ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್ ಅಭಿನಯದ 123ನೇ ಸಿನಿಮಾ ಭೈರಾಗಿ ಸಿನಿಮಾ ಬಿಡುಗಡೆಯಾಗಿ ಎಲ್ಲೆಡೆ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಚಿತ್ರದ ಯಶಸ್ವಿನ ಬೆನ್ನಲ್ಲೇ ಇದೀಗ ಶಿವಣ್ಣ ಮೈಸೂರಿನಲ್ಲಿ ಶಕ್ತಿಧಾಮದ ಮಕ್ಕಳ ಜೊತೆ ಸಿನಿಮಾ ನೋಡಿದ್ದಾರೆ.
ಹೌದು, ಶಿವಣ್ಣ ಹಾಗೂ ಅವರ ಪತ್ನಿ ಗೀತಾ ಮೈಸೂರಿನಲ್ಲಿ ಶಕ್ತಿಧಾಮದ ಮಕ್ಕಳ ಜೊತೆ ಭೈರಾಗಿ ಸಿನಿಮಾ ನೋಡಿದ್ದಾರೆ. ಸಿನಿಮಾ ನೋಡಿ ಬಂದ ಮೇಲೆ ಮಾಧ್ಯಮಗಳ ಜೊತೆ ಮಾತನಾಡಿದ ಶಿವರಾಜ್ಕುಮಾರ್, ಮಕ್ಕಳೊಂದಿಗೆ ಸಿನಿಮಾ ನೋಡಬೇಕು ಎಂದು ಬಹಳ ದಿನಗಳ ಆಸೆ. ಇದೀಗ ಭೈರಾಗಿ ರಿಲೀಸ್ ಆಗಿದ್ದು, ಮಕ್ಕಳ ಜೊತೆ ಸಿನಿಮಾ ನೋಡೋಣ ಎಂದು ಬಂದಿದ್ದೇವೆ. ಮಕ್ಕಳ ಜೊತೆ ಸಿನಿಮಾ ನೋಡುವ ಆಸೆ ನೆರವೇರಿದೆ. ಮಕ್ಕಳಿಗೆ ಸಹ ಸಿನಿಮಾ ಇಷ್ಟವಾಗಿದೆ. ಅವರ ರೆಸ್ಪಾನ್ಸ್ ನೋಡಿ ನನಗೂ ಸಂತೋಷವಾಗಿದೆ. ಈ ಸಿನಿಮಾಗೆ ಸಿಕ್ಕ ರೆಸ್ಪಾನ್ಸ್ ನೋಡಿ ಬಹಳ ಖುಷಿಯಾಗಿದ್ದು, ಬೈರಾಗಿ 2 ಬರಬಹುದು ಎಂಧು ಹೇಳುತ್ತಾ ಈ ಸಿನಿಮಾ ಫ್ಯಾಮಿಲಿ ಸಮೇತ ಬಂದು ನೋಡಬೇಕಾದ ಚಿತ್ರ ಎಂದು ಹೇಳಿದ್ದಾರೆ.