ಭಾರತ (India) ಆಪರೇಷನ್ ಸಿಂಧೂರ (Operation sindhoor) ಆರಂಭಿಸಿದ್ದೇ ತಡ, ದೊಡ್ಡ ವೀರನಂತೆ ಮೈ ಕೊಡವಿಕೊಂಡು ಯುದ್ಧ ಸನ್ನದ್ಧ ಎಂದು ಪೋಸ್ ಕೊಟ್ಟು ಭಾರತದ ಮೇಲೆ ದಾಳಿ ಮಾಡಲು ಮುಂದಾದ ಪಾಕಿಸ್ತಾನಕ್ಕೆ (Pakistan) ಭಾರತ ದೊಡ್ಡ ಮರ್ಮಾಘಟವನ್ನೇ ನೀಡಿದೆ. ಪಾಕಿಸ್ತಾನದ ಏರ್ ಪೋರ್ಟ್, ಬಂದರು, ಹಲವು ನಗರಗಳ ಮೇಲೆ ಭಾರತ ಡ್ರೋನ್ ದಾಳಿ ನಡೆಸಿ ವಿಧ್ವಂಸ ಸೃಷ್ಟಿ ಮಾಡಿದೆ.
ಈ ದಾಳಿಯ ನಂತರ ಉಭಯ ದೇಶಗಳ ನಡುವೆ ಸಂಪೂರ್ಣ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಗಿದ್ದು, ಭಾರತ ಹಲವು ಮುನ್ನೆಚರಿಕಾ ಕ್ರಮಗಳನ್ನು ಕೈಗೊಂಡಿದೆ. ಈ ನಡುವೆ ಕ್ರಿಕೆಟ್ ಅಭಿಮಾನಿಗಳ ಮಧ್ಯೆ ಚರ್ಚೆಯೊಂದು ಆರಂಭವಾಗಿತ್ತು. ಐಪಿಎಲ್ ಸರಣಿ (ipl 2025) ನಿಂತುಹೋಗುತ್ತಾ..? ಎಂಬ ಚರ್ಚೆ.
ಹೌದು ಈ ಬಾರಿಯ ಐಪಿಎಲ್ 2025 ರ ಸರಣಿಯನ್ನು ಅರ್ಧಕ್ಕೆ ರದ್ದು ಪಡಿಸಲಾಗಿದೆ. ಇದಕ್ಕೆ ಕಾರಣ ಯುದ್ಧದ ಪರಿಸ್ಥಿತಿ. ಈ ಕುರಿತು ಬಿಸಿಸಿಐ ಸುದೀರ್ಘ ಚರ್ಚೆ ನಡೆಸಿ ಈ ಕ್ರಮ ಕೈಗೊಂಡಿದ್ದು, ದೇಶೀಯ , ವಿದೇಶಿ ಆಟಗಾರರ ಸುರಕ್ಷತೆ, ಸಾವಿರಾರು ಪ್ರೇಕ್ಷಕರು ಸೇರುವುದರಿಂದ, ಈ ಸಂದರ್ಭದಲ್ಲಿ ಕ್ರಿಕೆಟ್ ಸ್ಟೇಡಿಯಂ ಗಳು ಪಾಕಿಸ್ತಾನದ ಟಾರ್ಗೆಟ್ ಆಗುವ ಸಾಧ್ಯತೆ ಇರುವ ಹಿನ್ನಲೆ ಈ ನಿರ್ಧಾರ ಕೈಗೊಳ್ಳಲಾಗಿದೆ.
ಈಗಾಗಲೇ ಲೀಗ್ ಹಂತ ಮುಕ್ತಾಯಕ್ಕೆ ಬಂದು ಇನ್ನೇನು ಪ್ಲೇ ಆಫ್ ಆರಂಭವಾಗಬೇಕು ಎನ್ನುವಷ್ಟರಲ್ಲಿ ಯುದ್ಧದ ಬೆಳವಣಿಗೆಗಳ ಹಿನ್ನಲೆಯಲ್ಲಿ ಸದ್ಯ ಐಪಿಎಲ್ ಸನಾರಿಯನ್ನು ರದ್ದು ಮಾಡಿ ಮುಂದೂಡಿಕೆ ಮಾಡಲಾಗಿದೆ. ಇದು ಕ್ರೀಡಾ ಪ್ರೇಮಿಗಳಲ್ಲಿ ಕೊಂಚ ಬೇಸರಕ್ಕೆ ಕಾರಣವಾದರೂ, ಭಾರತಕ್ಕಾಗಿ..ದೇಶದ ಹಿತಕ್ಕಾಗಿ ಭಾರತೀಯರು ಎಲ್ಲಾ ತ್ಯಾಗಗಳಿಗೂ ಸಿದ್ಧ ಎಂಬುದು ಪ್ರತಿಯೊಬ್ಬ ಭಾರತೀಯನಿಗೂ ಅರಿವಿರುವ ಸಂಗತಿ.
ಇನ್ನು ಪರಿಸ್ಥಿತಿ ತಿಳಿಗೊಂಡ ನಂತರ ಮ್ಯಾಟರ್ ಇದೇ ಹಂತದಿಂದ ಐಪಿಎಲ್ ಆರಂಭ ಆಗಲಿದ್ಯಾ ಎಂಬ ಪ್ರಶ್ನೆಗೆ ಯಾವುದೇ ಉತ್ತರ ಸಿಕ್ಕಂತಿಲ್ಲ. ಈ ಪ್ರಶ್ನೆಗಳಿಗೆ ಕಾಲವೇ ಉತ್ತರಿಸಬೇಕಿದೆ.
