ಮುಂದಿನ ತಿಂಗಳು ಒಂದೇ ಹಂತದಲ್ಲಿ ಚುನಾವಣೆ ಎದುರಿಸಲಿರುವ ಪಂಜಾಬ್ನಲ್ಲಿ ರಾಜಕೀಯ ಚಟುವಟಿಕೆಗಳು ತುಂಬಾ ಗರಿಗೆದರಿವೆ. ಈ ಮಧ್ಯೆ ಮುಖ್ಯಮಂತ್ರಿ ಆಯ್ಕೆ ವಿಚಾರದಲ್ಲಿ ತುಸು ವಿಭಿನ್ನವಾಗಿ ಯೋಚಿಸಿದ್ದ ಎಎಪಿ ಇಂದು ತನ್ನ ಅಧಿಕೃತ ಮುಖ್ಯಮಂತ್ರಿ ಅಭ್ಯರ್ಥಿಯನ್ನು ಘೋಷಿಸಿದೆ.
ಮುಖ್ಯಮಂತ್ರಿ ಅಭ್ಯರ್ಥಿ ಆಯ್ಕೆ ವಿಚಾರವಾಗಿ ಟೆಲಿವೋಟಿಂಗ್ ನಡೆಸಿದ ಸಂಗ್ರೂರ್ ಸಂಸದ ಹಾಗೂ ಎಎಪಿ ರಾಜ್ಯ ಘಟಕದ ಅಧ್ಯಕ್ಷ ಭಗವಂತ್ ಮಾನ್ರನ್ನು ತನ್ನ ಮುಖ್ಯಮಂತ್ರಿ ಅಭ್ಯರ್ಥಿಯನ್ನಾಗಿ ಎಎಪಿ ಮುಖ್ಯಸ್ಥ ಅರವಿಂದ್ ಕೇಜ್ರಿವಾಲ್ ಘೋಷಿಸಿದ್ದಾರೆ.
ಈ ಟೆಲಿವೋಟರ್ ಅಭಿಯಾನದಲ್ಲಿ ಒಟ್ಟು 21 ಲಕ್ಷ ಜನ ಭಾಗವಹಿಸಿದ್ದರು. ಅದರಲ್ಲಿ ಶೇ.93ರಷ್ಟು ಮತಗಳು ಮಾನ್ ಪರ ಚಲಾವಣೆಯಾಗಿವೆ. ಶೇ.3ರಷ್ಟು ಜನರು ಪಿಪಿಸಿಸಿ ಅಧ್ಯಕ್ಷ ನವಜೋತ್ ಸಿಂಗ್ ಪರ ಚಲಾವಣೆ ಮಾಡಿದ್ದಾರೆ.