ಕೂದಲ ಆರೋಗ್ಯವನ್ನು ಕಾಪಾಡಿಕೊಳ್ಳಲು ವಾರಕ್ಕೆ ಎರಡರಿಂದ ಮೂರು ಬಾರಿ ಎಣ್ಣೆಯನ್ನು ಹಚ್ಚುತ್ತೇವೆ.ಇನ್ನು ತುಂಬಾ ಜನಕ್ಕೆ ಬಿಳಿ ಕೂದಲಿನ ಸಮಸ್ಯೆ ಕಾಡುತ್ತಿದೆ. ಈ ಸಮಸ್ಯೆಯಿಂದ ಹೊರಬರಲು ಹಾಗೂ ನಿಮ್ಮ ಕಪ್ಪು ಕೂದಲು ಬಿಳಿಯಾಗದೆ ಇರಲು, ನೀವು ಕೂದಲಿಗೆ ಹಚ್ಚುವ ಎಣ್ಣೆಯ ಜೊತೆಗೆ ಈ ಪದಾರ್ಥಗಳನ್ನ ಮಿಕ್ಸ್ ಮಾಡಿ ಬಳಸಿ.
ನೆಲ್ಲಿಕಾಯಿ
ನೆಲ್ಲಿಕಾಯಿಯಲ್ಲಿ ಆಂಟಿಆಕ್ಸಿಡೆಂಟ್ ಹಾಗೂ ವಿಟಮಿನ್ ಅಂಶ ಹೆಚ್ಚಿರುತ್ತದೆ ಇದು ನಿಮ್ಮ ಕೂದಲನ್ನು ಕಪ್ಪಾಗಿಸುತ್ತದೆ ಮಾತ್ರವಲ್ಲದೆ, ದಟ್ಟ ಹಾಗೂ ಉದ್ದವಾದ ಕೂದಲು ನಿಮ್ಮದಾಗುತ್ತದೆ.
ಮೆಹಂದಿ ಪುಡಿ
ಮೆಹಂದಿ ಪುಡಿ ನಿಮ್ಮೆಲ್ಲರಿಗೂ ಗೊತ್ತಿರುವ ಹಾಗೆ ನಿಮ್ಮ ಬಿಳಿಕೂದಲನ್ನ ಕಪ್ಪಾಗಿಸುವುದಕ್ಕೆ ತುಂಬಾನೇ ಸಹಾಯಕಾರಿ. ಅದರಲ್ಲೂ ಮೆಹಂದಿ ಎಲೆಗಳನ್ನು ತಂದು ಒಣಗಿಸಿ ಪುಡಿಮಾಡಿ ಬಳಸುವುದು ಉತ್ತಮ.
ದಾಲ್ಚಿನ್ನಿ ಪುಡಿ
ದಾಲ್ಚಿನ್ನಿ ನೈಸರ್ಗಿಕ ತಾಪಮಾನ ಏರಿಕೆಯ ಗುಣಗಳನ್ನು ಹೊಂದಿದೇ ಹಾಗೂ ಅದು ನೆತ್ತಿಗೆ ರಕ್ತದ ಹರಿವನ್ನು ಉತ್ತೇಜಿಸಲು ಮತ್ತು ಕೂದಲಿನ ಬೆಳವಣಿಗೆಯನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ.ಇದರಿಂದ ಕೂದಲು ಕೂಡ ಕಪ್ಪಾಗುತ್ತದೆ.
ಮೆಂತ್ಯ ಪುಡಿ
ಮೆಂತ್ಯ ಒಣಗಿಸಿ ಪುಡಿ ಮಾಡಿ, ನಂತರ ನೀವು ಬಳಸುವ ಎಣ್ಣೆಯೊಂದಿಗೆ ಬೆರೆಸಿ ಪ್ರತಿದಿನ ಹಚ್ಚಿ.ಇದರಿಂದ ಕೂದಲು ಕಪ್ಪಾಗುತ್ತದೆ ಕಾರಣ ಆಂಟಿ ಆಕ್ಸಿಡೆಂಟ್ ಹಾಗೂ ವಿಟಮಿನ್ ಅಂಶ ಮೆಂತೆಯಲ್ಲಿ ಹೆಚ್ಚಿರುತ್ತದೆ.
ಮಾಡುವ ವಿಧಾನ
- ಆಯ್ಕೆ ಮಾಡಿದ ನೆಲ್ಲಿಕಾಯಿ,ಮೆಂತ್ಯ,ದಾಲ್ಚಿನಿ ಹಾಗು ಮೆಹಂದಿ ಪುಡಿಯನ್ನು ೧-೨ ಚಮಚ ದಷ್ಟು ನೀವು ಬಳಸುವಂತ ಕೊಬ್ಬರಿ ಎಣ್ಣೆ ಜೊತೆ ಮಿಶ್ರಣ ಮಾಡಿ.ಚೆನ್ನಾಗಿ ಕುದಿಸಿ
- ಮಿಶ್ರಣವನ್ನು ಕೂದಲಿಗೆ ಹಚ್ಚಿ, ಬೇರುಗಳು ಮತ್ತು ಇಡಿ ಕೂದಲಿಗೆ ಹಚ್ಚಿ ಚೆನ್ನಾಗಿ ಮಸಾಜ್ ಮಾಡಿ ೩೦ ನಿಮಿಷಗಳ ಕಾಲ ಹಾಗೆ ಬಿಡಿ..
- ಹೀಗೆ ವಾರಕ್ಕೆ 2 ರಿಂದ 3 ಬಾರಿ ಈ ಎಣ್ಣೆಯನ್ನು ತಲೆಗೆ ಹಚ್ಚುವುದರಿಂದ ಬಿಳಿ ಕೂದಲು ಕಪ್ಪಾಗುವುದಲ್ಲದೆ, ದಟ್ಟವಾದ ಉದ್ದವಾದ ಕೂದಲು ನಿಮ್ಮದಾಗುತ್ತದೆ, ಹಾಗೂ ಕಪ್ಪು ಕೂದಲು ಬಿಳಿಯಾಗುವುದಿಲ್ಲ.
