ಯುಎಸ್ ಅಧ್ಯಕ್ಷ ಜೋ ಬಿಡನ್ ಯುದ್ಧದಿಂದ ಹಾನಿಗೊಳಗಾದ ಅಫ್ಘಾನಿಸ್ತಾನಕ್ಕೆ ಸಂಬಂಧಿಸಿದಂತೆ ದೇಶದ ಕ್ರಮಗಳ ಬಗ್ಗೆ ಹೊಸ ನೀತಿಗಳನ್ನು ಪ್ರಕಟಿಸಲಿದ್ದಾರೆ ಎಂದು ಶ್ವೇತಭವನ ಪ್ರಕಟಿಸಿದೆ. ಇಂದು ನಡೆಯಲಿರುವ ನಿರ್ಣಾಯಕ ಸಭೆಯ ನಂತರ ವಿವರಗಳನ್ನು ನೀಡಲಾಗುವುದು ಎಂದು ಶ್ವೇತಭವನ ತಿಳಿಸಿದೆ.
ಎರಡು ದಶಕಗಳ ಕಾಲದ ಮಿಲಿಟರಿ ಕಾರ್ಯಾಚರಣೆಯ ನಂತರ, ಮಂಗಳವಾರ ಯುಎಸ್ ಮಿಲಿಟರಿಯು ಶೇಕಡಾ 90 ರಷ್ಟು ಅಮೆರಿಕನ್ ಪಡೆಗಳು ಮತ್ತು ಮಿಲಿಟರಿ ಸಲಕರಣೆಗಳು ಈಗಾಗಲೇ ದೇಶವನ್ನು ತೊರೆದಿದೆ ಮತ್ತು ಆಗಸ್ಟ್ ಅಂತ್ಯದ ವೇಳೆಗೆ ಡ್ರಾಡೌನ್ ಮುಗಿಯಲಿದೆ ಎಂದು ಘೋಷಿಸಿತ್ತು. ಕಳೆದ ವಾರ, ಯುಎಸ್ ಅಧಿಕಾರಿಗಳು ದೇಶದ ಅತಿದೊಡ್ಡ ವಾಯುನೆಲೆಯಾದ ಬಾಗ್ರಾಮ್ ಏರ್ ಬೇಸ್ ಅನ್ನು ಖಾಲಿಮಾಡಿದಗದರು. ಅಮೆರಿಕದ ಮೇಲೆ 9/11 ನಡೆಸಿದ ಭಯೋತ್ಪಾದಕ ದಾಳಿಯ ರೂವಾರಿಯಾದ ಅಲ್-ಖೈದಾ ದುಷ್ಕರ್ಮಿಗಳನ್ನು ಬೇಟೆಯಾಡಲು ಈ ವಾಯುನೆಲೆಯನ್ನು ಅಮೆರಿಕನ್ ಮಿಲಿಟರಿ ಯುದ್ಧದ ಕೇಂದ್ರಬಿಂದುವಾಗಿಸಿಕೊಂಡಿತ್ತು.
ಈ ಅಫ್ಘಾನಿಸ್ತಾನವು ವೇಗವಾಗಿ ಅಂತರ್ಯುದ್ಧಕ್ಕೆ ತುತ್ತಾಗುವ ಸ್ಥಿತಿ ಕಂಡು ಬರುತ್ತಿದೆ. ಇತ್ತೀಚಿನ ವಾರಗಳಲ್ಲಿ, ದಂಗೆಕೋರರು ಅಫ್ಘಾನಿಸ್ತಾನದ ಸುಮಾರು ಮೂರನೇ ಒಂದು ಭಾಗದಷ್ಟು ಗ್ರಾಮೀಣ ಜಿಲ್ಲೆಗಳನ್ನು ವಶಪಡಿಸಿಕೊಂಡಿದ್ದಾರೆ ಮತ್ತು ಹಲವಾರು ಪ್ರಾಂತೀಯ ರಾಜಧಾನಿಗಳನ್ನು ಮುತ್ತಿಗೆ ಹಾಕಿದ್ದಾರೆ. ತಾಲಿಬಾನ್ ಪ್ರಗತಿಯ ಹಿನ್ನೆಲೆಯಲ್ಲಿ ನೂರಾರು ಅಫಘಾನ್ ಭದ್ರತಾ ಪಡೆ ಸದಸ್ಯರು ನೆರೆಯ ತಜಕಿಸ್ತಾನಕ್ಕೆ ಪಲಾಯನ ಮಾಡಿದ್ದಾರೆ.
2,500-3,500 ಯುಎಸ್ ಸೈನಿಕರು ಮತ್ತು 7,000 ಮಿತ್ರರಾಷ್ಟ್ರ ನ್ಯಾಟೋ ಸೈನಿಕರು ಅಫ್ಘಾನಿಸ್ತಾನದಿಂದ ನಿರ್ಗಮಿಸುವುದಾಗಿ ಬಿಡೆನ್ ಏಪ್ರಿಲ್ನಲ್ಲಿ ಘೋಷಿಸಿದ ನಂತರ ತಾಲಿಬಾನ್ ಪ್ರಾದೇಶಿಕ ಗೆಲುವು ಸಾಧಿಸಿದೆ. ಉತ್ತರ ಮತ್ತು ದಕ್ಷಿಣ ಅಫ್ಘಾನಿಸ್ತಾನದಲ್ಲಿ ತಮ್ಮ ವಿಜಯಗಳೊಂದಿಗೆ, ತಾಲಿಬಾನ್ ಪ್ರಾಂತೀಯ ನಗರಗಳ ಮೇಲೆ ತಮ್ಮ ಹಿಡಿತವನ್ನು ಹೆಚ್ಚಿಸುತ್ತಿದೆ ಮತ್ತು ಪ್ರಮುಖ ಸಾರಿಗೆ ಮಾರ್ಗಗಳ ಮೇಲೆ ಹಿಡಿತ ಸಾಧಿಸುತ್ತಿದೆ.
