ನವದೆಹಲಿ:ದೇಶಾದ್ಯಂತ ರಾಷ್ಟ್ರೀಯ ಕ್ರೀಡಾ ದಿನವನ್ನಾಗಿ ಆಚರಿಸಲಾಗುತ್ತಿದೆ.ಈ ವೇಳೆ ರಾಹುಲ್ ಗಾಂಧಿ ಅವರು ಭಾರತ್ ಜೋಡೋ ಯಾತ್ರಾ ಸಮಯದಲ್ಲಿ ಎಕ್ಸ್’ನಲ್ಲಿ ವೀಡಿಯೊವನ್ನ ಹಂಚಿಕೊಂಡಿದ್ದಾರೆ.ಅದರಲ್ಲಿ, ಅವರು ಜಿಯು-ಜಿಟ್ಸು ಸಮರ ಕಲೆಗಳನ್ನ ಮಾಡುತ್ತಿರುವುದನ್ನ ಕಾಣಬಹುದು.
ಭಾರತ್ ಜೋಡೋ ಯಾತ್ರೆಯ ಸಮಯದಲ್ಲಿ, ಅವರು ಪ್ರತಿದಿನ ಜಿಯು-ಜಿಟ್ಸು ಅಭ್ಯಾಸ ಮಾಡುತ್ತಿದ್ದರು ಇದರಲ್ಲಿ ಇನ್ನೂ ಅನೇಕ ಜನರು ಅವರೊಂದಿಗೆ ಸೇರುತ್ತಿದ್ದರು ಎಂದು ಅವರು ವೀಡಿಯೊದ ಶೀರ್ಷಿಕೆಯಲ್ಲಿ ತಿಳಿಸಿದ್ದಾರೆ. ಈಗ ಅವರು ‘ಭಾರತ್ ಡೋಜೊ ಯಾತ್ರೆ’ ಪ್ರಾರಂಭಿಸಲಿದ್ದಾರೆ ಎಂದು ಅವರು ಹೇಳಿದರು.
ಈ ವಿಡಿಯೋವನ್ನ ಹಂಚಿಕೊಂಡಿರುವ ರಾಹುಲ್ ಗಾಂಧಿ, “ಭಾರತ್ ಜೋಡೋ ನ್ಯಾಯ್ ಯಾತ್ರೆಯ ಸಮಯದಲ್ಲಿ, ನಾವು ಸಾವಿರಾರು ಕಿಲೋಮೀಟರ್ ಪ್ರಯಾಣಿಸಿದಾಗ, ನಮ್ಮ ಕ್ಯಾಂಪ್ಸೈಟ್’ನಲ್ಲಿ ನಮ್ಮ ದಿನಚರಿ ಏನೆಂದರೆ, ನಾವು ಪ್ರತಿದಿನ ಸಂಜೆ ಜಿಯು-ಜಿಟ್ಸುವನ್ನ ಅಭ್ಯಾಸ ಮಾಡುತ್ತಿದ್ದೆವು, ಸದೃಢವಾಗಿರಲು ಬಹಳ ಸರಳ ಮಾರ್ಗದಿಂದ ಪ್ರಾರಂಭವಾದ ಇದು ಶೀಘ್ರವಾಗಿ ಸಮುದಾಯ ಚಟುವಟಿಕೆಯಾಗಿ ಮಾರ್ಪಟ್ಟಿತು. ಇದು ನಾವು ಉಳಿದುಕೊಂಡ ನಗರಗಳ ಸಹ ಪ್ರಯಾಣಿಕರು ಮತ್ತು ಯುವ ಸಮರ ಕಲೆಗಳ ವಿದ್ಯಾರ್ಥಿಗಳನ್ನ ಒಟ್ಟು ಗೂಡಿಸಿತು” ಎಂದಿದ್ದಾರೆ.
During the Bharat Jodo Nyay Yatra, as we journeyed across thousands of kilometers, we had a daily routine of practicing jiu-jitsu every evening at our campsite. What began as a simple way to stay fit quickly evolved into a community activity, bringing together fellow yatris and… pic.twitter.com/Zvmw78ShDX
— Rahul Gandhi (@RahulGandhi) August 29, 2024
ಈ ರಾಷ್ಟ್ರೀಯ ಕ್ರೀಡಾ ದಿನದಂದು, ನಾನು ನಿಮ್ಮೆಲ್ಲರೊಂದಿಗೆ ನನ್ನ ಅನುಭವವನ್ನು ಹಂಚಿಕೊಳ್ಳಲು ಬಯಸುತ್ತೇನೆ, ನಿಮ್ಮಲ್ಲಿ ಕೆಲವರು ‘ಜೆಂಟಲ್ ಆರ್ಟ್’ ಅಭ್ಯಾಸ ಮಾಡಲು ಸ್ಫೂರ್ತಿ ಪಡೆಯಬಹುದು ಎಂದು ಭಾವಿಸುತ್ತೇನೆ. ಕೊನೆಯಲ್ಲಿ, ಅವರು ಒಂದು ಸಾಲಿನಲ್ಲಿ “ಇಂಡಿಯಾ ಡೋಜೊ ಯಾತ್ರಾ ಶೀಘ್ರದಲ್ಲೇ ಆರಂಭವಾಗಲಿದೆ” ಎಂದು ಬರೆದಿದ್ದಾರೆ.
