವಾಗಿದೆ. ಇದರೊಂದಿಗೆ ಭಾರತದ ಪದಕಗಳ ಸಂಖ್ಯೆ 81ಕ್ಕೆ ತಲುಪಿದೆ.
ಜ್ಯಾವೆಲಿನ್ ಥ್ರೋನಲ್ಲಿ ಚೀನಾ ಅಧಿಕಾರಿಗಳಿಂದ ನೀರಜ್, ಕಿಶೋರ್ ಗೆ ಮೋಸ
ಮೊದಲು ನೀರಜ್ ಚೋಪ್ರಾ ಮೊದಲ ಎಸೆತವನ್ನು ಅಧಿಕಾರಿಗಳು ಸರಿಯಾಗಿ ಗುರುತಿಸದೇ ತಾಂತ್ರಿಕ ವೈಫಲ್ಯದ ಕಾರಣ ನೀಡಿ ಮತ್ತೊಮ್ಮೆ ಥ್ರೋ ಮಾಡಲು ಸೂಚಿಸಲಾಯಿತು.
ಮೊದಲ ಎಸೆತದಲ್ಲಿ ನೀರಜ್ 85 ಮೀ. ಗೂ ಅಧಿಕ ದೂರ ಎಸೆದಿದ್ದರು. ಆದರೆ ಇದು ಪರಿಗಣಿತವಾಗಲೇ ಇಲ್ಲ. ಹಾಗಿದ್ದರೂ ನೀರಜ್ ಮೊದಲ ಸ್ಥಾನ ಕಾಯ್ದುಕೊಂಡಿದ್ದರು.
ಇನ್ನು, ಭಾರತದ ಮತ್ತೊಬ್ಬ ಸ್ಪರ್ಧಿ ಕಿಶೋರ್ ಕೂಡಾ ಸ್ಪರ್ಧಾ ಕಣದಲ್ಲಿದ್ದರು. ಅವರು ಎರಡನೇ ಸ್ಥಾನವನ್ನು ಕಾಯ್ದುಕೊಂಡಿದ್ದರು. ಆದರೆ ಕಿಶೋರ್ ಎರಡನೇ ಎಸೆತವನ್ನು ಸುಖಾ ಸುಮ್ಮನೇ ಫೌಲ್ ಎಂದು ಘೋಷಿಸಲಾಯಿತು.
ಇದನ್ನು ಗುರುತಿಸಿದ್ದ ನೀರಜ್ ಚೋಪ್ರಾ ಕಿಶೋರ್ ಪರವಾಗಿ ಅಧಿಕಾರಿಗಳೊಂದಿಗೆ ಮಾತನಾಡಿ ತೀರ್ಪು ಮರುಪರಿಶೀಲಿಸಲು ಸೂಚಿಸಿದರು. ರಿಪ್ಲೈ ನೋಡಿದ ನಂತರ ಫೌಲ್ ಹಿಂಪಡೆಯಲಾಯಿತು. ಈ ಎರಡೂ ಘಟನೆಗಳು ಇಂದು ನಡೆದವು.
2018ರಲ್ಲಿ ಜಕಾರ್ತಾದಲ್ಲಿ ನಡೆದ ಕಾಂಟಿನೆಂಟಲ್ ಟೂರ್ನಮೆಂಟ್ನ 18ನೇ ಆವೃತ್ತಿಯಲ್ಲಿ ನೀರಜ್ ಚಿನ್ನದ ಪದಕ ಗೆದ್ದಿದ್ದರು.
