ಟಾಪ್ ಬ್ಯಾಟ್ಸ್ಮನ್ಗಳನ್ನು ಕೆಡವಿದ್ದೇವೆ ಪಂದ್ಯ ನಮ್ಮದೇ ಎಂದು ಬೀಗುತ್ತಿದ್ದ ಇಂಗ್ಲಿಷ್ ತಂಡಕ್ಕೆ ನಿನ್ನೆ ರಿಷಬ್ ಬಂದ್ ಅಮೋಘ ಆಟವಾಡುವ ಮೂಲಕ ಶಾಕ್ ನೀಡಿದ್ದಾರೆ.
ಹೌದು, ಮ್ಯಾಂಚೆಸ್ಟರ್ನ ಎಮಿರೇಟ್ಸ್ ಓಲ್ಡ್ ಟ್ರಾಫರ್ಡ್ ಕ್ರೀಡಾಂಗಣದಲ್ಲಿ ನಡೆದ ಇಂಗ್ಲೆಂಡ್ ವಿರುದ್ಧದ ಅಂತಿಮ ಹಾಗೂ ಮೂರನೇ ನಿರ್ಣಾಯಕ ಏಕದಿನ ಪಂದ್ಯದಲ್ಲಿ ಭಾರತ ಐದು ವಿಕೆಟ್ಗಳಿಂದ ಗೆದ್ದಿದ್ದು, ಮೂರು ಪಂದ್ಯಗಳ ಸರಣಿಯನ್ನು 2-1 ಅಂತರದಲ್ಲಿ ವಶಪಸಡಿಸಿಕೊಂಡಿದೆ. ಪಂದ್ಯ ಗೆಲ್ಲುವ ಕಾರಣರಾದ ರಿಷಬ್ ಪಂತ್ ಏಕದಿನ ಕ್ರಿಕೆಟ್ನ ಚೊಚ್ಚಲ ಶತಕದ ಸಾಧನೆ ಮಾಡಿ ಸಂಭ್ರಮಿಸಿದ್ದಾರೆ.
113 ಎಸೆತಗಳನ್ನು ಎದುರಿಸಿದ ಪಂತ್ ಬರೋಬ್ಬರಿ 16 ಫೋರ್ ಹಾಗೂ 2 ಸಿಕ್ಸರ್ ಬಾರಿಸಿ ಅಜೇಯ 125 ರನ್ ಚಚ್ಚಿದರು. ಅಂತರರಾಷ್ಟ್ರೀಯ ಏಕದಿನ ಕ್ರಿಕೆಟ್ನಲ್ಲಿ ಇದು ಪಂತ್ ಅವರ ಚೊಚ್ಚಲ ಶತಕ. ಇವರ ಸ್ಫೋಟಕ ಆಟಕ್ಕೆ ಇಂಗ್ಲೆಂಡ್ ಬೌಲರ್ಗಳು ತಲೆಕೆಡೆಸಿಕೊಂಡಿದ್ದು ಸುಳ್ಳಲ್ಲ.