ಇತ್ತೀಚೆಗೆ ದೇಶದ ಉತ್ತರದ ಅನೇಕ ಜಿಲ್ಲೆಗಳನ್ನು ವಶಪಡಿಸಿಕೊಂಡ ತಾಲಿಬಾನ್ ವಶಪಡಿಸಿಕೊಂಡಿದೆ. ದಂಗೆಕೋರರು ಪ್ರಾಂತೀಯ ರಾಜಧಾನಿ ಖಲಾ-ಎ-ನಾವ್ ಮೇಲೆ ಹಲವಾರು ಕಡೆಯಿಂದ ದಾಳಿ ನಡೆಸಿದ್ದರು. ಆದರೆ ಅಲ್ಲಿನ ಗವರ್ನರ್ ಹಸಾಮುದ್ದೀನ್ ಶಮ್ಸ್, ಅಫ್ಘಾನ್ ಪಡೆಗಳು ಇಲ್ಲಿಯವರೆಗೆ ತಾಲಿಬಾನ್ ಹೋರಾಟಗಾರರನ್ನು ಹಿಂದಕ್ಕೆ ತಳ್ಳುವಲ್ಲಿ ಯಶಸ್ವಿಯಾಗಿದೆ ಎಂದು ಹೇಳಿದ್ದಾರೆ.
ಬುಧವಾರ ಮುಂಜಾನೆ, ಪ್ರಾಂತೀಯ ಪೊಲೀಸ್ ಪ್ರಧಾನ ಕಚೇರಿ ಮತ್ತು ಖಲಾ-ಎ-ನಾವ್ ಸೇನಾ ನೆಲೆಯ ಬಳಿ ದಾಳಿ ನಡೆದಿದೆ ಎಂದು ಬದ್ಗಿಸ್ನ ಪ್ರಾಂತೀಯ ಮಂಡಳಿಯ ಮುಖ್ಯಸ್ಥ ಅಬ್ದುಲ್ ಅಜೀಜ್ ಬೆಗ್ ಹೇಳಿದ್ದಾರೆ. ಸಾಮಾಜಿಕ ಮಾಧ್ಯಮಗಳಲ್ಲಿ ವ್ಯಾಪಕವಾಗಿ ಪ್ರಸಾರವಾದ ವೀಡಿಯೊಗಳು ತಾಲಿಬಾನ್ ಹೋರಾಟಗಾರರು ಮೋಟಾರ್ ಸೈಕಲ್ಗಳಲ್ಲಿ ಪ್ರಾಂತೀಯ ರಾಜಧಾನಿಗೆ ವೇಗವಾಗಿ ಚಲಿಸುತ್ತಿರುವುದನ್ನು ತೋರಿಸುತ್ತವೆ. ಇತರ ತುಣುಕುಗಳು ದಂಗೆಕೋರರು ನಗರದ ಕಾರಾಗೃಹವನ್ನು ಸಮೀಪಿಸುತ್ತಿರುವುದನ್ನು ಮತ್ತು ಕೈದಿಗಳನ್ನು ಬಿಡುಗಡೆ ಮಾಡುವುದನ್ನು ತೋರಿಸುತ್ತವೆ. ಆದರೆ ಫೂಟೇಜ್ನ ಸತ್ಯಾಸತ್ಯತೆಯನ್ನು ಅಸೋಸಿಯೇಟೆಡ್ ಪ್ರೆಸ್ಗೆ ಸ್ವತಂತ್ರವಾಗಿ ಪರಿಶೀಲಿಸಲು ಸಾಧ್ಯವಾಗಲಿಲ್ಲ. ಹಾಗಾಗಿ ಫೊಟೇಜ್ನ ಸತ್ಯಾಸತ್ಯತೆಯ ಬಗ್ಗೆ ಇನ್ನೂ ಊಹಾಪೋಹಗಳಿವೆ.
ಅಫ್ಘಾನ್ ರಕ್ಷಣಾ ಸಚಿವರ ಉಪ ವಕ್ತಾರ ಫವಾದ್ ಅಮನ್ ಅವರು ತಾಲಿಬಾನ್ ಪಡೆಯು ಭಾರೀ ಸಾವುನೋವುಗಳನ್ನು ಅನುಭವಿಸಿದೆ ಮತ್ತು ಭದ್ರತಾ ಪಡೆಗಳು ಮುಂದಿನ ಕೆಲವೇ ಗಂಟೆಗಳಲ್ಲಿ ನಗರವನ್ನು ತೆರವುಗೊಳಿಸುವುದಾಗಿ ಭರವಸೆ ನೀಡಿದ್ದಾರೆ. ಖಲಾ-ಎ-ನಾವ್ನಲ್ಲಿ ನಡೆದ ಹಿಂಸಾಚಾರದ ಬಗ್ಗೆ ತಾಲಿಬಾನ್ ಸಾರ್ವಜನಿಕವಾಗಿ ಯಾವುದೇ ರೀತಿಯಲ್ಲಿ ಪ್ರತಿಕ್ರಿಯಿಸಿಲ್ಲ.
