ಐಟಿಬಿಟಿ ಹಬ್ಎಂದು ಪರಿಗಣಿತವಾಗಿರುವ ನಮ್ಮ ರಾಜಧಾನಿ ಬೆಂಗಳೂರು ಇದೀಗ ಲಾಕ್ಡೌನ್ಅವಧಿಯಲ್ಲಿ ಆನ್ಲೈನ್ಫುಡ್ಆರ್ಡರ್ಹಬ್ಆಗಿ ಪರಿವರ್ತಿತವಾಗಿದೆ. ಪ್ರತಿನಿತ್ಯ ಮೂರು ಲಕ್ಷ ಗ್ರಾಹಕರು ಆನ್ಲೈನ್ಮೂಲಕ ಮನೆಗೆ ಆಹಾರ ತರಿಸಿಕೊಂಡು ತಿನ್ನುತಿದ್ದಾರೆ ಎಂದು ವರದಿ ಹೇಳಿದೆ. ‘ಪ್ಲಾಸ್ಟಿಕ್ ಡಬ್ಬ’ ಅಥವಾ ‘ಕಂಟೇನರ್’, ಯಾರಿಗಿಲ್ಲ ಇದರ ಪರಿಚಯ? ನಗರ ಪ್ರದೇಶದ ಅತೀ ಹೆಚ್ಚು ಯುವಕರ, ಯುವತಿಯರ, ಉದ್ಯೋಗಿಗಳ ಮತ್ತು ಸಮಯವಿಲ್ಲದವರ ರುಚಿಯಾದ ಆಹಾರ ಸಾಗಿಸುವ ಆಪಧ್ಬಾಂದವ. ಸದಾ ಉರಿಯುತ್ತಿದ್ದ ಅಡುಗೆ ಮನೆಯ ಒಲೆಗೆ ಸೀದಾ ಸೀದಾ ರಜೆ ಘೋಷಿಸಿ ಟಿ.ವಿ ಮುಂದೆ ಕೂತು ಬೇಕಾದ್ದು ತರಿಸಿಕೊಂಡು ತಿನ್ನಬಹುದಾದಷ್ಟು ಬದುಕನ್ನು ಸುಲಭಗೊಳಿಸಿದ ಮಹಾ ಉಪಕಾರಿ. ಕೆಲವೊಮ್ಮೆ ಅನಿವಾರ್ಯಕ್ಕೆ ಹೋಟೆಲ್ ಇಂದ ಆಹಾರ ತರಿಸಿಕೊಂಡು ತಿನ್ನುವಾಗ ಇದನ್ನು ಕಂಡು ಅನಿಸುತ್ತಿದ್ದುದು ಒಂದೇ! ಈ ಪ್ಲಾಸ್ಟಿಕ್ ಡಬ್ಬದ ಬಿಸಿ ಬಿಸಿ ರುಚಿಯಾದ ಊಟ ತಿನ್ನುತ್ತಿರುವುದು ಬದುಕಲಾ ಅಥವಾ ಸಾಯಲು? ಈ ಡಬ್ಬಾ ಎನ್ನುವ ಉಪಕಾರಿ ವಿಚಾರ ಏನೋ ಸರಿಯಿಲ್ಲ ಅನ್ನಿಸಿ ಸುಮ್ಮನೆ ಕೂತು ಗೂಗಲ್ ಕೆಣಕಿದಾಗ ಸಿಕ್ಕಿದ್ದು ಇಷ್ಟು….!
