ಐಪಿಎಲ್ 2025 ರ (ipl 2025) ಕ್ವಾಲಿಫೈಯರ್ 1 ರಲ್ಲಿ (Qualifier 1) ಪಂಜಾಬ್ ಕಿಂಗ್ಸ್ ವಿರುದ್ಧದ ಅದ್ಭುತ ಗೆಲುವಿನ ನಂತರ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (Royal challengers) ಐಪಿಎಲ್ 2025 ರ ಫೈನಲ್ಗೆ ಲಗ್ಗೆ ಇಟ್ಟಿದೆ. ಸಾಮಾನ್ಯವಾಗಿ ಈ ನಾಕೌಟ್ ಪಂದ್ಯವನ್ನು ಗೆಲ್ಲುವ ತಂಡವೇ ಕಪ್ ಗೆಲ್ಲುವ ವಾಡಿಕೆಯಿದೆ.ಹೀಗಾಗಿ ಆರ್ಸಿಬಿ ತಂಡ (RCB) ತಮ್ಮ ಮೊದಲ ಐಪಿಎಲ್ ಕಪ್ (ipl) ಪಡೆಯಲು ಮುಂದಾಗಿದೆ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತಂಡ IPL 2025 ರ ಫೈನಲ್ ತಲುಪಿದ್ದು, ಟೂರ್ನಿಯ ನಿರ್ಣಾಯಕ ಪಂದ್ಯದಲ್ಲಿ ನಾಲ್ಕನೇ ಬಾರಿಗೆ ಕಾಣಿಸಿಕೊಂಡಿದೆ. ಲೀಗ್ ಹಂತ ಮತ್ತು ಪ್ಲೇಆಫ್ಗಳಲ್ಲಿ ಕೇವಲ ನಾಲ್ಕು ಪಂದ್ಯಗಳನ್ನು ಮಾತ್ರ ಸೋತಿರುವ ಆರ್.ಸಿ.ಬಿ ಕ್ವಾಲಿಫೈಯರ್ 1 ರಲ್ಲಿ ಪಂಜಾಬ್ ಕಿಂಗ್ಸ್ ಅನ್ನು ಅನಾಯಾಸವಾಗಿ ಸೋಲಿಸುವ ಮೂಲಕ ಫೈನಲ್ಗೆ ತನ್ನ ಸ್ಥಾನವನ್ನು ಭದ್ರಪಡಿಸಿಕೊಂಡಿತು. RCB ತಂಡ ಪಂಜಾಬ್ ಕಿಂಗ್ಸ್ ಅನ್ನು ಕೇವಲ 101 ರನ್ಗಳಿಗೆ ಆಲೌಟ್ ಮಾಡಿ, ತಮ್ಮ ಮೊದಲ ಐಪಿಎಲ್ ಪ್ರಶಸ್ತಿಯನ್ನು ಗೆಲ್ಲುವ ದೃಢಸಂಕಲ್ಪವನ್ನು ಪ್ರದರ್ಶಿಸಿದೆ.
ಬೆಂಗಳೂರು ತಂಡ ಈ ಹಿಂದೆ ಎರಡು ಬಾರಿ ಐಪಿಎಲ್ ಫೈನಲ್ಗೆ ತಲುಪಿದ್ದು, 2009, 2011 ಮತ್ತು 2016 ರಲ್ಲಿ ರನ್ನರ್-ಅಪ್ ಆಗಿ ಕೊನೆಗೊಂಡಿದೆ. ಆದಾಗ್ಯೂ, ಈ ಸೀಸನ್ ನಲ್ಲಿ ತಂಡದ ಪ್ರದರ್ಶನ, ಪಾಯಿಂಟ್ಗಳ ಪಟ್ಟಿಯಲ್ಲಿ ಮೊದಲ ಎರಡು ಸ್ಥಾನಗಳಲ್ಲಿ ಸ್ಥಾನ ಪಡೆದಿದ್ದು ಗಮನ ಸೆಳೆಯುವಂತೆ ಮಾಡಿದೆ. ಕಳೆದ 14 ಐಪಿಎಲ್ ಚಾಂಪಿಯನ್ಗಳಲ್ಲಿ 11 ತಂಡಗಳು ಕ್ವಾಲಿಫೈಯರ್ 1 ಅನ್ನು ಗೆದ್ದ ತಂಡಗಳಾಗಿವೆ.
ಹೀಗಾಗಿ ಈ ಬಾರಿಯ ಐಪಿಎಲ್ ಕಪ್ ಮುಡಿಗೇರಿಸಿಕೊಳ್ಳಲೇ ಬೇಕು ಎಂಬ ತವಕದಲ್ಲಿ ಆರ್.ಸಿ.ಬಿ ಆಟಗಾರರು ಮತ್ತು ದೊಡ್ಡ ಅಭಿಮಾನಿ ಬಳಗ ಕಾತುರದಿಂದ ಕಾದು ಕುಳಿತಿದ್ದು, ಈಗಾಗಲೇ ಬಲಿಷ್ಠ ತಂಡ ಹೊಂದಿರುವ ರಾಯಲ್ ಚಾಲೆಂಜರ್ಸ್ ನೆಟ್ಸ್ ನಲ್ಲಿ ಬೆವರಿಳಿಸುತ್ತಿದ್ದು, ಫೈನಲ್ ಗೆಲ್ಲುವ ಕಾರ್ಯತಂತ್ರ ರೂಪಿಸಲು ಮುಂದಾಗಿದೆ.
