ಜಗತ್ತಿನ ಮೊಬೈಲ್ ಕಂಪನಿ ದೈತ್ಯ ಕಂಪನಿ ಆಪಲ್ ಐಫೋನ್ ಪ್ರೊ ಮಾಡೆಲ್ ಗಳನ್ನು ಮತ್ತಷ್ಟು ಅಭಿವೃದ್ಧಿಪಡಿಸಿದ ಐಫೋನ್ 14 ಪ್ರೊ, ಐಫೋನ್ 14 ಪ್ರೊ ಮ್ಯಾಕ್ಸ್ ಗಳನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ.
ಐಫೋನ್ 14 ಪ್ರೊ ಮಾಡೆಲ್ ಗಳಲ್ಲಿ ಬದಲಾವಣೆ ಮಾಡಿರುವುದು ಮಾತ್ರವಲ್ಲ, ಐಫೋನ್ 13 ಪ್ರೊದ ತಂತ್ರಜ್ಞಾನದಲ್ಲೂ ಕೆಲವೊಂದು ಬದಲಾವಣೆ ಮಾಡಿದೆ. ಈ ಮೂಲಕ ಆಪಲ್ ಐಫೋನ್ ಪ್ರೊ ಸರಣಿಯನ್ನು ಡೈನಾಮಿಕ್ ಐಲ್ಯಾಂಡ್ ಎಂದು ಹೆಸರು ನೀಡಿದೆ.
ಐಫೋನ್ 14 ಪ್ರೊ ಆರಂಭಿಕ ದರ 1,29,900 ರೂ. ಮತ್ತು ಐಫೋನ್ 14 ಪ್ರೊ ಮ್ಯಾಕ್ಸ್ ಆರಂಭಿಕ ಬೆಲೆ 1,39,900 ರೂ.ಗಳಾಗಿವೆ. ಈ ಐಫೋನ್ ಗಳಲ್ಲಿ 48 ಮೆಗಾ ಪಿಕ್ಸೆಲ್ ಪ್ರೈಮರಿ ಕ್ಯಾಮರಾ, ಎ16 ಬಯೊಪಿಕ್ ಚಿಪ್ ಹೊಂದಿದ್ದು, ಇದು ಸ್ಯಾಟಲೈಟ್ ಸಂಪರ್ಕ ಕೂಡ ಹೊಂದಿರುವುದು ಇದರ ವಿಶೇಷವಾಗಿದೆ.
ಐಫೋನ್ 14 ಪ್ರೊ ಮತ್ತು ಐಫೋನ್ 14 ಪ್ರೊ ಮ್ಯಾಕ್ಸ್
ವಿನ್ಯಾಸ: ಐಫೋನ್ 14 ಪ್ರೊ ಮತ್ತು ಐಫೋನ್ 14 ಪ್ರೊ ಮ್ಯಾಕ್ಸ್ ಸರಣಿಯ ಮೊಬೈಲ್ ಗಳ ವಿನ್ಯಾಸದಲ್ಲಿ ಸಾಕಷ್ಟು ಬದಲಾವಣೆ ಮಾಡಲಾಗಿದ್ದು, ಮತ್ತಷ್ಟು ಆಕರ್ಷಣೀಯವಾಗಿದೆ. ಪಿಲ್ ಆಕಾರದಲ್ಲಿ ವಿನ್ಯಾಸಗೊಳಿಸಲಾಗಿದೆ. ಅಪರೂಪದ ಪ್ಯಾನೆಲ್ ಡಿಸೈನ್ ಮಾಡಲಾಗಿದೆ. ಐಪ್ರೊದಲ್ಲಿ ಮೂರು ಕ್ಯಾಮರಾ ಸಾಧಾರಣವಾಗಿ ಇರುತ್ತದೆ. ಆದರೆ ಈ ಬಾರಿ ಅತ್ಯಾಧುನಿಕ ಸೆನ್ಸಾರ್ ಕೂಡ ಅಳವಡಿಸಲಾಗಿದೆ.
ಡಿಸ್ ಪ್ಲೆ:
6.1 ಇಂಚು ಲಿಕ್ವಿಡ್ ರೆಟಿನಾ ಡಿಸ್ ಪ್ಲೆ ಹೊಂದಿದ್ದು, ಐ ಫೋನ್ 14 ಪ್ರೊದಲ್ಲಿ 6.7 ಇಂಚಿನ ಸ್ಕ್ರೀನ್ ಇದೆ. 1600 ನಿಟ್ಸ್ ನಿಂದ 2000 ನಿಟ್ಸ್ ವರೆಗೂ ಬೆಳಕು ಸ್ಕ್ರೀನ್ ಗೆ ಸಹಕರಿಸಲಿದೆ. ಡಾಲ್ಬಿ ವಿಶನ್, ಎಚ್ ಆರ್ ಡಿ 10 ಇದ್ದು, 120hz ರಿಫ್ರೇಶ್ ವೇಗ ಹೊಂದಿದೆ.
ಪ್ರೊಸೆಸರ್: ಎ16 ಬಯೊಪಿಕ್ ಚಿಪ್ ಹೊಂದಿದ್ದು, ಇದು ಸ್ಯಾಟಲೈಟ್ ಸಂಪರ್ಕ ಕೂಡ ಹೊಂದಿದೆ. 6 ಕೋರ್ ಸಿಪಿಯು ಪ್ರೊಸೆಸರ್ ಹೊಂದಿದ್ದು, ಇದು ಮೊದಲಿಗಿಂತ ಶೇ.20ರಷ್ಟು ಕಡಿಮೆ ವಿದ್ಯುತ್ ಬಳಕೆ ಆಗುತ್ತದೆ.