ಈ ನಗರ ಪ್ರದೇಶದಲ್ಲಿ ಹೋಟೆಲ್ ನಿಂದ ರುಚಿಯಾದ ಆಹಾರ ಸೀದಾ ಮನೆ ಬಾಗಿಲಿಗೇ ತಲುಪಿಸುವ ಅದೆಷ್ಟೋ ಕಂಪೆನಿಗಳಿವೆ. ಒಬ್ಬೊಬ್ಬರದ್ದು ಒಂದೊಂದು ಗಿಮಿಕ್. ಒಟ್ಟಿನಲ್ಲಿ ಅಡುಗೆ ಮನೆಯ ಒಲೆ ಹಚ್ಚಬಾರದು ಅಷ್ಟೇ ಉದ್ದೇಶ. ನೊ ಕುಕಿಂಗ್ಡೇ ನೊ ಕುಕಿಂಗ್ಮಂತ್ ಎಂಬ ವಿಲಕ್ಷಣ ಆಚರಣೆ ತಲೆಯೊಳಗೆ ತುಂಬಿ ಹೇಗೋ ಒಂದು ಆರ್ಡರ್ ಗಿಟ್ಟಿಸಿಕೊಳ್ಳುವಷ್ಟು ಬುಧ್ಧಿವಂತರು ಅವರು. ಬೆಂಗಳೂರು ದೇಶದಲ್ಲೇ ನಂ 1 ಫುಡ್ಡೆಲಿವರಿ ಮಾಡುವ ನಗರ. ಅತೀ ಹೆಚ್ಚು ಫುಡ್ಡೆಲಿವರಿ ಅಗುವುದು ಇಲ್ಲಿಯೇ! ಲೆಕ್ಕವಿಲ್ಲದಷ್ಟು ಫುಡ್ಡೆಲಿವರಿ ಕಂಪೆನಿ ಮತ್ತು ಸೇವೆಗಳಿವೆ. ಪ್ರತೀ ನಿತ್ಯ ಸರಾಸರಿ 3 ಲಕ್ಷ ಆರ್ಡರ್ಡೆಲಿವರಿ ನಡೆಯುತ್ತದೆ. ಪ್ಲಾಸ್ಟಿಕ್ ಕವರ್ ಬಳಸುವಂತಿಲ್ಲ ಎಂದು ಪೇಪರ್ ಕವರ್ ಕೈಗಿಡುವ ಡೆಲಿವರಿ ಕಂಪೆನಿಗಳು ಅದರೊಳಗೆ ಕಡಿಮೆಯೆಂದರೂ ಎರಡು ಪ್ಲಾಸ್ಟಿಕ್ ಡಬ್ಬ ಮತ್ತು ಮೂರು ಪುಟ್ಟ ಪುಟ್ಟ ಪ್ಲಾಸ್ಟಿಕ್ ಕವರ್ ಗಳನ್ನು ಪ್ರತಿಷ್ಟಾಪಿಸಿರುತ್ತವೆ! ಬಿಸಿ ಬಿಸಿ ಆಹಾರ ಹೊತ್ತು ಬೆಚ್ಚಗೆ ಕುಳಿತಿರುವ ಇದೇ ಡಬ್ಬಗಳನ್ನು ಬಿಡಿಸಿ ತಿಂದು ಮುಗಿಸಿ ಬಿಸಾಕಿಬಿಟ್ಟರೆ ಅಂದಿನ ಕೆಲಸ ಮುಕ್ತಾಯ.
ಮುಂದೆ….?
ಪ್ರತೀ ನಿತ್ಯ ಸರಾಸರಿ 3 ಲಕ್ಷ ಫುಡ್ಡೆಲಿವರಿ ಮಾಡುವ ಕಂಪೆನಿಗಳ ತಿಂಗಳಿನ ಸರಾಸರಿ ಡೆಲಿವರಿ ಸಂಖ್ಯೆ 90 ಲಕ್ಷ , ಅದೂ ಬೆಂಗಳೂರು ಒಂದರಲ್ಲೇ!, ಪ್ರತಿಯೊಬ್ಬರ ಆಹಾರವನ್ನು ಈ ಪೇಪರ್ ಕವರ್ ಒಳಗಿರುವ ಪ್ಲಾಸ್ಟಿಕ್ ಡಬ್ಬ ಮತ್ತು ಪುಟ್ಟ ಪುಟ್ಟ ಪ್ಲಾಸ್ಟಿಕ್ ಕವರ್ ಗಳಲ್ಲೇ ಸಾಗಿಸುವ ಈ ಅತೀ ಬುದ್ಧಿವಂತ food delivery ಕಂಪೆನಿಗಳು ಪ್ರಪಂಚದಾದ್ಯಂತ ಉಂಟುಮಾಡುತ್ತಿರುವ ಪ್ಲಾಸ್ಟಿಕ್ ತ್ಯಾಜ್ಯದ ಸರಾಸರಿ ಪ್ರಮಾಣ ವರ್ಷಕ್ಕೆ 14.5 ಲಕ್ಷ ಟನ್ . ಒಂದು ಕೆಜಿ ಪ್ಲಾಸ್ಟಿಕ್ ನ ಸರಾಸರಿ Carbon Footprint 6 Kg Co2. ಹಸಿರುಮನೆ ಪರಿಣಾಮಕ್ಕೆ ಇದಕ್ಕಿಂತ ದೊಡ್ಡ ಕೊಡುಗೆ ಬೇಕಾ….?
ಅತೀ ಕಳಪೆ ಗುಣಮಟ್ಟದ ಪ್ಲಾಸ್ಟಿಕ್ ನಿಂದ ತಯಾರಿಸುವ ಈ ಡಬ್ಬಾಗಳು ಅತ್ಯಂತ ಹೆಚ್ಚಿನ ಪ್ರಮಾಣದಲ್ಲಿ ಪಾಲಿಥೀನ್ಪಾಲಿವಿನೈಲ್ಕ್ಲೋರೈಡ್ ಮತ್ತು ಪಾಲಿಸ್ಟ್ರೀನ್ ಎಂಬ ಅಪಾಯಕಾರಿ ರಾಸಾಯನಿಕಗಳನ್ನು ಹೊಂದಿರುತ್ತವೆ. ಸಾವಿರಾರು ವರ್ಷಗಳಾದರೂ ಕೊಳೆತು ನಾಶವಾಗದ ಈ ಪೆಡಂಭೂತ ನೀರು ಮತ್ತು ಭೂಮಿಗೆ ಸೇರಿ ಮೊದಲು ಕೊಲ್ಲುವುದು ಏನೂ ಅರಿಯದ ಮೂಕ ಜೀವ ಪ್ರಭೇದಗಳನ್ನು. ಇವುಗಳಿಂದ ಹೊರ ಬರುವ Toxic ಪೃಕೃತಿಯ ಸಮತೋಲನ ಮತ್ತು ಸರಪಳಿಗೆ ಅತ್ಯಂತ ಮಾರಕ. ನಾಲಗೆ ರುಚಿಯ ತನಕ ಬಂದು ನಿಂತಿರುವ ಪೃಕೃತಿಯ ಮಾರಣಹೋಮ ಏನೂ ಅರಿಯದ ಮುಗ್ಧ ಜೀವಿಗಳ ಕೊಂದು ನಗುತ್ತಿರುವುದಂತೂ ಸತ್ಯ.
ಆದರೆ ನಾವೇನು ಶಾಶ್ವತವೇ…?
ನಿಗದಿ ಪಡಿಸಿದ ಸಮಯಕ್ಕಿಂತ ಮುನ್ನವೇ ಬಿಸಿ ಬಿಸಿ ಆಹಾರ ಕೈಗಿಟ್ಟು ರೇಟಿಂಗ್ ಕೊಡಿ ಸಾರ್ ಎಂದು ಹೇಳಿ ಹೊರಡುವ ಎಷ್ಟೋ ಡೆಲಿವರಿ ಬಾಯ್ ಗಳ ಬದುಕು ಅದರಿಂದಲೇ ನಡೆಯುತ್ತಿರುವುದು ಸತ್ಯ, ಆದರೆ ಅದನ್ನು ಇದೇ ಪ್ಲಾಸ್ಟಿಕ್ ಡಬ್ಬದಿಂದ ಇಳಿಸಿ ಚಪ್ಪರಿಸಿ ತಿನ್ನುವ ನಮ್ಮ ಬದುಕು, ಆರೋಗ್ಯ ಏನಾಗುತ್ತಿದೆ ಗೊತ್ತಾ?
ರಾಸಾಯನಿಕಗಳಿಂದ ತಯಾರಾದ ಈ ಪ್ಲಾಸ್ಟಿಕ್ ಡಬ್ಬ ಮತ್ತು ಕವರ್ ಗಳಿಗೆ ಬಿಸಿ ಆಹಾರ ಸುರಿದಾಗ ಸರಾಸರಿ 55% ಕ್ಕಿಂತ ಹೆಚ್ಚು ವೇಗವಾಗಿ Bisphenol(BPA), Phthalates ಮತ್ತು Styrene ಎಂಬ ಅಪಾಯಕಾರಿ ರಾಸಾಯನಿಕಗಳು ಬಿಡುಗಡೆಯಾಗಿ ನಿಮ್ಮ ರುಚಿಯಾದ ಆಹಾರದೊಂದಿಗೆ ಸೇರಿ ಹೋಗುತ್ತವೆ. ಆರ್ಡರ್ ಮಾಡಿದ ಸರಿ ಸುಮಾರು ಅರ್ಧ ಗಂಟೆಗೂ ಹೆಚ್ಚು ಕಾಲ ಡೆಲಿವರಿ ಬಾಯ್ ಜೊತೆಗೆ ಪ್ಲಾಸ್ಟಿಕ್ ಡಬ್ಬ ಮತ್ತು ಕವರ್ ಗಳಲ್ಲಿ ಮುಚ್ಚಿದ ಸ್ಥಿತಿಯಲ್ಲಿ ಮನೆಗೆ ಬರುವ ನಿಮ್ಮ ಆಹಾರ ಈ ಅಪಾಯಕಾರಿ ರಾಸಾಯನಿಕಗಳೊಂದಿಗೆ ಅತೀ ಹೆಚ್ಚಿನ ಪ್ರಮಾಣದಲ್ಲಿ ರಾಸಾಯನಿಕ ಕ್ರಿಯೆಗೆ ಒಳಪಟ್ಟಿರುತ್ತದೆ, ಮತ್ತು ನಿಮಗೇ ತಿಳಿಯದೆ ಕೊಲ್ಲುವ ವಿಷವಾಗಿರುತ್ತದೆ!
ಈ ಅಪಾಯಕಾರಿ ರಾಸಾಯನಿಕಗಳು ಬೆರೆತ ಆಹಾರಗಳ ನಿಯಮಿತ ಸೇವನೆಯಿಂದ ಅತ್ಯಂತ ಹೆಚ್ಚು ಹಾರ್ಮೋನುಗಳ ಬದಲಾವಣೆ ಉಂಟಾಗಿ ಸಂತಾನೋತ್ಪತ್ತಿಗೆ ಸಂಬಂಧಿಸಿದ ಸಮಸ್ಯೆಗಳು ಶುರುವಾಗುತ್ತವೆ. ಇನ್ ಫರ್ಟಿಲಿಟಿ ಅಲ್ಲದೇ ಮಕ್ಕಳ ಅಸ್ತಮಾ ಹೃದಯ ರಕ್ತನಾಳ ಖಾಯಿಲೆ), ಕೇಂದ್ರ ನರಮಂಡಲಗಳ ಸ್ಥಗಿತ ಕಡಿಮೆ ರೋಗನಿರೋಧಕ ಶಕ್ತಿ, ನರ ಸಂಬಂಧಿ ಖಾಯಿಲೆಗಳು ನಂತಹ ಅಪಾಯಕಾರಿ ರೋಗಗಳು ಕಾಣಿಸತೊಡಗುತ್ತವೆ. ಅಲ್ಲದೇ ಈ ಅಪಾಯಕಾರಿ ರಾಸಾಯನಿಕಗಳು ಸುಮಾರು 52 ಬಗೆಯ ಕ್ಯಾನ್ಸರ್ ಉಂಟುಮಾಡಬಲ್ಲವಾಗಿವೆ!
ನಾವೇನು ಕೊಡುತ್ತೇವೋ ಅದೇ ನಮಗೆ ವಾಪಾಸ್ ಸಿಗುತ್ತದೆ. ವಿಷ ಕೊಟ್ಟವನಿಗೆ ಸಿಗುವುದು ಕೂಡಾ ವಿಷವೇ… ಪೃಕೃತಿಯ ಕೊಂದು ಬದುಕುವ ಹುಚ್ಚು ಆಸೆ ಬಿಟ್ಟಾಗಲೇ ಬದುಕು ಸಮತೋಲನಕ್ಕೆ ಬರುವುದು. ಪ್ರತಿಯೊಂದಕ್ಕೂ ಪರ್ಯಾಯ ಎಂಬುದು ಇದ್ದೇ ಇರುತ್ತದೆ ಹುಡುಕುವ ಇಚ್ಛೆ ಇರಬೇಕಷ್ಟೆ. ಬದುಕು ಪ್ರತೀ ಜೀವಿಯ ಹಕ್ಕು. ಎಲ್ಲಾ ತನಗೊಬ್ಬನಿಗೆ ಮಾತ್ರ ಎಂಬ ಸ್ವಾರ್ಥ ಈಗ ಕಾಣದ ಕ್ರಿಮಿಗಳೆಲ್ಲಾ ಜೀವ ಹಿಂಡಿ ಕೊಲ್ಲುವ ಕಾಲಕ್ಕೆ ತಂದು ನಿಲ್ಲಿಸಿದೆ. ಇಂದಿನ ಕಾಳಜಿಯೇ ಮುಂದಿನ ಅವಕಾಶ, ಮುಂದಿನಪೀಳಿಗೆಗೆ ಏನಾದರೂ ಇಟ್ಟು ಹೊರಡುವ ಮನಸ್ಸಿದ್ದರೆ ಪರಿಶುದ್ಧ ಪೃಕೃತಿಗಿಂತ ಆಸ್ತಿ ಮತ್ತೊಂದಿಲ್ಲ….